من وحى (واو) استاذنا عادل سند

صلوا على المصطفى
ولرب الحيا والموت
يونس ربه عنه عفا
نجاه فى بطن الحوت

*****************
ياحب غرقنا بحنانك
دا القلب إستوى آسية
ياحب بلغنا جنانك
ولا حد سائل فييه

****************
ياقلبى مجروح وعليل
كفاياك الهم مصايب
صنايعى وبختى قليل
وسهم الزمن صايب

****************
الهم صاحب ملازمنى
من بدرى غلبت أداويه
ماعبت و العايب يعاتبنى
معرفتش أأقوله إيه ؟
****************
الذنب معصية داريه
دا ربك يقبل التوبة
عاصى وزمنه دار ليه
مش كل مرة تسلم النوبة
****************
بابك كون عليه حارس
ولاد الحرام كتير بشوية
والحق كون فيه فارس
الرجولة ماتنفع بشرية
****************
جيت أأقول الشعر
طلعلى ميت وزان
لو مختلفين ف السعر
يابخت من قّدر وزان
******************
عريس بيحب الحسب
والنسب نسب الدين
ياما تعيس عد وحسب
المكتوب تشوفه العين
*******************

الأخ والصديق الشاعر الكبير/طاهر الصوفانى
اشكرك على ماتفضلت به علينا من كلمات
والله يا استاذ طاهر هية جت كده معايا
من حبى فى (واو) استاذنا عادل سند
اشكرك مرة اخرى على المرور والتعليق
تحياتى اخى الكريم

الاستاذ المحترم/محمد عبد الواحد
شكراً لك اخى الفاضل
تسعدنى كلماتك بحق
دمت متألقاً وجميلاً