بــُكـرة الــعـيــد

[color:b968=red[b]=red[b][size=18[b]]]]( بُكرة العيد )
بُكرة العيد أنا راح أعيد
شيلاة ياعيد وياسى السيد
على الأهل هلف كام لفة
من بيت لبيت هعمل زفة
أشارك وأبارك كدة بخفَة
أذوق كُل الكعك الجيد
*************
مش راح أنسى التِرمِس والحِلبة
ولا الفـول السودانى أبو جِـبة
ولا الشوكلاتة الحلوة فى العلبة
ولا اللحمة ولا الفَتَة ولا الشُربة
كُلة عندى فى راسى متأيد
****************
لكل طِفل وطِفلة منى عيدية
خمسة جنية أو عشرة ليها هدية
حسب العُمر راح تزيد النقدية
مقابل بوسة حلوة وهنية
على خد الجميل اللى بيعيد
*****************
يارب كتر أفراحنا وأعيادنا
هات علينا الفَرحة ولولادنا
خلى البَركة تِهل فى بلادنا
إحنا بنحب الخير منة زِدنا
بحق رسولك مُحمد لتزَوِد
*****************
كلمات : يوسف أبو زينة
30/ 8 / 2011 م

[/b[/center]][/size[/b]]

أهلاً..أهلاً...أهلاً..
حللت اهلاً ونزلت سهلاً..
نورت المُنتدى ياأستاذ يوسف..وإن شاء الله هنا هتلاقي أحلى شعرا وأخوة وهتحس إنك في بيتك وهتستفيد بجد من النقد والتجاوب من أساتذتنا الكبار..

(شكراً على تلبية الدعوة..)
**********************************************
أشكرك بعمق أستاذ رضا
على دعوتك لى لهذا المنتدى الجميل حقاً,
أتمنى أن أجد نفسى فية واستفيد من إخوتى
الشعراء من نقد وتفاعل وإسهامات بناءة,
لك منى خالص المحبة والتحية
أخوك / يوسف أبو زينة

الاخ الشاعر

يوسف ابو زينه

ياخساره النت كان قاطع عندى .

كنت جبت العيال وجينا عيدنا عندك .

هههههههههههههههههههههههههههههههه

كل سنه وانت طيب وعيد سعيد وعلى اسرتك .

مودتى وتحيتى ...
******************************************

ملحوقة يااستاذ عادل
فى العيد الجاى إن شاء الله كلها شهر وشوية ,
ههههههههههههههههههههههههههههههههههههههههه
دمت بخير , مرورك على متصفحى اسعدنى كثيراً
لك منى الف تحية
مع خالص محبتى