معشر والنبى اسفين

بسم الله الرحمن الرحيم
***************
كتبت بعد تقرير الكسب غير المشروع

{ معشر والنبى اسفين }

ايه راى جناب اتباع وكلاب
معشر والنبى اسفين
فى حساب ارباب دولة احباب
احزاب المنتفعين
فى غسيل اموال وكلام متقال
عن نصب وكسب مشين
فى رصيد بيزيد وشديد ما يقيد
لو ولعناه ببنزين
*
اذا كت اهوال او دم وسال
او موت وخراب وسعير
ما اذوش فى قلوب من طوب جُهال
ارذال بلا أى ضمير
فيا ريتنا نشوف بعد اما كشوف
ظهرت بالحق مبين
أيه راى جناب اتباع وكلاب
معشر والنبى اسفين
*
فى جمال وعلاء وجهاء نبلاء
نبهاء عهد الاشرار
ببلاء وعداء وغباء وجفاء
ودهاء ليل ويا نهار
يمرقوا يسرقوا يفلقوا يحرقوا
يخرقوا كل القوانين
ايه رأى جناب اتباع وكلاب
معشر والنبى اسفين
*
ف اتنين سارقين لهفين سافين
الفين مليون ويزيد
واحنا الملايين قايمين نايمين
فى نواح وصراخ وعديد
بين جوع ودموع ونيران فى ضلوع
وبطاله وحاله تشين
ايه راى جناب اتباع وكلاب
معشر والنبى اسفين
*
فى حرامى الغاز سالم النهاز
استاذ انجاز العار
يوهب لولاده وباستفزاز
فوق العشرين مليار
عربيد وعنيد صنديد وعميد
تبيض دولارات وسخين
ايه راى جناب اتباع وكلاب
معشر والنبى اسفين
*
فى عجوز بنفوذ له حضور و حظوظ
فاقت كل التقداير
صهيونى النزعة كده ومحيوز
لكيان حيوان و حقير
خفاس دفاس ومخبى يا ناس
احلام كل المساكين
ايه راى جناب اتباع وكلاب
معشر والنبى اسفين
*
حامل اسرار سيدنا الطيار
وامين سر البشوات
زى الاعصار وف قلبه النار
ومخبى ف عبه حاجات
علاقات صداقات صفقات صدمات
صراعات دنيا الفاسدين
ايه راى جناب اتباع وكلاب
معشر والنبى اسفين
*
ياما بكره هنسمع لما هنشبع
ونشوف فى النشرات
عن قيادات عاشت تحصى وتجمع
وترص ف دولارات
علشان د العادى ف عهد السادى
زعيم المنحلين
ايه رأى جناب اتباع و كلاب
معشر والنبى اسفين
*
د زمان يا رجال قالوا فى الامثال
لو رب البيت دفاف
راح يبقى الحال لجميع الآل
مسخره طرطره اسفاف
وان فسد الراس يموت الاخلاص
ونضيع ويا الضايعين
ايه راى جناب اتباع وكلاب
معشر والنبى اسفين
*
وخلاص يا خلاص ما بقاش فى مناص
ولا مهرب ولا تحوير
ولاعدش مكان لتابع رقاص
يتمسح فى الخنازير
دى سويسرا قالتها وجت كلمتها
كا لطشه بأقوى يمين
على خد جناب اتباع وكلاب
معشر والنبى اسفين

هههههههههه

تمت

محمود قطب محمود

يخرب بيت عقلك ايه الجمال ده

انا كنت كاتب قصيده عن اسفين ياريس حعملها مركب

هههههههههههههههه احسنت ياسيدي والله

تثبت بواسطتي وانا في كامل الحقد عليك

مفيناش زعل انا بهزر .......... تحياتي

يا حلوتك يا جمالك يا أبو سلمي

أشكرك علي تقريرك الوافي الكافي

الذي أمتعتنا به من خلال كلماتك السلسة العذبه وهي كعادتك شاعرنا الجميل

دائماً في إبداع

الشاعر الرائع والاخ الكريم محمود قطب

هؤلاء مدفوعي الاجر يا سيدي ..فالاعمي يري حجم الانحطاط الذي

عاشتة مصر في عهد هذا المجرم المخلوع

ولكن سيقف الجميع أمام الواحد الاحد حيث تشهد عليهم آيديهم وآرجلهم

وسيسألهم الله عن تأييدهم الظالم الفاجر ويحشرون معه ..فالمرء مع من أحب

أحييك علي قصيدتك الرائعة

وأعتذر للتأخير في التعليق فقد كنت خارج المنتدي لعدة أيام

خالص التقدير والاحترام

يا محمود يا قطب

احنا حا نروح نبيع انابيب بوتاجاز بعد كده .

هههههههههههههههههههههههههههههه

الله يفتح عليك ايها الشاعر الرائع . الموضوع جديد

والتفعيله اقدم من عمر جدى . لكن مش بالحلاوه دى .

سرت على النهج البيرمى ونجحت فى الوصول الى الغرض

دون الإخلال طوال النص . وهذا ابهار ومهاره قلما يتميز بها شاعر .

