حبيتها

يا أرض طاهرة حبيتك
يا أرض طاهرة بقلبى إشتريتك
يا ارض طاهرة أنا إللى حاميتك
أنا إللى وقت الشدة كان قلبى بيتك
أنا إللى كان دمى زادك
أنا ولد من ولادك
إن ركبنى المجد وعليت
فا دا بفضل اسمك وصورتك
ياللى إنتا ليا البيت
معرفش حبيت فيك إيه
ولا أنا حبيتك ليه
لقتنى بحبك فى كل شئ
وجمالك هو أجمل شئ
حبيت أرضك وسماك
حبيت الشهدا إللى كانوا فداك
إللى فضلوا باسم العدل وراك
حبيت فيك خضار ونبات
حبيت علو صوتك
إللى خلى الظلم مات
حبيت حضارة عمرها آلاف السنين
الناس تتحاكى باسمها
وإللى يبعد لازم يرجعلها
لأن ليها الحنين
حبيت الزحمة إللى بننداس فيها
حبيت الرحمة إللى فى قلب الطيبين
رحمة متربيين عليها
حبيت الفقير والغلبان
إللى قاعد ورا الحيطان
حيطان من خشب يدوبك تدارى صوت الجوع
ورغم كدا ساكت ومش موجوع
حبيت القصور الفخمة والعماير الطويلة
حبيت الشجرة المايلة والنسمة العليلة
حبيت كلمة الحق من قلوب شبابك
يرحموا هما شبابك
قبل ما تعجز يا قلبى
قبل ما تموت يا حبى
حبيت الناس الطيبين
كأنهم عزوتى وأهلى
يا حبيبى دا مش مجرد حنين
دا عشق بينى وبينك
وطالما أنا عاشقك يبقى ترفع جبينك
عشقت نيلك الدهبى الجميل
وساعات يبقى أسمر حزين
لما يعرف إن لسه فيه ناس عطشانين
كل القلوب لو خرجت من أجسادها تموت
وأنا قلبى لو ما طارش فى سماك
وعلى فى حبك لازم يموت

الابن الغالي مصطفى
جميل ما كتبت من حس وطني
و خطوة لك على طريق الإبداع
دمت بخير

أستاذى عاطف الجندى شكرا لك على مرورك العطر وأتمنى منك متابعة مواضيعى وإرشادى وكل عام وأنت بخير

الله عليك وجمال وطنيتك

أستاذى طاهر الصوفانى شكرا لك على مرورك الذى يسعدنى دائما دمت بخير وصحة سعادة

أستاذى محمد سيد فراج شكرا لك على مرورك العطر وأتمنى منك متابعة مواضيعى وإرشادى دمت بخير وحب وسعادة