إتجاه شِعري

موضوع: إتجاه شِعري الجمعة يونيو 24, 2011 10:47 pm

وسيبني أسكت بقى احسنلك
بلاش الهرتله معايا
متتزفلكش بالأشعار
لا عايز اسمع ولا اتكلم
انا فيا الي بكفايه
انا متنيله معايا
انا واصل لآخر توب
ممزعتوش علي صدري
انا خايف لا آخر برج
يقع في دماغي بكفايه
سنيني الشابه اهي بتجري
وواقف في السبق.. رايه
لانا جاري ولا واقف
ولا سامع ولا شايف
ولا لاقيلي دور فيها
انا بتهد برَّاحه
ودور ورا دور يروح مني
وجاي تنصحني في الاخر؟
صور وخيال على مشاعر!
بقلك ايه
انا اصلا منيش شاعر
انا معرفش أتلون
وأكتب قول ماهوش قولي
صور تجديدك الروعه
وتحديث القصيد الغاز
وكل كلامكوا حافظينوا
يا أولِيََّا.. يا أنبِيَّه
يا نُوح الصبر في النيه
ملايكه تقيد الافعال
يا إما كلامكوا علأساطير
سيزيف يكسر إشارة موت
يعدي بسرعه في الشارع
كإن الشعر للإغريق
مهوش لينا
وزينا اتجوزت هرقل
وأشعاركوا الي اتهرت انواع
مهيش ليا
انا بكتب وافضفض بُوح
أفرغ نفسي م الحاله
منيش بكتب ومستني
يقولوا عليا قَوَّالَه
واكون مشهور بفِكر حديث
واقول علي مذهبي ثقافه
انا آفه..
في اشعاركوا الي الي اتهرت دهاليز
هقول الشعر بمزاجي
وأشعاركوا مهيش قصه
وممكن اغوص في أفكاركوا
وأقدر أوصف التايهه
واجيب البعد لو عاشر
واطل بفكري علأزمان
واغيب عن واقعي الغايب
واكون حاضر في كل مكان
واكون حاضن لتوب الموت
وعارف اكلم الضلمه
واقول يامه
واقول يابا
بكلمكم وانا ميت
واكتب شعر مش معزوف
ولا فكره ولا قافيه
وللقاري مهوش مفهوم
وللناقد مهوش معروف
بإيه اهدافه وَصَّلها
كتابة اللغز مش صعبه
فجرب تكتب الأوجاع
مهيش سهله
ولا سهله كتابة الموت علي أرضية الواقع
ولا سهل الشعور بصديد
جراح الأمه فيـ الأوطان
يا شاعر بص للإنسان
وسيب خيالاتك الروعه
جميل الشعر يتخيل
لكنّ ازاي يكون مبدأ..
ومكتبشي لشئ إلاه
وكل حياتي مش واقع
وسايب نفسي اكون خاضع
لجوع الفكر للتحديث
محدش قلك إتّأََخر
لكنّ الهدم مش تجديد
فسيبني أسكت بقى احسنلك
انا وانت مننفعشي
بأفكارنا نكون في طريق

أحمد عبد الرازق
23/6/2011
ليست موجهه لشاعر معين وإنما لإتجاه شعري أقول رأيي فيه بصراحه مع احترامي له ولكافه انواع واتجاهات الشعر والشعراء

هههههههه ايه يا احمد بتتخانق مع نفسك ليه
قصيده جميله وروعه والله رغم الصراع اللي انته خضته
بس الشاعر الصح بيفهم اى قصيده
القارئ العادي هوا اللى ممكن متوصلوش فكرة القصيده
اما الشاعر يفهم الشاعر والكلمه ويحترم الأدب
تحياتى وتقديري
Very Happy