احييك على نصك المفارق . وطريقتك المتفرده فى الطرح .

مودتى وختالص تقديرى ..

الشاعرمحمود قطب
نص جميل وفكرة رائعة
احييك على براعتك
دمت بخير

تسلم ابو سلمى
نص جميل
وكلام خطير
ياليت يكون له تاثير
على بتوع اسفين
اهل التزمير والتطبيل

من قال أن الاختلاف فى الرأى لا يفسد للود قضية مخطىء حين أطلق الحكم ففى مثل هذه الحالة الاختلاف فى الرأى قطّع كل احبال المودة ( ميرضاش بالظلم الا ظالم أو منتفع بالظلم )

احييك على رائعتك ودعنى أقول لك ( هو فى كده ؟؟؟)

ما كل هذا الجمال والتمكن

كتبت فابدعت فامتعت

دمت ممتعا

ماشاء الله نص راقى بكل المقاييس

بصراحه انا هبطل اكتب بعد اللى قريته ههههههههههه

احسنت شاعرنا القدير /محمود قطب

كل الاحترام والتحايا لما قدمت وابدعت يمينك

تقبل كلماتى المتواضعه التى لا تفى الحق المطلوب ابدا

المتألق دائما محمود قطب
هوا انا هقعد كل مره أقولك ما شاء الله روعه ولا ايه
زمانك زهقت من تكرار الكلمات ههههههههههههههههه
والله من قلبي بقولك ما شاء الله عليك ربنا يحفظك ويبارك لك فيما رزقك
في كل شئ ( صحه ومال وعيال وموهبه وكله ) هههههههههههه
ودي وتقديري اخي الحبيب

أخي الشاعر/محمود قطب
مش عارف أقولك ايه جميله
الكل سبقني
بجد تحفه من كل الوجوه
ربنا يزيدك تالق وروعه ومحبه

قطعت نفسى منك لله
قصدى بسم الله ماشاء الله عليك يابوسلمى
تسلم الايادى ياكبير الزجالين
والله ولا اروع اخى الغالى ابوسلمى
فكرة وسرد وكل حاجة كلللللللل حاجة
ربنا يديم عليك مستواك العالى ده يابو سلمى
ولو فيه أعلى من كده كمان ربنا يزيدك
تحياتى لك اخى الحبيب ابو سلمى الغالى
Very Happy

بسم الله الله أكبر عليك
أبو سلمى....للمرة الثالثة..والرابعة...والألف أقولها لك بعد أن عجز قاموس مفرداتي المتواضع عن نقل إعجابي بزجليّتك الرااائعة.....(الْصّمْتُ فِي حَرَمِ الْجَمَالِ جَمَالُ...) وكفى
دُمت بهذا التألق ياااامُبدع

الاخ الحبيب الشاعر الكبير المبدع/محمود قطب
الناس دي عماله تنوء عليك ليه كده

المتألق دائما محمود قطب
هوا انا هقعد كل مره أقولك ما شاء الله روعه ولا ايه
زمانك زهقت من تكرار الكلمات ههههههههههههههههه
والله من قلبي بقولك ما شاء الله عليك ربنا يحفظك ويبارك لك فيما رزقك
في كل شئ ( صحه ومال وعيال وموهبه وكله ) هههههههههههه

دلوقت ابو الروض يزعل مني ههههههه بس هو عارف انه حبيبي وانا بحب تعليقاته علشان كده اخترته بالذات.
اما انا مش هقول غير بسم الله ماشاء الله عليك ربنا يزيدك من فضله ابداع علي ابداع وده اقل تعبير لي(الصمت في حرم الجمال جمال)..دمت بخير اخي
تقبل تحياتي

أرفع القبعة وأنحنى تقديرا
فلعلك ترى انحناءتى من خلف تلك الشاشة التى تفصلنا
فسلمت يمينك ياأبا سلمى
وبارك لك الله وزادك براعة وإتقانا

م/عطية شواش كتب:: يخرب بيت عقلك ايه الجمال ده

انا كنت كاتب قصيده عن اسفين ياريس حعملها مركب

هههههههههههههههه احسنت ياسيدي والله

تثبت بواسطتي وانا في كامل الحقد عليك

مفيناش زعل انا بهزر .......... تحياتي

ياباشا دانت الاصل
واه يجيب كلامى لكلامك
دانت اكاديمية متحركة
يا كبير
كل الشكر يا عمنا
لدوام المتابعة والتشجيع
ودمت ودام مرورك المبهج
Very Happy

محمد عبد الواحد كتب:: يا حلوتك يا جمالك يا أبو سلمي

أشكرك علي تقريرك الوافي الكافي

الذي أمتعتنا به من خلال كلماتك السلسة العذبه وهي كعادتك شاعرنا الجميل

دائماً في إبداع

اخى وحبيبى محمد عبد الواحد
اصبحت انتظر مورك الباسم المضىء
ليزدان به متصفحى المتواضع
دمت اخى دومابخير حال ودام مرورك الرائع
Very Happy

