انتخبوني!!!!!!!!!

سكوت شوية واسمعوني
ياريت للرئاسة تنتخبوني
هتكسبوا كتير صدقوني
هخليك مواطن بجد
هحط للبلطجة حد
هنزل بنفسي الشوارع والحارات
هظبط المدارس والمستشفيات
بدل ريحة العرق هيبقى برفانات
هفسحكوا وأوديكوا سينمات
وبدل لبس الوكالة
هتعملوا شوبنج في المولات
من هنا ورايح مفيش رشاوي
ولا حوادث طرق ولا كباري
مفيش حد هيبات جعان
مفيش خوف كله هيبقى أمان
بسمة وسعادة في كل مكان
قصري دايما ليكوا مفتوح
من هنا ورايح مفيش مجروح
بدل العيش فيه توست وفينو
ولحمة وفراخ ورومي عارفينه؟!!
صوتك دايما مسموع
مفيش خلاص لا حزن ولا دموع
ولا واحد تعبان وموجوع
ولا ناس هتموت م الجوع
لوطلعت الأول هتتعين معيد
مش هعين بالكوسة ابن العميد
كله بالورقة والقلم مجموع
هنشتغل وهنتعب وهنعلي بلدنا
هنسمع ونحل مشاكل أخواتنا
هسمعك هسمعه هتسمعوني
قلتوا ايه
هتنتخبوني؟!!!!!!

ايدى على كتفك يا جميل

ولو الكلام ده مضبوط دا احنا نعيش فى كوكب تانى .

الاستاذه الشاعره / مريم

الزجل خُلق للسخريه والنقد . وانتى هنا وبأسلوب باسم

عرضتى هذا البرنامج المستحيل على اى مرشح .. ولكن ..

صدقينى مش حا تاخدى اكتر من صوتك .

ههههههههههههههههههههههههههههههه

الشعب بقى واعى يا مريم وعمره ما يصدق اى كلام يتقال .

نص احييك عليه ورغم تناوله بأكثر من طريقه إلا انه مميز .

تحياتى وتقديرى ...