موضوع: رد: إتجاه شِعري السبت يونيو 25, 2011 12:03 am

[size=24]هههههههههههههههههههه

ايه حكايه غير موجهه هههههههههههههههههه

بقولك

الكلمه دي ترسه معايه
متتزفلكش

وجايلك تاني على روقان

موضوع: رد: إتجاه شِعري السبت يونيو 25, 2011 12:55 am

انا اصلا منيش شاعر
انا معرفش أتلون
وأكتب قول ماهوش قولي
صور تجديدك الروعه
وتحديث القصيد الغاز
وكل كلامكوا حافظينوا
يا أولِيََّا.. يا أنبِيَّه
يا نُوح الصبر في النيه
ملايكه تقيد الافعال
يا إما كلامكوا علأساطير
سيزيف يكسر إشارة موت
يعدي بسرعه في الشارع
كإن الشعر للإغريق
مهوش لينا
وزينا اتجوزت هرقل
وأشعاركوا الي اتهرت انواع
مهيش ليا
انا بكتب وافضفض بُوح
أفرغ نفسي م الحاله
منيش بكتب ومستني
يقولوا عليا قَوَّالَه
واكون مشهور بفِكر حديث
واقول علي مذهبي ثقافه
انا آفه..
في اشعاركوا الي الي اتهرت دهاليز
هقول الشعر بمزاجي
وأشعاركوا مهيش قصه
وممكن اغوص في أفكاركوا
وأقدر أوصف التايهه
واجيب البعد لو عاشر
واطل بفكري علأزمان
واغيب عن واقعي الغايب
واكون حاضر في كل مكان
واكون حاضن لتوب الموت
وعارف اكلم الضلمه
واقول يامه
واقول يابا
بكلمكم وانا ميت
واكتب شعر مش معزوف
ولا فكره ولا قافيه
وللقاري مهوش مفهوم
وللناقد مهوش معروف
بإيه اهدافه وَصَّلها
كتابة اللغز مش صعبه
فجرب تكتب الأوجاع

الشاعر الجميل/ احمد عبد الرازق

رااائع ماكتبت... بس احساسي انك كاتبها وانت بتتخانق مع نفسك...وكمان انا شامم ريحة شياط...فيه دخان كده طالع مش عارف منين هههههههههه

تقبل مروري اخي...ولك جزيل الشكر

دمت بخير ....تقبل تحياتي

موضوع: رد: إتجاه شِعري السبت يونيو 25, 2011 1:31 am

رضا عثمان كتب:: هههههههه ايه يا احمد بتتخانق مع نفسك ليه
قصيده جميله وروعه والله رغم الصراع اللي انته خضته
بس الشاعر الصح بيفهم اى قصيده
القارئ العادي هوا اللى ممكن متوصلوش فكرة القصيده
اما الشاعر يفهم الشاعر والكلمه ويحترم الأدب
تحياتى وتقديري

ههههههههه والله انا عارف ان النص دا مش كل الناس هتفهم قصدي منه وعشان كدا حطيت تنويه وانا مش بحب احط اي كلام بجانب النص ورغم التنويه الا انك قولت الشاعر الصح يفهم اي قصيده ويحترم الادب هههههههه امال لو من غير تنويه بقى مش عارف خانتك الالفاظ هنا ولا تقصد حاجه تانيه انا ممكن مكنش شاعر صح فعلا لكني بالتاكيد احترم الادب والادباء والشعر الحديث مش انا بس الي هاجمته دا من بداية ظهوره شعراء فطاحله هاجموه وانا هنا مش بتكلم عليه بمفهومه المعروف لاني عن نفسي بحب مثلا صور المدرسه دي وخيالها, انا بتكلم علي حال الشعر الحديث دلوقت علي يد بعض الشباب الي خلوه اكثر غموضا وتيها بدعوى الذهاب لعوالم اخرى والثقافه
والموضوع دا شعراء وناس كتير قراء بدرجة شعراء موافقاني فيه الا انه محدش بيصرح بدا وانا صرحت مع احترام الجميع ودون تعدي
اشكرك علي اطرائك واعجابك بالنص كمان

موضوع: رد: إتجاه شِعري السبت يونيو 25, 2011 2:17 am

ماهر حامد كتب:: [size=24]هههههههههههههههههههه

ايه حكايه غير موجهه هههههههههههههههههه

بقولك

الكلمه دي ترسه معايه
متتزفلكش

وجايلك تاني على روقان

ههههههههههه هي متتفزلكش بس مكتوبه غلط على الله عمنا عادل سند يشوفها ويعدلها بعد اذنه
ومسألة غير موجهه دي فانا عملت حسابي من الاول وقلت كدا عشان محدش يقولي شكلك عندك مشكله مع شاعر معين بناءا علي اني مستخدم طريقة الخطاب الموجه لشخص بس كل الحكايه تعبير عن رأي بصراحه في اتجاه شعري
مستنيك يا شاعر يا جميل متتاخرش عليا

موضوع: رد: إتجاه شِعري السبت يونيو 25, 2011 5:30 am

الله عليك يا حميدووووو
يا جامد
والله فعلا عندك حق
كتير جدا من الشعرا
بيكون تحديهم الاول اثناء الكتابه
انه لاحد يعرف ولا يفهم حاجه من اللى كتبوه
لانهم بيعتقدو ان كل ما كانوا غير مباشرين
اكتر بيكونوا انجح اكتر
وان الكلام بطريقه مباشرة لا يعتبر من وحهه
نظرهم شعر اصلا
ع العموم الحياه مدارس ولكل واحد
حريته فى اختيار الطريقه اللى يعبر
بيها عن مكنون صدره
دمت متالق يا جميل
Very Happy

موضوع: رد: إتجاه شِعري السبت يونيو 25, 2011 11:09 am

والله انا كنت حا اقول دى رد على شاعر استفزك .

