آن الآوان

الطير اللى حط على غصن

الأدب والحب

من علمكم شارب نقر

ولم الحب

لا عمره ينكر جميل

مطرح ما رجله تدب

ما عرفش غير الصفا

من كل خل وحب

ولا عمره قال كلمة

ف حق أى صديق

حتى العدى شافوا

رد الأذى والضيق

بالحسنى والمعروف

مش بالرتوش والزيف

دلوقت يا غصننا

آن الآوان نرحل

أصل الأيمان مبدأ

وما ليش ف دى التخاريف

عايش وقلبى الوفا

والدنيا دى ساعة

يا تعيشها صاحب كلمتك

يا تموت ف دى الساعة

مليت حروف المأمئه

والرقص ع السلم

وكفاية رسم ومحلسه

دى الدنيا هاتضلم

قولوا الحقيقة بقى

فيه أخرة يا اخونا

يوم الحساب مافهوش

غير نار أو الجنة

ده الكلمة أصل البلا

تفضل ف كل كتاب

يا تبقى بالأنوار

فاتعيش وتتغنى

يا تبقى للأغراض

فتموت بلا معنى


وعجبى ...........