محمود جمعة كتب:: الشاعر الرائع والاخ الكريم محمود قطب

هؤلاء مدفوعي الاجر يا سيدي ..فالاعمي يري حجم الانحطاط الذي

عاشتة مصر في عهد هذا المجرم المخلوع

ولكن سيقف الجميع أمام الواحد الاحد حيث تشهد عليهم آيديهم وآرجلهم

وسيسألهم الله عن تأييدهم الظالم الفاجر ويحشرون معه ..فالمرء مع من أحب

أحييك علي قصيدتك الرائعة

وأعتذر للتأخير في التعليق فقد كنت خارج المنتدي لعدة أيام

خالص التقدير والاحترام

صدقت اخى واستاذى
فى كل ما وضحت
سلمنا الله واياك من النفاق وآله
وكل الشكر على ما تفضلت به من ابداء
رأى فى عملى المتواضع
وااسف انا لتأخرى فى الرد
دمت استاذنا بخير خير حال
Very Happy

عادل عوض سند كتب:: يا محمود يا قطب

احنا حا نروح نبيع انابيب بوتاجاز بعد كده .

هههههههههههههههههههههههههههههه

الله يفتح عليك ايها الشاعر الرائع . الموضوع جديد

والتفعيله اقدم من عمر جدى . لكن مش بالحلاوه دى .

سرت على النهج البيرمى ونجحت فى الوصول الى الغرض

دون الإخلال طوال النص . وهذا ابهار ومهاره قلما يتميز بها شاعر .

احييك على نصك المفارق . وطريقتك المتفرده فى الطرح .

مودتى وختالص تقديرى ..

يا خبر ابيض العفو العفو
يا كبير دحنا تلاميذ تلاميذك
والله حضرتك وعمى عطية الشواش
دايما بتحرجونى
وانا مش عارف ارد على حضرتك بأيه
غير انى ادعيلك بدوام الصحة والسعادة
يا صاحب السياده
دمت عمى عادل ودام مرورك الذاكى
Very Happy

يوسف ابو زينة كتب:: الشاعرمحمود قطب
نص جميل وفكرة رائعة
احييك على براعتك
دمت بخير

دمت انت اخى يوسف بكل خير
نورتنى يا جميل
Very Happy

رافت المصرى كتب:: تسلم ابو سلمى
نص جميل
وكلام خطير
ياليت يكون له تاثير
على بتوع اسفين
اهل التزمير والتطبيل

دول لاسمع ولا شوف بعيد عنك
{ ولو علم الله فيهم خيرا لاسمعهم }
صدق الله العظيم
الواحد بس بيكتب عشان يفش غله
لكن دول عالم جبلات اخى رافت
ولا ميت نص زى ده يردوهم لعقلهم
اسعدنى مرورك اخى الحبيب
دمت دوما فى طاعة ربك
Very Happy

احمد عبدالعزيز كتب:: من قال أن الاختلاف فى الرأى لا يفسد للود قضية مخطىء حين أطلق الحكم ففى مثل هذه الحالة الاختلاف فى الرأى قطّع كل احبال المودة ( ميرضاش بالظلم الا ظالم أو منتفع بالظلم )

احييك على رائعتك ودعنى أقول لك ( هو فى كده ؟؟؟)

ما كل هذا الجمال والتمكن

كتبت فابدعت فامتعت

دمت ممتعا

فى كده وفى كده وفى كده
ههههههههههههههههههه
اسعدنى رائيك
واطربتنى اطلالتك
دمت اخى ودام مرورك العذب
Very Happy

بسمة الورد كتب:: ماشاء الله نص راقى بكل المقاييس

بصراحه انا هبطل اكتب بعد اللى قريته ههههههههههه

احسنت شاعرنا القدير /محمود قطب

كل الاحترام والتحايا لما قدمت وابدعت يمينك

تقبل كلماتى المتواضعه التى لا تفى الحق المطلوب ابدا

العفو يا استاذة ابتسام
لما انتى تبطلى كتابة امال
مين بس يكتب !!
دمتى اختى الغالية ودام عبق مرورك
الشذى الفواح
نورتينىىىىىىىىىىىىىىى
Very Happy

رضا عثمان كتب:: المتألق دائما محمود قطب
هوا انا هقعد كل مره أقولك ما شاء الله روعه ولا ايه
زمانك زهقت من تكرار الكلمات ههههههههههههههههه
والله من قلبي بقولك ما شاء الله عليك ربنا يحفظك ويبارك لك فيما رزقك
في كل شئ ( صحه ومال وعيال وموهبه وكله ) هههههههههههه
ودي وتقديري اخي الحبيب

تسلم و تسلم
روحك الطاهرة الطيبة
وما اتحرمش عمرى من مرورك ودعواتك
الغاليين يا ابو الروض يا غالى
والله بحبك فى الله يا ابو الروض
ود وتحيات اخيك
Very Happy

فارس القرشي كتب:: أخي الشاعر/محمود قطب
مش عارف أقولك ايه جميله
الكل سبقني
بجد تحفه من كل الوجوه
ربنا يزيدك تالق وروعه ومحبه

ربنا يخليك يا ابو الفوارس
وكفاية مرورك الجميل
اللى بينور الموضوع وصاحبه
Very Happy