فرغت الحدوته

ياااااه

كنا فين .. وبقينا ..

كنا فرادي سنين

واتلمينا ..

عشاق كتير من بطنها ..

إتولدوا

عشاق كتير علي أرضها ..

إتجلدوا

واتهانوا

واتباعوا

وآدي اللي باعوا ضاعوا

وسلّموا

ماهما دول اللي اتعودا ع البيع

وكانوا بيعلموا ..

ازاي تبيع

وتخون

وازاي يهون عليك اقرب ماليك

وماترحموش

ماهما دول الوحوش اللي ..

نصبوا الشباك حوالينا

دايره

والدايره دارت ليالي مرّه

وهما اللي جوّه

واحنا اللي برّه

ماهما دول

اللي مش عاوزينها حرّه

شقيانه

وخزيانه

ومكبوته

30سنه حواديت حزينه

لكن خلاااااص

فرغت الحدوته

اى والله صدقت اخى

الشاعر الجميل

مراد ناجح

كلمات جاءت صادقه وحدوته فعلاّ انتهت

النهايه السعيده والتى كانت بعيدة المنال .

كلمات احييك عليها .

مودتى وتحيتى ...