ثورة معلمى مصر

موضوع: ثورة معلمى مصر الجمعة يوليو 29, 2011 5:48 am

الخروج من الصمت

قوم اصرخ اتكلم
همشوك وخدعوك
ولساك قاعد تتألم
ومن حافذ الاثابة حرموك
ووزيرك مبيعرف يتكلم
اصرخ قوم اتكلم
يلى غيرو مسماك لمعلم
وقالو عملنا ليك كدر
ومتعرفش أنة فالاصل تكدير
تنام على الارض ووزيرك ينام
على الحرير
اصرخ وقف فى وجه الوزير
اللى من النظام البائد
جاى يمثل علينا الدور
أنة شايل همنا
ومن حالنا مقهور
جاى لينا وشايل فى جعبتة
ألف شهادة زور
شاهدتة أن حالنا أحسن
من حال الغير
اصرخ يا استاذى
وخرج من سكوتك
داللى خرجك من الأجور
ناوى على موتك
اصرخ وعلى الصوت
اوعى تخلية مكبوت
حقنا مش هيموت
اصرخ فى وجة الظالم
اصرخ صحى النايم
كل الوزارة ذادت
ولسة وزيرنا قاعد قايم
ومش عارف يعمل اية
كل محد يسئلة ميعرفش
يرد علية
ووقت ما ينزنقك
يجرى على امتحان
الكدر وتطويرة
يختى على امتحانة
الشفوى وتحريرة
طب اقولك يا وزير
كلمة وسمعها
ثورتنا طالعة
ومحد هيقدر يرجعها
مليون مدرس طلعين
على الميدان رايحين
ارحل بدل متبقى
سجين من المساجين
لكن قبل رحيلك
فى سؤال ليك
رتبك كام وحيات عنيك
ولا اقولك مصروف ابنك
كام وحيات ولديك
ولاسيارتك وسيارات أولادك
بنزينهم عليهم ولا عليك
يا عم ارحمنا ورحل
فاض الصبر بينا
لنهد المعبد عليك
وان شلة ينهد علينا
مهو مش هتفرق معانا
عيشين ومش عيشين
وفى دولة الحرية
لسانا متهمشين
هوكلامك المعسول
لسة هيخيل على مين
ما انت سديت ودانك
وخليت ودان من عجين
والتانية من طين
معرفش ازاى بتنام
ومليون وحد بشكوك
لربك اللى ما يغفل ولا ينام
رايح تجرى تفتح بورصة
المال
زى ميكون بقيت وزير
لرجال الاعمال
ياخى فتح عينك
لسة راتب المدرس
محصلش راتب الزبال

اصرخ يا معلم وقول للوزير

كل يوم رايح جاي
تظهر مع الاوائل
زى ميكون انت اللى درستلهم
وسايب حال المعلمين مايل

قلنا نتصل بيك
ونتحايل
يهديك يرضيك
لسة حالنا مصعبش عليك
قسم وعهد علينا
ما فى مدرسة تبتدى
إلا مناخد حقوقنا
زى اللى حولينا
ياأخى هو كل يوم
تطلع علينا
وتهددنا بتقاريرك
يأخى كفاية عليك رائى مستشارينك
والكذب والنفاق اللى بيزينك
ياريت يجيلك هاتف فى المنام
يقولك جموع المعلمين غضبان
وهنبتدى من اليوم حملة العصيان
[center]

الاستاذ الشاعر

محمد رشاد

ونحن نعلم بأن المدرسين من المظاليم .

وقد عانوا واحتملوا وهذا ما جعلهم يلجأون الى الدروس

الخصوصيه . رغم علمى بأن الكادر قد طُبق على جميع المدرسين

إلا اصحاب الاشغال الإداريه .

نتمنى رفع الظلم عن الجميع فى ظل التغيير الذى تشهده مصر .

مودتى وتحيتى ...

جميل استاذ / محمد رشاد

في انتظار المذيد من الابداع

رمضان كريم ..

تقبل تحياتى على هذا النص يا استاذ محمد

اما بقى بخصوص المعلمين فاسمحلى اقولك رأيى وبكل صراحة

المدرسين وبشكل عام مبياخدوش حقهم ولكن الكادر زاد وعدل شوية من الحالة الاجتماعية ودة محدش يقدر ينكرة

اما بقى بخصوص المدرس فأغلبهم بيدوا دروس خصوصية وانا مش بعترض على الدروس لانى الحالة التعليمية زى الزفت فى مصر والعملية التعليمية محتاجة تطوير كلها واعادة هيكلة

ولكن المدرس مش بيدى للحصة حقها زى مبيدى للدرس الخصوصى حقة ودة من فئة مش قليلة من المدرسين

المشكلة مشكلة ضمير سواء من الوزير للمدرس لاصغر عامل فى التعليم

تقبل تحياتى

» ثورة ....قلب
» ثـــــــــورة
» ثورة ثورة
» ثورة أمل
» يا ثورة ما تمت ....