شهيد قال للشهيد

ساعه وجى

وراح ولا جاش

أستنى يرجع

ولا

ماأستناش

أنزل وراه الميدان

ولا بلاش

أستنى يمكن يرجع

أستنى يمكن

عاش!!!

****
كان واقف قصادها

بيتحداها

عنيه الأبية

حدت مداها

لا المدفع

اللى فوق

قدر يضرب

ولا العسكرى

كان جرئ

وأستنى

جواها

****
مية

وغاز

ورصاص

وجمل

أيه العمل؟؟؟

هيا البنيه عادت بتستحمل

الحمل قرب

ع المخاض

وسط الميدان

ما فيش

خجل!!!
****

أنت النهاردة حر

قالها شهيد لشهيد

أنت النهاردة حر

لما العصى

نزلت

تكسر عضام الضهر

أنت النهاردة حر

لما الدخان ملا حلقه

بطعم المر

أنت النهارده حر

لما الرصاص

حصد الرجال

ف عز الضهر

أنت النهاردة حر

قالها شهيد لشهيد

أنت النهاردة

حر

الاخ العزيز الاستاذ

عزيز موسى

مرحباّ بك اخى فى بيتك الثانى ووسط اسرتك الادبيه .

قصيدة تعارف سررت بقراءتها والمرور عليها .

وانت هنا سوف تكتسب اشياء كثيره قد تفيدك فى تجربتك الشعريه .

شرفنا بك ومرحباّ ...