أميره بلا وطن

وجيت اسأل عليك قالوا ملوش عنوان
رجعت وقلبى بقى يصرخ من الأحزان
ودمع العين
ياريته حزين
لكن مكوى من الفرقة وم الحرمان
لا عمر القلب داق فرحة
ولا اتهنيت
ولا اتمنيت يلبّسنى الزمن طرحة
حزينه ف بطن أمى بكيت
نزل دمعى بيكويها
وباتت قايدة نار فيها
وولدتنى
وسمتنى...
أميــــــــــــــــــــــره
لاقيت برفض معانيها.. ومين قالك تسميها
أميره ازاى بلا وطنى
وذل الغربة مرمطنى
لا حب يدوم مع الأحباب
ولا صاحب من الأصحاب
ولا كلمة فى أى كتاب
بتقدر مرة تبسطنى
أميره ازاى ونار الظلم قادرانى
ودنيا الشوق معاندانى
أموت م الحرقة مكتومة مع الأنفاس
ولا يسألني حد ف يوم ولا تشعر بنارى الناس
يادنيا يا لي ظالمانى
هاتيلى إجابه لسؤالى
يادنيا هو انا مالى؟!
عجينة حزن عجنتنى
بكف الظلم خبزتنى
وسوتنى على الأشواك بشكل ماجاش على بالى
يادنيا هو انا مالى ؟!
عذابك ليه بيحلالى
يا إسمى يلى منسوبلى وعايشه انا بيه فى كل مكان
ملولك ليه حروفه سموم ونار وهوان
وجيت اسأل عليك قالوا ملوش عنوان
ياريت بقى حد جاوبنى
أميره ازاى بلا أوطان؟!

تشعر أنك تعرفنى ربما لأن الحزن بيننا مشترك
فأنت تحبه وأنا أعشقه
اذ لم أعرف سواه منذ زمن بعيد
سيدى مرورك رائع
بارك الله فيك

سيدى
حضورك أنتظره فكيف تطلب السماح للعوده
البيت بيتك فيسعدنى تشريفك
وتعليقك
ومرحبا بك

بسمتى الجميله
خففت ألمى
سأحاول ان انسى الحزن فتره من أجل عينيكى
بارك الله فيك

نصيحة أعتز بها
وكلمات فى تعليق ملئ بالتفاؤل
شرفنى حضورك الطيب
جزاك الله خيرا

جزيل الشكر أستاذى الفاضل
دمت بكل الخير والابداع

بلى سيدى تكفينى
فما أطيبها قلوب
وماأعذبها كلمات تطيب كل جرح
شرفتنى بعودتك
وسعيده كل سعاده بتواجدك هنا

أيها الشاعر المبدع
يكفينى شرفا تواجدك هنا
ليزيد من سعادتى
ويخفف من ألمى
بارك الله فيك

ربنا يخليكى ياقمر
ودايما كده تنورينى
ربنا يكرمك