مِحتاجة لِحدْ..؟؟؟

محتاجة لحد يكون جَنبكْ

يفهم أحاسيسك ومشاعرِكْ

ويخاف على قلبك ويحبّكْ

محتاجة لحَـــدْ..؟؟

محتاجة لحد يكون إنسانْ

لو خُوفتّي تحسّي معاه بأمانْ

في الفرح يكون..هوّة البسمةْ

في الجرح يكون..زي النسمةْ

ويخلّي حياتك..بالألوانْ

محتاجة لحـــد..؟؟

محتاجة لحد يحب بجـدْ

يفرشلك كُل طريقك وردْ

ويضحّي عشانك مايخلّيشْ

ويصون العِشرة ومهما يعيشْ

حنيّــة قَـلبُه تفوق الحَدْ

محتاجة لحَـــدْ..؟؟

محتاجة لحد في مشواركْ

من وسط العالم يختاركْ

لو قولتي الآه..حُبُه دواكي

لو قلبك تاااه..يبقى معاكي

يُصبُر على حلوك..ومرارِك

محتاجة لحـــد..؟؟

يعنى اقول اية بعد الكلام دة كلة وكمية الحب دة يااستاذنا بعد كل الكلام دة لازم تجيلك وتجرى وراك هيا هههههههههه

مش عارف اقول اية الصراحة بس الكلمات كلها عجبتنى وكمية الحب الى فيها والمشاعر كفاية

احييك يا استاذنا على رائعتك

تحياتى

عنائيه جميله وتلخيص للحال وحاجة اهم حد لحد بيحب بجد
تحياتى لك وللفكر و الصياغه
كل التحيه

ايه دي

اهداء ليّه

بجد
وعن جد

انا جلبي ليك انشد
ودموعي بحور عالخد

عن جد مجتاجك ايوه بجد

ايه ياستاذ رضا الكلام الجامد دا

بجد روعه ولمس الاحساس من الداخل والخارج

واكيد كل الواحات

لا رجوع الى الامام

مساء الفل

انا بقي كنت محتاج اني اقرا التحفه الجميله دي الشاعر الرائع رضا محمد غنائيه رائعه تسلم ايدك احمد سعد )تيمو

الشاعر الجميل رضا محمود
القصيده غنائيه في غاية الروعه وتنطبق على أحد أصدقائي تماما
وحاولت اعملها بس الهامي مأسعفنيش ولقيتك اتكلمت على لسان صاحبي هههههههههههه
احييك على الفكره وجمال النص

الزجال الرائع والشاعر الجميل

رضا محمود

اعمالك تشد قارئها بموضوعاتها كانت وطنيه او عاطفيه .

واكثر ما يشد القاريء ويعجب به .

هو طريقتك الماهره فى صياغة الفكره ومفرداتك الخاصة

بك . وتضفيرتك البارعه فى استخدام الجمل الشاعريه .

وهنا وجدت زجليه قد تُؤخذ عن الحبيبه . وقد تُؤخذ عن مصر .

فهى تساير كلتا الحالتين .

احييك بشده على زجليتك والتى راقتنى واشد على يدك .

مودتى وتحياتى ...

khaled_dwidar كتب:: يعنى اقول اية بعد الكلام دة كلة وكمية الحب دة يااستاذنا بعد كل الكلام دة لازم تجيلك وتجرى وراك هيا هههههههههه

مش عارف اقول اية الصراحة بس الكلمات كلها عجبتنى وكمية الحب الى فيها والمشاعر كفاية

احييك يا استاذنا على رائعتك

تحياتى

أخي الحبيب..الشاعر خالد دويدار
دائماً سبّاق بحضورك ومرورك العاطر الذي يُعني لي الكثير
أمّا عن موضوع إنّها تجري ورايا...فياريت ياعم خالد داانا بقالي سبع سنين غُربة باحايل فيها وهية ولا هية هنا
دُمت بكل الخير

رافت المصرى كتب:: عنائيه جميله وتلخيص للحال وحاجة اهم حد لحد بيحب بجد
تحياتى لك وللفكر و الصياغه
كل التحيه

أُستاذنا الشاعر الكبير...رأفت المصري
أشرقت الأنوار ياأُستاذنا بمروركم الكريم
دُمت بكل الخير

