غلابه... لاكين

موضوع: غلابه... لاكين الأحد أكتوبر 23, 2011 6:28 pm

غلابه لاكين .... ولاد حنت وفهمجيه

عطالي لاكين ... صنيعيه

غريب الحال

غبي وبطال

وقعنا ف ناس ... لومنجيه

..........

إنتي فينك يابلدنا

حد قالك انتي فين ؟؟؟؟

يوم ماكان النيل يروح

كان طريقه كله خير

كان يمسي ع الجناين

او يصلي ف الحسين

كت صلاته مستجابه

غير صلاة الجلابين

كان احن ع الغلابه

من امير المؤمنين

..........

ياحسين الوقت فاتنا ؟؟؟

يإمام الثورجيه

فين حياتك من مواتنا ؟؟؟

فينه سيفك ... فين جرابك

واللي خانا هوه هوه

هوة هوة اللي خانك

والمعركه لسه

في اول الحصه

إنفخي لمي المداين

إنفخي لمي الثغور

دايمن تلقي الغلابه

في دفتر الحضور

دايمن تلقي الغلابه

في اول الطابور

بعد إذنك ..

ممكن ارزعك تثبيته من نفسى ..

استنانى جايلك تانى . استنيتك عمر بحاله

مش قادر تستنى ثوانى ؟؟؟؟؟؟

خلاص ماعندكش صبر ...

الله الله
احسنت شاعرنا الجميل
والله احنا غلابة اغلب من الغُلب
وهى كمان غلبانة قوى
تستاهل التثبيت
دمت بخير

الله الله على الحلاوة والجمال عجبتنى التركيبة الشعرية يا استاذنا ما بين الشقاوة وما بين النداء وما بين الشكوى

جميلة ياعمنا

بسجل اعجابى بشدة على قصيدتك يا استاذنا

تحياتى ياكبير

الله عليك يا شاعر يا جميل
قصيدة مليانة رقة فيها ابداع التصوير
فيها تجسيد لمعانى جميلة غابت عنا سنين
و موسيقاها جميلة فيها نغمة ايقاع
بالاضافة للعواطف الجياشة التى يمتلىء بها النص
تحياتى اليك و من نجاح الى نجاحات أكبر.

اه والله يا عمنا
دايمن الغلابه فى اول الصف
انت عارف ليه
لان الشبع بيبلد الحس
ولذلك
سيدنا النبى صلى الله عليه وسلم قال
"ما ملأ ابن ادم وعاءا شر من بطنه"او ما معناه
والمثل بيقول
محدش بيموت م الجوع الناس بتموت م الشبع
جميله مفرداتك استاذنا ومتفرده
كل التحايا لك

م/عطية شواش كتب:: غلابه لاكين .... ولاد حنت وفهمجيه

عطالي لاكين ... صنيعيه

غريب الحال

غبي وبطال

وقعنا ف ناس ... لومنجيه

..........

إنتي فينك يابلدنا

حد قالك انتي فين ؟؟؟؟

يوم ماكان النيل يروح

كان طريقه كله خير

كان يمسي ع الجناين

او يصلي ف الحسين

كت صلاته مستجابه

غير صلاة الجلابين

كان احن ع الغلابه

من امير المؤمنين

..........

ياحسين الوقت فاتنا ؟؟؟

يإمام الثورجيه

فين حياتك من مواتنا ؟؟؟

فينه سيفك ... فين جرابك

واللي خانا هوه هوه

هوة هوة اللي خانك

والمعركه لسه

في اول الحصه

إنفخي لمي المداين

إنفخي لمي الثغور

دايمن تلقي الغلابه

في دفتر الحضور

دايمن تلقي الغلابه

في اول الطابور

الشاعر كبير الزجالين

قصدي كبيرالمهندسين / عطية شواش

ما أروعك

(عطالي لاكين ... صنيعية)

تعرف يا باشمهندس والله احنا عندنا صنايعية في

مصر تتلف إيديهم في حرير ولكن فعلا عاواطليه في

مصر بس ولو سافروا اي دولةعربية بيحسوا بآدميتهم

لأنه يجد المقابل المادي والمعنوي .

