أنا مش ح سكُت

( أنا مش ح سكُت )

أنا مش ح سكُت أبداً خالص
طول مانا فيكى عايش لامِس
مفيش تغيير على أرض الواقع
دورى مِتهَمِش كتير ناقص
*****************
أنا عايز ألعب دور على أرضك
أشارك أتفاعل فى موقف أساندِك
من حقى أوافق لرأى أو أرفُض
من حقى أتعلم سياسة أساعدِك
*******************
أنا راح أرفع شِعار الثورة
تعيشى يامصر على طول حُرة
تِفضَلى أبية .. وبينا غَنية
بِشبابِك الحلو ياأغلى دُرة
****************
أنا راح أشُق صفوف العمل
أرمى ورا ظهرى صفحات المَلَل
قِدوتى رسولى حبيب الكُل
أمشى على دَربُة أنا و الأمل
****************
أنا راح أقاوم بإيدى الفساد
مش ح سمح أبداً لِظُلم ينعاد
فى أى مجال أو رَشوة مُحال
دا جِهادى الأكبر فى البِلاد
*****************
أنا راح أدرب نفسى بِنَفسى
على شئ حلو يقاوم يأسى
مش راح أستسلِم أنا ح تعلِم
أقرا أدب عشان أرفع حِسى
****************
أنا مُشتاق .. لعيش وحُرية
نفسى أتنفس على أرضك دية
وأرفع راسى بقَلَمى وفاسى
وأنتج وأبنى بعرقى شوية
******************
أنا من أشد الناس للعَـدل
إقامة دولة ميزانها العَـدل
تراعى شؤنا تلبى حقوقنا
ماتبقاش غابة لواحِد نَدل
***************
أنا نفسى أشوف مليون مصنع
وملايين شباب عمالة تزرع
سواقى بتدور ومَكَن بيثور
مُجتمع عَجلِة إنتاجُة أسرع
*****************
من حقى أخرج من هِنا بِحلول
بروشتة علاج أنا فيها بقول
التعليم يتطور يساير العصر
على نور وأصول نبنى عقول
******************
يوسف أبو زينة
13/2/2012م