القديس

دور جواك

ع الواد اللى ما ينطقش العيبه

ويغمض عينه عن الدنيا

فيشوفها بلون الورد

الواد اللى بيجرى المسافات وما يتعبشى

وبيعرق يطرح مسك وعنبر

ومشاتل مرويه ببحر براءته

وبدهته لما تنبت

وبخطفة قلب بنات الشارع لما يعدَى

دور جواك

ع الواد اللى الرمله على الشط بتكسيه

والشمس بتعمل له شعورها جدايل

وتباصيهاله

القديس اللى مالوش متوى

بيعود احلامه تطاوعه

وبيربيها

علشان متجيش تانى يوم وتقول له انا متحققتش

بابا نويل

طول ماهو ماشى يوزع لبتسامات ع الناس

ويراهن على حظه ما يخسر

دور جواك

ع الفكره اللى بتملك روحك

والقديس اللى ملوش متوى

الا خيالك

السلام عليكم ورحمة الله وبركاته
أخي الحبيب الشاعر القدير الاستاذ اسامة سند
كيف حالك يا شاعر أخبارك ايه سألت عليك والله فى ( عضو عزيز غائب )
يارب ديما تكون بخير

أمممممممممممممم المرادي عجبتني فكرتك طبعا فى نصك كما اعتدت منك ذلك
ولكن لا أدري هل قصدت ما كتبت شعراً
ام نص نثري أو خاطرة
بصراحة معرفشى موش ماشى معايه خالص شعر ليه موش عارف
خاصة ان الأخوة الأفاضل أقروا إنه شعر
عمتاً أنت تعلم أني من المعجبين جداً باشعارك ورصيدك الفائت يشهد بذلك
يارب أكون موش غلطان فى التصنيف
دمت يخير اخى العزيز اسامة سند وياريت نشوفك إن شاء الله فى ندوة هذا الشهر
تقبل مروري

محمود جمعة كتب:

الشاعر المتمكن أسامة سند

رائعة الفكر والشعر والمضمون والتصوير والصياغة

تثبت بمعرفتي أعجابا بالشعر الحقيقي

خالص التقدير لعملك المدهش

كن بكل خير

الأستاذ العزيز محمود جمعه : هذا اطراء لا استحقه تماما .. انا على قدى جدا واكاد اكون مبكتبش شعر اصلا .. لكنى اشكرك على اهتمامك بالتعليق

عادل عوض سند كتب:

نص يستحق الاعجاب

الابن الشاعر الجميل

اسامه سند

شاعر متمكن وله فلسفته الخاصه فى كتاباته .

وزاوية رؤيه بكر لكل اعماله .

تقبل مرورى ومودتى ...

الشاعر المحترم والخلوق عادل سند : بصراحه مبقتش عارف ده مدح والا ذم ههههههههه .. انا الشهر ده مقدمتش ف مسابقة المنتدى .. لكنى بالصدفه لقيت نص ليا موجود ف مسابقة قصيدة النثر ونصى كان تفعيله .. عايز اعرف ايه الألتباس اللى حصل .. المقصد انك تعرف انى اهتم بسماع رأيك وتعليقاتك على نصوصى المتواضعه .. عايز اشكر حضرتك واباركلك على التكريم الأخير

بسمة الورد كتب:

جميله احرفك وفكرتك يااسامه

احسنت شاعرنا الرائع

دمت بتميز دائما

شكرا ليكى جدا ..

محمود بسيوني كتب:

السلام عليكم ورحمة الله وبركاته
أخي الحبيب الشاعر القدير الاستاذ اسامة سند
كيف حالك يا شاعر أخبارك ايه سألت عليك والله فى ( عضو عزيز غائب )
يارب ديما تكون بخير

أمممممممممممممم المرادي عجبتني فكرتك طبعا فى نصك كما اعتدت منك ذلك
ولكن لا أدري هل قصدت ما كتبت شعراً
ام نص نثري أو خاطرة
بصراحة معرفشى موش ماشى معايه خالص شعر ليه موش عارف
خاصة ان الأخوة الأفاضل أقروا إنه شعر
عمتاً أنت تعلم أني من المعجبين جداً باشعارك ورصيدك الفائت يشهد بذلك
يارب أكون موش غلطان فى التصنيف
دمت يخير اخى العزيز اسامة سند وياريت نشوفك إن شاء الله فى ندوة هذا الشهر
تقبل مروري

صديقى الشاعر محمود بسيونى : ربنا يديم المحبه بينا يا صديقى .. لكنى عايز اوضح ايضاح بسيط .. انا شاعر تفعيله بكتب قصيدة النثر على استحياء .. والنص ده نص تفعيلى على بحر المتدارك فى شكله الخببى .. والنص قد يبدو نثرا وده مقصود لأنى اعتمدت على نوع من التدوير فى بعض الأحيان والتذييل والترفيل فى احيان اخرى .. هذا ما جعل النص يبدو احيانا كأنه نثر .. لأن اسلوبى فى الكتابه لا يعتمد على الفصل العروضى على مستوى الشكل ولا الصوره المباشره على مستوى التلقى المضمونى .. الى جانب انى احيانا قد اعطى بعض النص طابعا طقسيا واحيانا يدخل عليها الشكل المثيولوجى بالتناص او بالتصرف .. ما يجعل نصى على بحر المتدارك قد يبدو وكأنه نص نثرى .. شكرا يا صديقى

محمد عبد الواحد كتب:

الشاعر / أسامة سند

جميل ما قرأت هنا

إحساس من شاعر جميل

دمت مبدعاً

....... اشكرك يا أستاذ محمد على اطراءك

الابن البار@ضياء الادريسي كتب:

جميل نصك

ايها المبدع

دمت بخير

تقبل مروري

اشكرك على مرورك الرقيق يا أستاذ ضياء