ماهر حامد كتب:: ايه دي

اهداء ليّه

بجد
وعن جد

انا جلبي ليك انشد
ودموعي بحور عالخد

عن جد مجتاجك ايوه بجد

ايه ياستاذ رضا الكلام الجامد دا

بجد روعه ولمس الاحساس من الداخل والخارج

واكيد كل الواحات

لا رجوع الى الامام

مساء الفل

هههههههههههههه
أضحك الله سِنّك..وأزاح هَمّك
الشاعر الجميل...أُستاذ ماهر حامد
إنت مقامك عالي وتستاهل أكبر من كده بكتير
وبعدين دي إهداء لواحدة مغلّبة 85 مليون مش واحد بس لا عارفين نرضيها إزاي ولا نكسب ودّها إزاي
دُمت بكل الخير والسعادة

تيمو كتب:: انا بقي كنت محتاج اني اقرا التحفه الجميله دي الشاعر الرائع رضا محمد غنائيه رائعه تسلم ايدك احمد سعد )تيمو

الشاعر الغنائي الجميل ...أحمد سعد(تيمو)...
والله بتوحشني وبيوحشني كلامك وأغانيك الحلوة
ربنا يخليك ياحبيبي على ذوقك ورقة إحساسك ومجاملتك
دُمت بكل الحب

رضا عثمان كتب:: الشاعر الجميل رضا محمود
القصيده غنائيه في غاية الروعه وتنطبق على أحد أصدقائي تماما
وحاولت اعملها بس الهامي مأسعفنيش ولقيتك اتكلمت على لسان صاحبي هههههههههههه
احييك على الفكره وجمال النص

أخي الحبيب..الشاعر المُتميّز..أُستاذ رضا عثمان
كما قال الرسول (صلى الله عليه وسلم) الأرواح جنود مُجنّدة...إلى آخر الحديث
وتوارد الخواطر بين الحبايب شيئ عادي
بس إحنا مش قدك ياعم رضا..لو كنت كتبت في الموضوع ده ماكنش حد قدر يقول بعدك ولا كلمة
دُمت بكل الخير والسعادة

[

color=red]أستاذنا رضا محمود لم أكن أعرف أن

من أره طوال هذه الفتره الطويله أنسان يحمل كل

هذه الموهبه وكل هذه المشاعر الفياضه لم أكن

أعرف أن العالم ملئ بالمواهب التي لم تأخذ

نصيبها من الحفاوه والأهتمام.

تقبل تحياتي
محمد حجاج [/color]

عادل عوض سند كتب:: الزجال الرائع والشاعر الجميل

رضا محمود

اعمالك تشد قارئها بموضوعاتها كانت وطنيه او عاطفيه .

واكثر ما يشد القاريء ويعجب به .

هو طريقتك الماهره فى صياغة الفكره ومفرداتك الخاصة

بك . وتضفيرتك البارعه فى استخدام الجمل الشاعريه .

وهنا وجدت زجليه قد تُؤخذ عن الحبيبه . وقد تُؤخذ عن مصر .

فهى تساير كلتا الحالتين .

احييك بشده على زجليتك والتى راقتنى واشد على يدك .

مودتى وتحياتى ...

أستاذي الشاعر الكبير قدراً ومقاماً...عادل عوض سند
كلماتك وسام على صدري أفخر به ماحييت..وكيف لا وهي من شاعر إتخذه أساتذة النقد والأدب مثال لصدق التجربة الشعريّة وجداناً وفِكراً وصياغة وثقافة ومعايشة..وقد قرأت منذ فترة وجيزة تحليل الدكتور عبدالله جُمعة لقصيدتكم الرائعة(جُرعة وطن) فشعرت بأننا لم نوفيك حقك كما يجب
أمّا عن المعنى في محاولتي المنشورة فأنت أعلم الناس بأن المعنى في بطن الشاعر كما يقولون ويُترك للمُتلقّي تفسير الأمور وفقاً لقناعاته وإحساسه
دُمت لنا نبراساً نهتدي به شاعرنا الكريم

محمد السيد ابو حجاج كتب:: [
color=red]أستاذنا رضا محمود لم أكن أعرف أن

من أره طوال هذه الفتره الطويله أنسان يحمل كل

هذه الموهبه وكل هذه المشاعر الفياضه لم أكن

أعرف أن العالم ملئ بالمواهب التي لم تأخذ

نصيبها من الحفاوه والأهتمام.