وبعدين يا باشمهندس دي حته صغيرة أخذتها شوف خدت

قد إيه من التعليق والتفسير أمال لو أخذت كلمة

( لومانجية )

هانكتبوا عليها مجلدات وفيه حاجات بين السطور

ربنا يستر وتعدي علي خير . المهم إنها قصيدة

كالعادة من العيار الثقيل .

أحسنت صنعاً

الله عليك شاعرنا القدير/ م.عطية شواش

احسنت استاذنا كعادتك
ولا كلمه تفى حق ما قدمت لنا
فالتلميذ يعجر عن تقدير الاستاذ
تقبل مرورى واعجابى بحسك الوطنى الراقى
احترامى الدائم

مهندس الشعراء عطية باشا شواش

طبعا لازم تشك دبوس ف وسط اي قصيدة عشان تفتح حوار

كت صلاته مستجابه

غير صلاة الجلابين

كان احن ع الغلابه

من امير المؤمنين

سأستفسر منك قبل الرد علي ثلاث أشياء ،،،

من يعرف أو يضمن ان تقبل صلاة مهما كان مصليها حتي لو كان النيل ؟؟

من هم الجلابين المقصودين ؟؟ ولماذا لا تقبل صلاتهم ؟؟

ماذا تقصد هنا بأمير المؤمنيين ؟؟ حكام العصر ؟؟ وهم ليسوا أمراء المؤمنيين

قطعا ؟؟ أم حكام الدول الاسلامية بداية من عمر رضي الله عنه أول من لقب بهذا

اللقب وتلاه حكام الدول الاسلامية المتعاقبة حتي نهاية الدولة العباسية علي ايدي

التتار ؟؟

في أنتظارك يا باشا

تحياتي

[quote="م/عطية شواش"]

كان يمسي ع الجناين

او يصلي ف الحسين

كت صلاته مستجابه

غير صلاة الجلابين

كان احن ع الغلابه

من امير المؤمنين
..........

ولتسمح لي يا أستاذي الكبير المهندس عطية شواش أن أردّ على هذه الكلمات وأقوووول...

الصّلاة مُش جلاّبيّةْ

ولاّ سِبحة أو طاقيّةْ

الصّلاة روح العبادة

لمّا يبقى الصِدق نيّـةْ

والرسول بالحقّ شاهدْ

عـ اللّي يعتاد المساجِدْ

واللّي راكع واللّي ساجِدْ

إشهدُولُهُ...بالهِدايةْ

هيّة دي أصل الحكايةْ

والصّلاة يعني التواصُلْ

تِكسر الحَدّ اللّي فاصِلْ

بين كلامك.. والضميرْ

تغسل القلب اللّي صَدّا

تِنجِدك.. من كُل شِدّة

لو بِربّك..تِستجيــرْ

البلد فى عيون صبية
لسه ما تعرفشى هم
البلد ع السكة سايلة
ويا دم الشهدا دم
البلد مطحونة ويا
الدقيق لجل الرغيف
واقفة لجل تمد ضلة
ع اللى نايم ع الرصيف

تحيااااااااااتى لقلمك المبدع و اسلوبك الرائع وتقبل منى هذه الشخبطات التى كانت من وحى قلمك

ومين قال ءانك غلبان ههههههههههههه
ءانت باشا يا باشا

م/عطيه شواش
قولي نروح منك فين
ياراجل عقدتنا
طب سؤال بتجيب الصور ديه ازاي
طب بتجدل الفكره كده ازاي برضه
انا بفكر اسرح بجردل حاجه ساقعه وابقي زميل هنومه
انا عمال اقرا في القصيده وكل مره الاقيها اجمل انا كفايه عليا ادخل المنتدي اقرا بس

عادل عوض سند كتب:

بعد إذنك ..

ممكن ارزعك تثبيته من نفسى ..

استنانى جايلك تانى . استنيتك عمر بحاله

مش قادر تستنى ثوانى ؟؟؟؟؟؟

خلاص ماعندكش صبر ...

