9 ميللي

الله ينور عليك يا أحمد... فعلا احنا زي ما احنا و دي مصيبة كبيرة ... و الأسوأ إن العنف زاد و زي ماانت قلت .. الخناق بقي بالمدافع

مرة واحد شاعر صاحبي - هو الأستاذ رضا عفيفي - قال لي : عرف احنا عاملين زي ولاد واحدة ست بتموت - مصر يعني - و كل واحدمننا عمال يقلعها الصيغة من ايديها و اللي عمال يدور في الدولاب علي أي حاجة أو فلوس و اللي بياخد هدومهاو اللي بيقلعها الحلق من ودانها
و هي بتموت بتطلب كباية مايه و ما فيش حد سائل فيها و عمالين يقلعوها كل حاجة كانت ستراها!!

ربنا يستر علي مصر من ولادها


كتبت ذات يوم أقول :

يؤسفني أني بلا شكّ أقول
جميعنا من الفلول


لك الله يا مصر

الله يا احمد لا القصيدة مينفعش انى امر عليها كدة انا اعدى بس اسجل اعجابى لغاية ما امزمز فيها على رواقة

تقبل تحياتى يا صديقى

الشاعر/أحمد عبدالرازق
ياصديقي في التجلي
بلدي ضاعت ايه فضللي
غير دموع جارحه الخدود
وطلقه فيا تسعه مللي!!

قصيدتك رائعه لا يزال الوطن ضائع
أدعو الله ان يرده لنا سالما وان يولي من يصلح

أحمد عبد الرازق كتب:

المباني الشامخه شاخت
والمدينه اتحررت من كل زينه
خدت بالك م الّي حاصل؟
بص فيها وبص فينا
وابتسم لو باقي باقي
شوف ولاد الصابره ملوا
باقي كام م الصبر فينا
الرغيف مِ الامن خايف
والميدان شاهد وشايف
علِي الّي ضارب والّّّّّّّّّّّّي جاري
كحكه واتلمينا ليها
هاتلي حته انا ليا فيها
واغرقوا وادوني قارب
بايظه بايظه يا سفينه
والي عنده دراع يقدف
حد ما الموجه تحَدِف
روح وكوش
والي طال ومخدش فاشل
وامرضي واستني موتك يا بهيه
واكشفي راسك وإدعي.. ولو عليا
ما احنا لسه العيب مالينا
والي باقيلك مهازل
فالطمي علي حال ولادك
الخناق بقى بالمدافع
نص آلي ونص باكي
في الكنايس والجوامع
والشوارع ..
....فرعت ع الناصيه غابه
الرغيف لسه العقيده
والفتات دين الغلابه
يعني مش ناقصه تنشن
وانت علي عينك عصابه!!
جيبي فاضي في هم ماضي
وانت زيي
يعني مش ناقص كآبه
9 ميللي وايه فاضللي
لجل ما تنشن عليا
والقا فجاه ف نص صدري
طلقه جايه بالسلاسه
وب برود تنساني لما
كنت واقف يوم معايا
الرصاص كان يومها ميري
فين ضميرك من ضميري
انت جاي دلوقت تصرخ باللاوندي؟
زي ما انت الهم عندك هو عندي
بس لحظه. !
زعقتك مش زي ماهي كات معايا
صرختك زي الرصاصه
بس عد إحنا النشاين
جوه مولد في المداين
كنا واحد واما فزنا
فجاه لفينا علينا
واتخانقنا ع الغنايم
ف الكلام من غير قنابل
يبقي خيبه
فان عشقت اعشق وطنّا
وان قتلت اقتل ولاده
خدت ساتر وانت ضهري
غربلوني وانت واقف
انت عارف
وانت شايف
بس غير نفسك مشفتش
فاحرق الارض الي فاضله للغلابه
انت وفلول الغباوه
كوم ديابه وكوم ديابه
فرق إيه ما النهش واحد
واحنا ننفخ ف القرب نلقاها دابت
هي باظت
هي خابت
بص فيها وبص فينا
ان وقعنا هتبقي فينا
وان بقت مخروبه فانت
في الخرابه هتبقي عايش
أعدونا فوق تلالها
كل واحد ينسى حالها
اخطف اجري وعيش وناوش
اضرب اضرب
صدرنا مفتوح مخَرّّب
انت خَرّب.. واحنا ما نعرفش نهرب
يا عزيزي السقف بايش
وانت ويايا وعايش
ليه هتدفنا جماعه
هنلاقيها منُّهُم ولا نلاقيها
فينا منّا ومنا فينا
يعني يا ولاد الحزينه
ان فضلنا نعض فيها
نبقي يوم ما زعقنا فيهم
كات دي ثوره ع الأسامي

6/10/2011
أحمد عبد الرازق

هذه رائعة من روائع الشاعر الجميل أحمد عبد الرازق

أحييك علي فكرك الواعي يا أبو حميد يا جامد

وما تخافش يا أبو حميد زي ما ربنا سبحانه وتعالي نجّح الثورة وأزاح رموز الطغيان

سوف يتممها علي خير ويخلصنا من الفلول والديول

وأخيراً ( اللهم إجعل هذا البلد بلداً آمنا )

الله عليك يا احمد
رائعه دائما كما عودتنا
ودي وتقديري

أخوياأحمد عبد الرازق

بصراحه ابداع متفرد جداً

ف الطرح وكمان بساطه المفرده الشعريه

التى أستطاعت العبور إلى أذن المتلقى بسهوله

ف واقع ومضمون يمس كل مواطن

لإنك قولت كلام كتير

كلنا عايزين نقوله

فأصبح كل واحد بيشوف نفسه

البطل فى كلمات قصيدة

أى أنها قصيدة شعب

يتحدث فيها كل مواطن

وطبعاً الختام بيوضح

مدى المعاناه التى نعيش فيها

لما يوجد حولنا من كثير من المتنااقضات

قصيدة ررائعه أحيك بشده

المبدع الجميل / احمد
تحياتي لك
ولقصيدتك الجميله التي سعدت بها اليوم
دمت بود

عزيزى احمد عبد الرازق
أسجل أعجابى الشديد بقصيدتك
ولو إنى اتأخرت ف قرائتها عذراً
لظروف خاصة
مع حبى وودى