معندانى

يا دنيا ليه معندانى
ولما اضحك تبكينى
افكر تانى فى زمانى
الاقى الفرح ناسينى
وح فضل اصرخ واعانى
اداوى الجرح بأحزانى
واقول يا زمانى كفيانى
واسئل مين يواسينى

ياترى مين يصبرنى
ياخد بأيدى ..يوصلنى
همى فى صغرى كبرنى
وانطفت شموع عينى

لسة ناوى يا زمانى تعزبنى؟
لحظة تطمن قلبى..
واللحظة التانية تغلبنى
وحياتك لقوم واضحك
والملم جروحى وكيانى
لا ح مل فـ يوم ولاح تعب
لكن هقاوم حرمانى

يا دنيا حلفت لأعاندك
ولا ح تقدرى يوم تبكينى
ولا ح شكى ف يوم من ذلك
و ح طوى جراحى وانينى
وان ف يوم صممتى تعاندينى
ح رفع ايدى وح صلى..
و أدعى ربى يغفرلى
وان فضلتى برده ظلمانى
كلمة يــارب تكفينى

الله ينور يا درش

كلماتك جميله والله وانت شاعر واعد سوف

ننتظر منه الكثير .

تقبل مرورى وخالص مودتى ...