كلام صالونات

كلام صالونات

رايح أسلمـه رأسى
ماهو أبن جهتى وحتتى
وقبل ما أطاطى وأسلـم
دخـلت عليه بسلـم


لقيت الغزالة مش رايقة
سالته ياأبراهيم مالك
طلب لى قهوة مظبوطة
وقعد معايا يتكلم


يروح لزبون ويرجعلى
جاب لى القديم والجديد
بس كلامه المرة دى
خلانى سامع بتألم


يا دكتورهوالعيب فينا
إحنا ليه مش مظبوطين
الماضى مأثـر علينا
ولا الناس عايزة تتعلم


الثـورة نزود الأسعار
ونستغل حاجةالناس
ونبص تحت رجلينا
يعنى الحكاية لم فوس


وناس تعلى فى أدوار
وتهدد حـياة الغـير
مش يراعوا ربنا قبل
ما نرجع ثانى نحوس



والفلاح بيبورأرضـه
ويـخطط ويبنى عليها
قال دى ورثه ومن حـقه
لوعلى كده بلدنا تبوظ


واللى معجب بالممنوع
راكن وسايق وماشى
بيرغى فى المحمول
وعلى حياةالناس بيدوس


واللى فارش فى أى حتة
وبيبيـع أى حاجة
ويسد الطريق ببضاعته
و معلق لى عليهأا فانوس


واللى معاه خنفسة بتغنى
ويقولى عـليها التـك تـك
ويعدى الشارع بالعـرض
عايزفى كل حاجة دروس


فضلت قاعـدأسمع له
أتـارى إبـراهيم متعـبئ
وأنا لما سألته مـالك
فكرته حا يقولى الزمالك

الاخ العزيز

مراد سليمان

رباعياتك جميله اخى وبها نقد ورفض لبعض نماذج المجتمع

ولكن اخى هنا افتقدنا للجرس الموسيقى . او موسيقى الشعر .

فالرباعيه اما تكون . متفقة القافيه فى البيت الاول والثالث .

والثانى والرابع . واما تكون متفقة القافيه فى البيت الاول والثانى

والرابع

ويكون البيت الثالث بمثابة { العارجه } اى حر القافيه .

إما تكون الابيات الاربعة على نفس القافيه .

وإما ان تكون متفقة القافيه فى الاول والثانى والثالث وتختلف فى

الرابعه . بشرط ان تكون بطول القصيده .

علاوة على افتقاد الوزن فى بعض المناطق .

ارجو تقبل ملحوظتى بصدر رحب .

مودتى وتحيتى ..