**اتعــــزز **

اتعزز وابعد واتقل

انا برضة مش راح اسأل

ح نخش سباق في عناد

دة الحب وصال ووداد

بالحب حتملك قلبي

بالعند ح اسوق في عناد

معلشى يا أخت سلوي أنا هرد بسى متزعليش

بالله عليكي بلاش العند فعلاً عادة سيئة جداً إن وجدت

فى المرأة

الراجل يحب يحس إنه راجل

طبعاً أنا بتكلم عن الحياة بن الزوجين

جودة العمل الشعري ظاهرة

ولكن الفكرة هتعمل مشاكل كتير

دمتى بخير أختى الكريمة

أنا راسي ودايما زوق
خليكي براحتك عاندي
مش لازم اكون مدلوق
وانتي اللي هتيجي لحدي
.
الاخت الشاعره الجميله سلوى
جميل اعتزازك بنفسك
وكلماتك رقيقه وجميله كما تعودنا عليها دائما
ودي وتقديري

محمود جمعة كتب:

طب عاندي يا حلوة وشوفي

مين فينا حيقول أه ياخوفي

عصفوري ف الصبح يسافر

وتباتي تندبي علي طيفي

الشاعرة الاستاذة سلوي عبد العزيز... طالما نكشتي عدولة أنا دايما بتنكش معاه
أتفضلي ردي بقي
خالص الود

طيب أقول أيه يا سلوى
الجماعة قاموا بالواجب
هههههههههه
تمام يا باشا

هتعاندي ف قلبي.. برحتك
وشوفي هانروح فين
أنا هاعند واقلق راحتك
أو هارمي عليكي يمين
وان ذدتي ياحلوه ف عندك
أنا هاتجوز نوبتين !!!

الشاعره /سلوي عبدالعزيز
قصيدتك دمها خفيف فأردت ان أداعبها
تقبلي مروري

الاخ محمود بسيوني كتبعلشى يا أخت سلوي أنا هرد بسى متزعليش

بالله عليكي بلاش العند فعلاً عادة سيئة جداً إن وجدت

فى المرأة

الراجل يحب يحس إنه راجل

طبعاً أنا بتكلم عن الحياة بن الزوجين

جودة العمل الشعري ظاهرة

ولكن الفكرة هتعمل مشاكل كتير

دمتى بخير أختى الكريمة

***************

سلوي ترد0000000

راح اعند واندغ في لبان

واتمخطر وامشي في دلال

واغيظ الواد التقلان

وآهو بكرة حيرجع ندمان
*************

الاستاذ رضا عثمان كتب.........

أنا راسي ودايما زوق
خليكي براحتك عاندي
مش لازم اكون مدلوق
وانتي اللي هتيجي لحدي
.
الاخت الشاعره الجميله سلوى
جميل اعتزازك بنفسك
وكلماتك رقيقه وجميله كما تعودنا عليها دائما
ودي وتقديري

**************

سلوي ترد......

انا راسية ياواد ودقيقة

ومشاعري حلوة رقيقة

وان كنت حتتعب قلبي

راح انسي هواك في دقيقة

*********

اسليه كده ؟؟؟؟؟

يعنى لازم تنكشى على العكننه ؟؟؟؟؟

من حقى اتعزز واتدلّع

وتعاندى حا جيب ضره عليكى

ما ينوبك غير قلب مولّع

ودموع حا تبات جوه عنيكى

........

لاموءاخذة يا ابو دولا القافية بتحكم.....

انا حلوة ومن حقي اتدلع

وحسيبك يا ابو قلب مولع

تنكوي بفراقي وتولع

وحقول دة عجوز وخلع..

اوعي تزعل والنبي

انا بعوض الايام اللي غبتها عن المنتدي

الاستاذ محمود جمعة كتب.......


طب عاندي يا حلوة وشوفي

مين فينا حيقول أه ياخوفي

عصفوري ف الصبح يسافر

وتباتي تندبي علي طيفي

الشاعرة الاستاذة سلوي عبد العزيز... طالما نكشتي عدولة أنا دايما بتنكش معاه
أتفضلي ردي بقي
خالص الود
******************

سلوي ترد ......

متخافشي علية انا سلوي

دة التقل في طبعنا صنعة

انا بنت الغاليــــــــة حوا

خرجت ادم م الجــــــــنة

**************

الشاعر حسن الجمال كتب.......

