مش ناسيكى

مش ناسيكى ياحبيبتى
مش ناسيكى
انا انسى الدنيا دى
ومنساش عنيكى
انتى يومى انتى روحى
انتى دموعى وكل جروحى
بس وحياه دمع عينى
قلبى مات م الخوف عليكى
مش ناسيكى
حد ينسى جنه عاش فيها سنين
ولا انسى لفهه مليانة حنين
مش ناسيكى
كنتى حضن بلقى فيه كل الامان
وبستان ورد مليان طيبه وحنان
بس ليه يغدر اوى بينا الزمان
ومهما كان قاسى الزمن علينا كمان
مش ناسيكى
يامة طيفك من حنينى جه عشانى
لهفة الحب الحقيقى
خليته يجى ف منامى
واهى حاجة وبتبل ريقى
لجل ما تعوديلى تانى
مش ناسيكى

بعد فترة كبيرة بعيدا عن قراءة الشعر
يارب النصيحى لكى اتعلم منكم
رمضان كريم عليكو

الأخ سامر محمد
محاوله جيده وأنا أؤيد رأي الشاعر محمود جمعه أنه بالقراءه سيتحسن مستواك وبالذهاب للندوات الشعريه والاستماع المباشر للشعراء ستتقدم وتصبح افضل
تقبل مروري

أخي سامر مرحبا بك و بموهبتك الجميلة
و اتفق مع أخوتي
محمود و فارس فى وجهة نظرهما
دمت بخير

اشكرك استاذى العزيز على التعليق والنصح الرائع وانشاء الله المرة الجاية هتكون احسن من كده
دمت بكل حب

شكرا ليك استاذى العزيز على نصحك الرائع وانشاء الله هواظب واستمر لكى احسن مستوايا
دمت بكل خير

اشكرك اختى الشاعرة على تعليقك الرائع
دمتى بخير
سامر

الشاعر الكبير عال عوض سند اشكرك على تعليقك الرائع وكان نفسى ترد عليا من زمان وعلى فكرة تيمو كلن بيحكيلى عن كتير الشاعر الرائع احمد سعد
وهو الى عرفنى بالمنتدى الجميل واخواتى الشعراء الكبار
شكرا لك
ومت بكل خير

الشار القادم اخى الغالى سامر محمد اهلا بيك يا حماده اسف انى اتخرت عنك وانا بعتلك رقم الموابيل على الياهو ياريت تكلمنى
تصبح على خير وجميل ما كتيت يا سامر وانشاء الله الى جاى احلى
ودمت بكل حب
اخوك
تيمو

الشاعر الجميل تيمو والله واحشنى يا حماد عامل ايه انا خت الرقم وهتصل بيك علطول المهم طمنى اخبارك
اخوك سامر