يا عم شواش

يا عم شواش
حكايتك ايه
بتضحك بس فى الضحكه
بحس بالف جرح بيئن
واحس بالف قلب بيحن
واحس بخير ملاك طاهر
بيكربج الف جن وجن
واحس بعلقم الحكماء
فى دنية همها ع الفن
غريب انتا وبرضو غريب
انا زيك مرار بيون
لكن حاسب هنزعل ليه
وايه يعنى هيستاهل
وايه احلا مع الاحزان
من انك تبقا شمس نهار
بتدى او شجر طارح
بيرمى ويا طوب الناس
فواكه عمره يوم ما يضن
اقولك
ايه؟واقول لك ليه
كلامى
ما انتا حاسس بيه
كلامنا ع الورق لو كان
تسالى
كان ما شلنا الهم
لكن دنيا
ولينا دور
وهنقومه ولوكناش
كما احنا فصدقنى
ما هيعديش
علينا نهار
واحنا سلام
هنتدغدغ
نموت
نتجن

م/عطية شواش كتب:

أخي العزيز رأفت المصري ( اوي )

قل لي قبل ان اغرب بعيدآ .. هل ثمه شئ لم استطع فهمه ؟؟

وعملت ضهري قنطره

عدت حمول غيري

وفتحت عبي مندره

واتهنوا من خيري

زرعت ارضي سريس

وطحنت عيش ودريس

اتاري زندي بلاش

واتاري عرقي رخيص

..........

وفتحت قلبي للحياه والطير

وفرشته بالنوار

سبع مراكب دفا

تجري لكوا بالمشوار

بحوري كانت وفا

وشراعي فول وخيار

إيماني كان بالمطر

اسلامي تين وخضار

وبناتي شهد ورطب

صبياني كت اشجار

اتاري بعد العشا

طلعت الف حمار

..............

صبح الصباح في الغيط

وفي الغيطان تمه

كإنه سيل انفتح

والسيل مالوش ذمه

سواح عيدان الدره

م الجدر للعمه

سألنا شيخ البلد

ماد لناش

دلنا ...

علي شفرة المنشار


رايحين معاه كلنا



اخي رأفت ارتجاليه ربما تفي بالغرض .... تحياتي

الشاعر الجميل ااصيل
والاخ العزيز مهندس عطيه
الرد ده كتبته لك فى احدى قصائدك ايمانا منى بانك شاعر قدير وجوده مكسب وغيابه خساره لاى مكان وبعد الاطلاع على نص الاخ استاذ طارق منيب حول نفس الموضوع
وجدت ان لك حق توضيح رؤيتك وللاخر حق قبولها او رفضها
مع الاتفاق اننا اخوه لنا ان نتناقش بحب ونختلف بحب او نتفق بحب
فكل التحيه لك ولجميع الاخوه
وادام الله المحبة بيننا

ماهر حامد كتب:

يا عم شواش
حكايتك ايه
بتضحك بس فى الضحكه
بحس بالف جرح فيك بيئن


الله عليك استاذ رأفت المصري

احساس عميق وتعبير قوي وشطورقليله تحمل معاني قصيدة كامله

وتحيتي للاستاذ عطيه شواش

كل مودتي

كل الشكر يا استاذ ماهر
وكل التحيه

عادل عوض سند كتب:

اخى الحبيب الشاعر

رأفت المصرى

تسلم ايدك . رسالتك جميله ووصلت .

وهنا ابيات اعجبتنى بالفعل :

من انك تبقا شمس نهار
بتدى او شجر طارح
بيرمى ويا طوب الناس
فواكه عمره يوم ما يضن

كلماتك تستحق الإشاده .

مودتى وتحيتى ...

الاخ الاستاذ عادل عوض
الف الف شكر اخى الحبيب للمرور و التعليق
ارجو ان يديم الله المحبه بين جميع اعضاء هذا المنتدى الجميل باهله
كل التحايا وكل التقدير