فى القصايد

يلى حطمتوا الزهور
حتى من قبل الظهور
يلى بعتوا الشوق بقسوة
جوا قلب الضلمة ديا اللى اتمنع يدخلها نور
ياحبيبى يلى بتحاول تسيبنى
والسبب تايه ما بان
والعجب كل العجب لما الحجج ماليه المكان
انت بس المعمى عنها وحتى دمعى الغالى هان
إشترى وردة زمانك من بيوت المسك تطرح
وابقى إكتب وابقى غنى وابقى إفرح
وافتكرنى
إفتكر زهر الحدايق فوق رموشى
كنت دايما توصفه بس الفراق ماذكرتهوشى
الديوان اللى انت كاتبه مش هينجح
لسه ناقصه حاجات كتير
لسه ناقصه الميه تروى الورد يطرح
لسه ناقصه الحب فيك
بيع ديوانك ياحبيبى وهشتريك
أيوه إنت
أيوه ما انت الوصف فيه وانت القصايد
انت صوت الصمت وانت الحب قايد
وانت جرح الجرح كله
وانت ذلى
يلى راجع فى الكلام الشعرى تحلفلى وتقولى
إنى كنت وإنى كاينة وراح أكون
وانى مرسومه ف كلامك دوم فاكرنى ومش حهون
مين سمحلك؟
مين عطاك الحق تحلف
كنت دايما تمضى عهد وتمضى وعد
ولما ييجى الوقت عندك كنت تخلف
يامّه قولى لابويا انى خلاص موافقه
وريهالى الشبكه دى بتاعة عريسى الجاى طالبنى
وادعى يامّه يكون حاببنى
وانسى إنى أكون سعيدة ف مره وأفرح
إنسى أن الورده تطرح
الحبيب الأولانى مازال بيجرح
بس يامّه منيش هموّت نفسى تانى
راح أموّت بس شوق جوايا قايد
أصل انا اتعودت دايما أبقى ورده فى القصايد

أستاذى
دائما أتشرف بكلماتك الراقيه
وتعليقك الذى يسعدنى
دمت بكل الخير والسعاده

وكالعاده
أكثر من حقى تعطينى
لكنه المدح الذى يشجينى
سعيدة بهذا التعليق الرائع
بارك الله فيك

والله ياأستاذى غيابى غصب عنى
فهو اما تعب أو انشغال
وعامة النت فصل عندى فتره كبيره
لكن أنا ماعرفتش رأيك برضو

ازيك ياأجمل بسمه
انتى وحشانى أكتر والله
شرفنى مرورك الجميل
ربنا يكرمك

سلمت أستاذى
تعليقك أسعدنى
أعزك الله

سيدى
تواجدك دائما صادق كرأيك
فأينما حضرت أدركت المغزى ووصفته جيدا
بارك الله فيك