أبيع سلميه

موضوع: أبيع سلميه الإثنين فبراير 13, 2012 8:42 pm

( أبيع سلميه )
السعيد جميل الزهرى

راح أفتح كشك ف الحاره
وحا اتعاقد مع العصابات
وعندى خبرة وشطارة
بضاعتى كلها أعتصامات
وأصنّع خيام لليل
وكمامةعيون للسيل
وان كنت عابر سبيل
فوت واشترى الأشاعات
*****
علبة مظاهره لعيالك
رخيصه بربع جنيه
تبقى الأم دعيالك
تشرف عندنا يا بيه
قرب وجرب بضاعه محميه
تحرق تخرّب تقول دى سلميه
وجودة خساير وأيْدى مخفيه
ورشْ ميّه فى عين المعتصم ترميه
*****
وهديه للأحزاب
مع كل علبه شعار
بيفرق الأحباب
يخلق مابنهم نار
والأتلاف له كوم
سايب حدانا هموم
خايفين لا ييجى اليوم
يرمينا برّه الدّار
*****
بنأجّر البلطجى
تمنه برُخص تراب
لو حتى كان عربجى
يفهم فى كل خراب
ديما معاه مولوتوف
كالح مايعرف خوف
وسط الميدان معروف
وينقىّ أحلى شباب
*****
سلميّه فيها الغول
عمره مايتحاكم
بيسيب مكانه فلول
منهم واحد حاكم
قاعد عشان يحميه
يصرف فلوسنا عليه
ويجيبه ويوديه
من سيما لمحاكم
*****
وضريبة المبيعات
أم الشهيد دافعاها
والقتل ع الشاشات
والصوره دبحاها
أبنى ضنايا فين
صادُه غراب البين
ع الدنيا مين هايعين
ولا حد سامع نداها
*****
جرا لك أيه يا بلد
بقى طعم ريقك مر
فيكى يموت الولد
عشمه يكون حر
تنده تقول سلميه
أدمر بلدى بأديه
بصوبعى أقلع عنيه
سبنا شويه د العمر بيمر

*****
[center][list=1][*]

الله الله على الشغل الجميل يا جميل

جيناس وصور ومفردات

بس في تعليق

البلطجية دول مضربين تدريب عالي

غير البلطجية اللي عندنا

في ابو خروف والتوتة
وشاعر عشرة وشارع التلاجه

دول وربي غلابة

وكدا أنت بتظلمهم

وما بتنزلش بلطجية النظام السابق منازلهم

هههههههههههه

صباح الفل

الاخ الشاعر

السعيد جميل الزهرى

مصائب قوم عند قوم فوائد ..

لكن اظن آن الاوان لنتفهم الامور جيداّ . واظن ان عددهم بدأ يقل .

وان شاء الله عن قريب والفضل لله اولاّ ثم الضغط الشعبى

سوف نجد جميع بلطجية مصر فى السجون .

نص جميل ومضمونه اجمل .

مودتى وتحيتى ...

هنا قرأت الشعر الموزون
معني ومضمون
شكرا اخي الشاعر الجميل
دمت بخير

ماهر حامد كتب:: الله الله على الشغل الجميل يا جميل

جيناس وصور ومفردات

بس في تعليق

البلطجية دول مضربين تدريب عالي

غير البلطجية اللي عندنا

في ابو خروف والتوتة
وشاعر عشرة وشارع التلاجه

دول وربي غلابة

وكدا أنت بتظلمهم

وما بتنزلش بلطجية النظام السابق منازلهم

هههههههههههه

صباح الفل

صباح الجمال يا أستاذى ماهر
لقد أسعدنى مروركم العطر
وأشكركم على التواصل والمتابعه
خالص تقديرى

الشاعر السعيد الجميل الزهيري

يا تري هاتوزع جملة ولا قطاعي

ولا أقولك إبعتلي كرتونتين سلمية علي مولوتوف ههههههه

الله ينور عليك شاعرنا الجميل .