حبيبي عادل ... اعمل كل اللي في نفسك بس من غير خبط ورزع

عشان السمان اللي فوقينا ... اشكرك حبيبي علي التثبيت

تحياتي

الشاعر الكبير المبدع.م/عطية شواش
كان يمسي ع الجناين

او يصلي ف الحسين

كت صلاته مستجابه

غير صلاة الجلابين

كان احن ع الغلابه

من امير المؤمنين
..........
قصيده جميله لايكتبها غير كبير المهندسين والمبدعين وكالعاده علي راي الاستاذ/محمود ..حاسس بدبوس هنا في الابيات دي ههههههه..دمت بخير مهندسنا الكبير.ودام ابداعك وسامحني علي التقصير فانا مهما كتبت لن اوفيك حقك
تقبل تحياتي

والله دنيا الحظ هبلة
زى كل الحشاشين
والصنايعية التنابلة
زادوا على الشغالين
والله عندك حق ياهندسة ناس كتير عاطلين بمزاجهم
واحنا مش هتقوم لنا قومه اللى بايدين الناس الشغالة
تقبل شخبطاتى وتحياتى

يوسف ابو زينة كتب:

الله الله
احسنت شاعرنا الجميل
والله احنا غلابة اغلب من الغُلب
وهى كمان غلبانة قوى
تستاهل التثبيت
دمت بخير

اخي الكريم الشاعر يوسف ابو زينه

اشكرك علي سبقك الكريم

اتمني لك التوفيق .... تحياتي

مهندس الكلمه/ عطيه شواش
دائما لكلماتك معنى عميق
وموسيقى رنانه
ومنك دائما نستفيد
بارك الله فيك

مهندسنا وحبيبنا
وجامعة ا لشعر والازجال
الكبير قوى عطية باشا شواش
دمت يا مهندسنا ودام قلمك
الرائع المثير للجدل مستنى ردك
على الكبير القدير محمود جمعة
دمت استاذنا بكل هذا الا بداع
Very Happy

علي غير المعتاد منك--- الاختصار والتكثيف
بنفس الجمال الغير معتاد من الاخرين
عفوا للجميع
احم احم
شعرك ليه روح وحس ونفس
ولكنتك ملمه بكلمات لاتخرح الا من بيئه غنيه بتلك المصطلحات اللتي اصبحت نادره وشبه منقرضه ومابقي منها يتوارثه القليلون امثالك
عموما انت شاعر وهكذا الشعراء دون الجلابين كما اسميتهم؟

اعود لكلمة الجلابين اللتي اذهلتني في قصيدتك
فالجلاب هو السمسار علي حد علمي او قل جهلي
ودائما ماكان سئ السمعه حيث انه يعمل لحساب الغير وحتي بأموال الغير ولكنه في الغالب مايتحايل علي زبائنه ويحتكر السلع ليستفاد من البائع والمشتري اكثر استفاده
***
يوم ماكان النيل يروح

كان طريقه كله خير

كان يمسي ع الجناين

او يصلي ف الحسين

كت صلاته مستجابه

غير صلاة الجلابين

كان احن ع الغلابه

من امير المؤمنين

**
وكما اري ويري الجميع فيما اعتقد ان هذا المقطع هو اهم مقطع في قصيدتك الرائعه وحيث انني رايت بعض التساؤلات حول هذا وخصوصا من الاستاذ محمود جمعه فاحببت ان اوضح رؤيتي لقصيدتك في هذا المقطع بالتحديد

فانت اتخذت النيل كرمزية الخير لمصر وهو كذلك بالفعل
ثم صورته في صورة من اجمل صور الانسان الخير المصلي المصاحب للغني والفقير والمصاحب لكل نافع ومفيد للبلد

فكان من الطبيعي جدا ان تكون صلاته مستجابه غير صلاة الجلابين
وان يكون دعائه مستجاب اكثر من دعوات امير المؤمنين؟ الرمزيه للحاكم

عزيزي الشاعر المتمكن جدا بدرجة استاذ

هكذا رايت رائعتك

فتقبل مني تحياتي ورؤيتي المتواضعه
والمعني ببطن الشاعر المبدع شواش
(وياليت شعري)

khaled_dwidar كتب:

الله الله على الحلاوة والجمال عجبتنى التركيبة الشعرية يا استاذنا ما بين الشقاوة وما بين النداء وما بين الشكوى