تقبل تحياتي
محمد حجاج [/color]

أخي وصديقي ...الشاعر الحكيم محمد السيد أبو حجّاج
أعطيتني أكثر مما أستحقه يارجل
فما زلت أتعلّم وأتلعثم ومازالت خطواتي على الطريق تتأرجح ..فرفقاً بإخيك
ولإنّني أعرف حُسن أخلاقك وطيبة قلبك وتواضعك وحُبك للغير...فسألتمس لك ألف عُذر
دُمت بهذا القلب الصافي الودود

و احنا محتاجين لشعر جميل هكذا
أيها الرائع
رضا قصيدة جميلة
أحسنت

عاطف الجندى كتب:: و احنا محتاجين لشعر جميل هكذا
أيها الرائع
رضا قصيدة جميلة
أحسنت

أُستاذي الشاعر الكبير...عاطف الجندي
والله الأروع من كل شيئ هي صُحبتكم الجميلة في هذا المُنتدى الراقي بمن فيه من كوكبة من شعراء مصر المُبدعين
لا حرمنا الله أبداً منكم جميعاً
دُمت بكل الخير سيدي الشاعر

ياسيدي علي الروقان .........

محتاجه لحد يفليكي

ويحط الجاز علي معاليكي

ويولع في الشكل الباهت

ولا حد يقرب يطفيكي

هههههههههههههههههههه

تثبت عشان الراجل الرايق .....

م/عطية شواش كتب:: ياسيدي علي الروقان .........

محتاجه لحد يفليكي

ويحط الجاز علي معاليكي

ويولع في الشكل الباهت

ولا حد يقرب يطفيكي

هههههههههههههههههههه

تثبت عشان الراجل الرايق .....

ههههههههههههههههههههههههههههههههه

محتاجة لحد.. يفلّيني
ويغني كمان ويسلّيني
ويطرقع بالراحة صوابعي
ويزعل مامتُه ويرضيني
مش عاوزة الأصلع بسلامتُه
وأبو كرش خلاص أنا حرّمتُه
ولا عاوزة اللّي ينام ببجيامتُه
وانا لابسة عشانه البيكّيني

ماشي ياباشمهندس كنت رايح أنام بس معااااك لللصبح...وشكرا ياعسل على التثبيت

المبدع الرائع رضا محمود
والله اطربتنى وامتعتنى
يا صباح الحب ياشاعر
دمت ودامت عذوبة الفاظك
ورقة معانيك وبهاء حرفك
وجميل وصفك
ود اخيك
Very Happy

محتاجة لحد يجيبلك ورد
محتاجة لحد يبوس الخد
هههههههههههههههههههه
صديقى الشاعر المبدع .. رضا محمود
احييك حبيبى على قصيدتك الرائعة
اية الجمل دا كلة
فكرة مصاغة بحرفية مدعومة بنغم وموسيقى هايلة
ياسلام على الكلام , تسلم من كل راضى يارضا
ربنا يرضى عنك وافرح بيك بقى
والله نفسى افرح بيك
بحبك و بموت فيك
دمت بخير

لن أعلق حتي تتصل بي وتقول مكتوبة أمتي ولمين ؟؟ حتقولي مصر وكلام الشعرا

ده مش حينفع ..أنا جنب التليفون ...

ما كل هذا الحب الفياض

رائعة اخى الشاعر الرائع و الاروع انك نسيت ما تحتاجه انت و كنت لها ما تحتاجه هى

دمت مبدعا

محتاجه لحد يكون ذاتى
أشواقه تموتلى آهاتى
يدينى الحب وحنية
ويعيش مبسوط جوا حياتى

هى فعلا محتاجه لكل حد ياأستاذنا
ياريت كلنا تكون فينا المواصفات دى
أحييك جداااااااااااااااا على هذه القصيده الجميله
ودائما ننتظر منك المزيد

الشاعر الرائع/رضا محمود
قصيده كمان وهبقي من عشاقك
ايه الجمال ده كله وعرض الحب الذي لايقاوم