9 ميللي

رضا محمود كتب:

الله الله الله
الشاعر الجميل...أحمد عبدالرازق
قصيدة جميلة تأخذنا إلى الواقع المرير الذي نعيشه بعد الثورة من إختلاف في الرؤى والتوجهات والأهداف والإنشقاق حتى على أنفسنا رغم أنّني أرى أن كُل هذه الأمور طبيعية وكانت متوقعة وليست بالشيئ الغريب فشعب عاش لسنوات طويلة تحت حصار فكري مسلوب الهوية والإرادة ينظر له الحكّام نظرة دونية وكأنهم كالأطفال يلزمهم الوصاية ــ وفجأة ــ.. تغيرت الأحوال وتبدلت الظروف من القمع إلى الحريّة ومن عدم القدرة حتى على إبداء الرأي إلى الحق الكامل غير المنقوص في التغيير فمن الطبيعي أن يكون هناك بعض التخبط وعدم الإتزان وهو مايسمى بالمرحلة الإنتقالية وهذا مايحدث دائما عقب الثورات وهنا يأتي دور المثقفين وأصحاب الأقلام الواعية ذووا الضمائر الصادقة لينيروا للشعب طريقه ويعيدوا إليه إتزانه على أساس جديد ألا وهو العدل والمساواة في كافة الحقوق وبين كل الأطياف

أخي الحبيب...دُمت بهذا الإبداع والإمتاع..تحيتي وتقديري

الشاعر المحترم الجميل /رضا محمود
اسعدني اعجابك بالنص واتقث معك تماما في طبيعية التخبط بعد الثورات واختلاف الرؤى بعدها ولكن الموضوع جاء زيادة عن اي توقع وما يحدث الآن ليس مجرد تخبط فكري او اختلاف في وجهات نظر بين احزاب او حتي اراء الناس في الشارع
الموضوع تحول لاستخدام القوه واصبح الدم رخيص وها هو ما حدث بالامس في ماسبيرو ومن قبله في سيناء ومن قبله من البلطجه في جميع انحاء مصر
الأزمه في مصر شائكه جدا ومتشابكة الخيوط (فلول- ايادي خارجيه- الفقر والجهل لشريحه كبيره من الشعب بالاضافه لظلمهم لعقود من قبل النظام السابق-المطالب الفئويه وتأثيرها بغض النظر عن احقية من يطلب-البطا في اتخاذ القرارت-طول الفتره الانتقاليه-التناحر بين الاحزاب-ضعف الجهاز الأمني وتراخيه سواء بقصد او بدون) كلها امور تضع العقل امام حيره حقا في حلها والتحرز منها فالله يحفظنا مما يحاك بنا ويوحدنا كي نستعيد بلدنا
لنا ولها الله واتمنى ان يتوحد الشعب من جديد قبل الانهيار السياسي والاقتصادي والفتنه
اللهم احفظنا
انرت متصفحي يا شاعر
ادام الله التواصل

محمد عبد الواحد كتب:

أحمد عبد الرازق كتب:

المباني الشامخه شاخت
والمدينه اتحررت من كل زينه
خدت بالك م الّي حاصل؟
بص فيها وبص فينا
وابتسم لو باقي باقي
شوف ولاد الصابره ملوا
باقي كام م الصبر فينا
الرغيف مِ الامن خايف
والميدان شاهد وشايف
علِي الّي ضارب والّّّّّّّّّّّّي جاري
كحكه واتلمينا ليها
هاتلي حته انا ليا فيها
واغرقوا وادوني قارب
بايظه بايظه يا سفينه
والي عنده دراع يقدف
حد ما الموجه تحَدِف
روح وكوش
والي طال ومخدش فاشل
وامرضي واستني موتك يا بهيه
واكشفي راسك وإدعي.. ولو عليا
ما احنا لسه العيب مالينا
والي باقيلك مهازل
فالطمي علي حال ولادك
الخناق بقى بالمدافع
نص آلي ونص باكي
في الكنايس والجوامع
والشوارع ..
....فرعت ع الناصيه غابه
الرغيف لسه العقيده
والفتات دين الغلابه
يعني مش ناقصه تنشن
وانت علي عينك عصابه!!
جيبي فاضي في هم ماضي
وانت زيي
يعني مش ناقص كآبه
9 ميللي وايه فاضللي
لجل ما تنشن عليا
والقا فجاه ف نص صدري
طلقه جايه بالسلاسه
وب برود تنساني لما
كنت واقف يوم معايا
الرصاص كان يومها ميري
فين ضميرك من ضميري
انت جاي دلوقت تصرخ باللاوندي؟
زي ما انت الهم عندك هو عندي
بس لحظه. !
زعقتك مش زي ماهي كات معايا
صرختك زي الرصاصه
بس عد إحنا النشاين
جوه مولد في المداين
كنا واحد واما فزنا
فجاه لفينا علينا
واتخانقنا ع الغنايم
ف الكلام من غير قنابل
يبقي خيبه
فان عشقت اعشق وطنّا
وان قتلت اقتل ولاده
خدت ساتر وانت ضهري
غربلوني وانت واقف
انت عارف
وانت شايف
بس غير نفسك مشفتش
فاحرق الارض الي فاضله للغلابه
انت وفلول الغباوه
كوم ديابه وكوم ديابه
فرق إيه ما النهش واحد
واحنا ننفخ ف القرب نلقاها دابت
هي باظت
هي خابت
بص فيها وبص فينا
ان وقعنا هتبقي فينا
وان بقت مخروبه فانت
في الخرابه هتبقي عايش
أعدونا فوق تلالها
كل واحد ينسى حالها
اخطف اجري وعيش وناوش
اضرب اضرب
صدرنا مفتوح مخَرّّب
انت خَرّب.. واحنا ما نعرفش نهرب
يا عزيزي السقف بايش
وانت ويايا وعايش
ليه هتدفنا جماعه
هنلاقيها منُّهُم ولا نلاقيها
فينا منّا ومنا فينا
يعني يا ولاد الحزينه
ان فضلنا نعض فيها
نبقي يوم ما زعقنا فيهم
كات دي ثوره ع الأسامي

6/10/2011
أحمد عبد الرازق

هذه رائعة من روائع الشاعر الجميل أحمد عبد الرازق

أحييك علي فكرك الواعي يا أبو حميد يا جامد

وما تخافش يا أبو حميد زي ما ربنا سبحانه وتعالي نجّح الثورة وأزاح رموز الطغيان

سوف يتممها علي خير ويخلصنا من الفلول والديول

وأخيراً ( اللهم إجعل هذا البلد بلداً آمنا )

أسأل الله ان يتقبل دعاؤك
ربنا يفرجها علينا
الشاعر المحترم محمد عبد الواحد
كعادة مرورك جميل ومشجع ومفرح
ادام الله تواصلك الجميل
نورتني يا شاعر

الشاعر أحمد عبدالرازق بالفعل قصيدة جميله وبها الكثير الكثير من المعاني والعمق .
تقبل مروري
محمد حجاج

الالم مش فى العيار
تسعة مللى و لا دانه
اللى اوجع م الرصاصة
لما تشعر بالخيانة


قصيدة رائعة تحمل كثير من الحقائق الموجعة
قديما قالوا اجمل الشعر اكذبه
وانا اقول و اتخذها عقيدة ان اعذب الشعر اصدقه

دمت مبدعا .