إعــــجن حـــروفـــــك

إعــــجن حـــروفــك
.............................
إعجن حروفك عجينه
والريحه نتنه وشينه
وعيونا منها بتهرب
وتقول كفايه عِمينا

الحرف منَّك غناوي
والفكر عندك مخاوي
والكلمه لو بحر منَّك
فـ البحر يرمي فـ بلاوي

إرحم ياخينا المشاعر
ولا انت فـ الشعر واعر
واكتب حروفك رسايل
وانسجها نظم وضفاير

خايف الوم اللي شجَّع
وبكلمه خلَّاك تبدع
حسيت كأنك هلالي
بـ الوصف نازل تبرطع

الله يسامح عيونَّا
دي النظره منها تخونَّا
لمَّا بتلمح حروفك
العقل ينْكش ضميرنا

بكتبها كلمه وصريحه
من غير شكاوي ومريحه
لو كنت ناوي تكمَّل
هتلاقي حرفك سِطيحه