يا كل أم ربت

لكل ست حملت
ف ولادها ورضعت
ولكل أم تعبت
لحد ما كبرت

ربي عيالك يا أمي
عالأخلاق والأدب
علشان غيرك يا أمي
أزوه من غير سبب

ولكل أب راجل
وشهم ف كلمته
وحلمه يشوف ولاده
تكبر وبتسنده

علم ابنك يابويا
ميكسرشي القلم
وارسمله طريق لبكره
يخليه محترم
ويشرف أهله لما
يكبر ويكون علم
ميكونشي مسئ ويظلم
ويعادي ويتشتم

يا كل أم ربت
يا كل أب راجل
ماتضيعوش ولادكم
با ابن عاق وفاشل

ماتضيعوش ولادكم
وتاذونا بهمالكم
وتقولو هنعمل ايه
وتفجأونا بهبلكم

عيني عليك يا شباب
وانت على الناصيه
واقف تبيع الكيف
والأهل فين راسيه
.

يعنى كنت مستنى يطلعوا دكاتره ؟؟؟؟

ههههههههههههههههههههههه

اكيد الفشل هو الذى صنعهم والتربية السوء والصاحب الاسوأ

وظلم المجتمع وانتشار الفساد والبطاله هم من صنعوا تلك الفئة

المنبوذه . مع الغياب الامنى المتعمد حتى نتندم على العهد البائد

وبالفعل هى فئه اساءت للمجتمع المصرى ككل .

نتمنى من الله ان يصلح الاحوال وتختفى هذه الظاهره السيئه .

مودتى وتحيتى ...