بلـــــــــــــدي

أنا م البلد ..

اللي ناسها طيبين بالفطره

وحنينين بالفطره

أنا م البلد اللي ولادها

متشعبطين ف قطر الليالي ..

يوصل لبكره

بإدين وقلب وحضن

أنا من بلد .. الحزن ..

( سارق الفرح )

والبنت من الولد

والرقصه من نشوة هواك

أنا م البلد ..

اللي لو بصّيت من الشباك

تخطفك ..

زي أي بنت حلوه

بابتسامه

أو بنظره دافيه من عنيها

وشوق مهاود نشوة الاحساس ..

بحب كبير

أنا من بلد الصبر الجميل

والغنوه

والموّال

أنا من بلد .. الزلزال ..

مايهد طوبه ف حلمها

ولا كان ولا عاش

أنا م البلد ..

اللي لو لسه ماعرفتهاش

بلدي ..

أنا من مصر



سوهاج 2005

الاخ الحبيب الشاعر

مراد ناجح

تلك العقليه لابد وان نحترمها .

وانسان فى مثلك اعتز ان يكون اخاّ لى .

وكل الشكر على هذا الشعور الذى نحتاجه جميعاّ

فى تلك المرحله والتى يتوجب علينا الحذر من نتائجها المبهمه .

كل الشكر والتقدير ...