جميلة ياعمنا

بسجل اعجابى بشدة على قصيدتك يا استاذنا

تحياتى ياكبير

الشاعر الواعد خالد دويدار اشكرك علي مرورك الكريم

تحياتي ومن تقدم الي تقدم

هههههههههههههه
مفبش فايده
متحطش البيض كله في جلابيه واحده --قصدي في سله واحده
وبعدين الي انت مختلف معاهم دول مش بيلبسوا جلاليب اساسا ههههههه
بس الجلابيه رمز استخدم للاختلاف مع التيار الاسلامي سياسيا وليس دينيا طبعا
عموما السلفيين غير الاخوان غير الجهاد غير غير ....
وان كنت تختلف مع احدهم فانا ايضا اختلف مع احدهم ولا اضعهم كلهم في سلة واحده
القصيده شعريا بقى مش محتاجه رأيي الفقير يعني وجهة نظرك عبرت عنها بابداع كالعاده حتي وان اختلفنا
حبيبي يا هندسة الشعر العامي يا عمنا عطيه

ايها الشاعر الرائع طاهر الصوفاني

لا يمكن نزع الشعر عن الشاعر ،، وتقييمه منفردا .. في حالتنا هذة

والا لن نكون منصفين .. خاصة وبيننا حوارات كثيرة دارت وتدور حول

الجلابين ومعناهم ومن المقصودين بالرمز أحيانا وبالتصريح أحيانا أخري

أعترض يا شاعرنا الصوفاني آن تقول ( طبيعي صلاته تكون مقبوله )

قبول الصلاة من الانسان والشجر والحجر عمل الهي بحت لا يعرفه

ولا يطلع عليه الا الله وحده .. ولذا كان أعتزاضي آنه يفترض قبول صلاه

وعدم قبول أخري ..

أما الحديث عن أمير المؤمنين بشكل مطلق كرمز للحاكم الظالم فأيضا

مرفرض .. كان من الممكن أ ن يقول أمير المخبرين ،،او أمير المجرمين ..او اي

أمير اخر لنبتعد قليلا عن جسم الخلاف

أما الجلابين يا سيدي فلو كانوا مصلين لشهدنا لهم بذلك وليس لنا ان نتدخل

في قبولها من عدمه .. واريد ان أقول ان المصلين أيضا يخطأون ولا نرد

هذا ابدا الي دينهم او صلاتهم فالنبي أخبر ( كل أبن آدم خطاء ) والمصلين

من ابناء آدم ايضا .. ولكن تعرف من المقصود عند مهندس الشعراء بالجلابين

ولك أن تراجع ذلك بسهوله علي صفحات هذا المنتدي

من ناحية الشعر والالفاظ والعبارات والتصوير عمنا مهندس الشعراء

شاعر كبير ورائع ..بس الله يكرمك قوله يبطل يحط لينا الغام في قصايدة

تنفجر في وشي اول ما أدخل هههههههههههه

تحياتي لك ولشاعرنا مهندس الشعراء شواش خالص التحية

الاعلامى اسلام المصرى كتب:

الله عليك يا شاعر يا جميل
قصيدة مليانة رقة فيها ابداع التصوير
فيها تجسيد لمعانى جميلة غابت عنا سنين
و موسيقاها جميلة فيها نغمة ايقاع
بالاضافة للعواطف الجياشة التى يمتلىء بها النص
تحياتى اليك و من نجاح الى نجاحات أكبر.

اشكرك استاذ اسلام علي رقة شعورك النبيل

اتمني لك دوام النجاح.... تحياتي

رافت المصرى كتب:

اه والله يا عمنا
دايمن الغلابه فى اول الصف
انت عارف ليه
لان الشبع بيبلد الحس
ولذلك
سيدنا النبى صلى الله عليه وسلم قال
"ما ملأ ابن ادم وعاءا شر من بطنه"او ما معناه
والمثل بيقول
محدش بيموت م الجوع الناس بتموت م الشبع
جميله مفرداتك استاذنا ومتفرده
كل التحايا لك

حبيبي رأفت المصري والله واحشنا كلامك

افتقدناك فتره ... عود حميد

شكرى لمرورك الكريم