طيب واحد يتنازل .دا العند يولد عند
ويموت الشوق بالساهل ويفوتكم الويك إند
هتعاندى وهو يعاند. بلا روشة وقلب دماغ
لو واحد فيكم عاقل..يرحل ويروح الهند
هههههههههههههههه
نص خفيف اختى سلوى
ارجو ان تتقبلى شخبطاتى
اعزب التحايا لك

_________________




دي الهند يا صاحبي بعيدة

والحب ما فيهوش عقل

خليها مصر الجديدة

يمكن يرجع لة العقل

*************

الاستاذ عادل سند كتب.......

نكشت عالهم بإبره

طب اصبر واستنانى

ممنوع من اللحمه الجملى

بس تقرقشها سنانى

تنكشينا لييييييييييييييييييه

*****************

مش لما يكون في سنان

تقدر ع اللحمة الجملي

انا خايفة الطقم يبان

ترجع مكسوف خزيان

الاستاذ عاطف الجندي كتب.....

يب أقول أيه يا سلوى
الجماعة قاموا بالواجب
هههههههههه
تمام يا باشا

_________________


دي شهادة اعتز بيها يا استاذ عاطف

اشكرك لمرورك علي كلماتي المتواضعة

تحياتي

الاستاذ فارس القرشي كتب.....


هتعاندي ف قلبي.. برحتك
وشوفي هانروح فين
أنا هاعند واقلق راحتك
أو هارمي عليكي يمين
وان ذدتي ياحلوه ف عندك
أنا هاتجوز نوبتين !!!

الشاعره /سلوي عبدالعزيز
قصيدتك دمها خفيف فأردت ان أداعبها
تقبلي مروري

***************

طب روح اتجوز تاني

وانا آهو...لو راح تنساني

انا عارفة انا بجري في دمك

ولا يمكن يوم تنساني

................

الاستاذ محمد البسيوني كتب.......


ياسلوى .. عادل ومحمود لو حطوا مناخيرهم

فى الموضوع راح يكبر يابنتى !! وانا ساعة

ماباشوفهم ماتعرفيش ، ماقدرش احوش نفسى من

الجرى وراهم !!الطيب احسن ياسلوى وبلاش عند

وارجعى عن اللى فى دماغك ، العند وحِش .

عموما ياعادل باشا ويامحمود باشا ياجمعه

إدُّوها فرصه ................



وسيبوهاتجرب مَرَّه !!

ونشوف اللى حايجرَى لها

تتعزز .. بكره حاتندم

وحاتقعد تشكى لحالها !!

_________________

انا عمري ابدا ما اندم

دي العيشة معاكم علقم

والبعد راحة جميلة

ولا راجل يوم يتحكم

ابو شواش كتب........

واللهي من زمان انا حايش نفسي ديه

وكنت فاكر غيابك بتذاكري الاعداديه

اتاريكي سايقه عندك وحارنه ع الوصال

مش قلنا كتير ياسلوي : بلاه لعب العيال

العزيزه الشقيه / سلوي

وحشتينا ...

حتي لو كنتي من الفلول وخايفه تتطلعي من البيت

بردو وحشتينا ....


_________________

انا برضة من الفلول

حرام عليك دة القول

طول عمري جنب الحيط

واتعشي يوماتي فول

..................

حمد الله علي السلامة نورت المنتدي

لا والله يا استاذ محمد انا مش بحب افرق بين حد والله

دة حتي انا بحب اوفق راسين في الحلال

بس يا خسارة باب النجار مخلع

هاهاها

ابو شواش كتب.......


هوه انتي تطولي تبقي

ياسلوي م الفلول ؟؟

علي قله تبقي فرده

جناحاتك ع العجول

وتاكلي اللحمه صابحه

وترمي علينا فول

انا اخر مره شفتك

حبيت ام الخلول


اهلن بيكي ياسلوي في معرض الاشرار

_________________


طالما دخلنا معرض الاشرار يبقي اسمحلي اقولك...

ما هو طبعا لما تشوفني

راح تعشق ام خلول

انا اصلي عارفة جمال

خلي عقلك مخلول

وكمان واقف علي بيتنا

بتبيع في قدرة فول

هاهاها

والله زمان يا ابو شواش