الابن الشاعر الجميل

احمد عبد الرازق

وياما لسه حا نسمع عن اتجاهات شعريه لاتمت للشعر بصله .

ولكن لايصح إلا الصحيح . والجيد سوف يطرد الرديء .

مودتى ايها الشاعر الجميل ...

موضوع: رد: إتجاه شِعري السبت يونيو 25, 2011 11:37 am

سنيني الشابه اهي بتجري
وواقف في السبق.. رايه
........
ولا سهله كتابة الموت علي أرضية الواقع
..........
يا إما كلامكوا علأساطير
سيزيف يكسر إشارة موت
يعدي بسرعه في الشارع
كإن الشعر للإغريق
مهوش لينا
وزينا اتجوزت هرقل
..........
دي مناطق الصياعه عندك
......
اللي انت كاتبه بيقول حاجه كويسه وبحترمها لكن مش كل الحداثه سيئه بالعكس احنا لازم نجدد في شكل الشعر عشان يبقي لينا اسم في التاريخ الأدبي من وجهة نظري ك حد لسه اساسا لايعتبر نفسه شاعر
التجديد شيء وتنحية الماضي شيء أخر علي فكره

اشطه يا برنس Smile

موضوع: رد: إتجاه شِعري السبت يونيو 25, 2011 12:14 pm

الشاعر المميز /احمد عبد الرازق

مضمون راقى جميل كلماتك الساخرة

تتمتع بمعانيها الجميله ومفرداتها الشيقه

تقبل مرورى واعجابى بقلمك الراقى

موضوع: رد: إتجاه شِعري الأحد يونيو 26, 2011 12:14 pm

تعرف يامحمود ..

طول عمري بقول ان اي ابداع لايقق اهدافآ نبيله

هو عمل ضد الاخلاق ..

بس ماعرفتش ااقول زيك

لاكن قلت مره زمان

أأقولك ليا قصيده علي المنتدي ورا اسمها ( شعرا نص كم )

لو تحب اقراها .. بس طبعا مش فيها اجمال بتاعك

تحياتي لإبداعك

موضوع: رد: إتجاه شِعري الأحد يونيو 26, 2011 2:44 pm

رضا فايد كتب:: انا اصلا منيش شاعر
انا معرفش أتلون
وأكتب قول ماهوش قولي
صور تجديدك الروعه
وتحديث القصيد الغاز
وكل كلامكوا حافظينوا
يا أولِيََّا.. يا أنبِيَّه
يا نُوح الصبر في النيه
ملايكه تقيد الافعال
يا إما كلامكوا علأساطير
سيزيف يكسر إشارة موت
يعدي بسرعه في الشارع
كإن الشعر للإغريق
مهوش لينا
وزينا اتجوزت هرقل
وأشعاركوا الي اتهرت انواع
مهيش ليا
انا بكتب وافضفض بُوح
أفرغ نفسي م الحاله
منيش بكتب ومستني
يقولوا عليا قَوَّالَه
واكون مشهور بفِكر حديث
واقول علي مذهبي ثقافه
انا آفه..
في اشعاركوا الي الي اتهرت دهاليز
هقول الشعر بمزاجي
وأشعاركوا مهيش قصه
وممكن اغوص في أفكاركوا
وأقدر أوصف التايهه
واجيب البعد لو عاشر
واطل بفكري علأزمان
واغيب عن واقعي الغايب
واكون حاضر في كل مكان
واكون حاضن لتوب الموت
وعارف اكلم الضلمه
واقول يامه
واقول يابا
بكلمكم وانا ميت
واكتب شعر مش معزوف
ولا فكره ولا قافيه
وللقاري مهوش مفهوم
وللناقد مهوش معروف
بإيه اهدافه وَصَّلها
كتابة اللغز مش صعبه
فجرب تكتب الأوجاع

الشاعر الجميل/ احمد عبد الرازق

رااائع ماكتبت... بس احساسي انك كاتبها وانت بتتخانق مع نفسك...وكمان انا شامم ريحة شياط...فيه دخان كده طالع مش عارف منين هههههههههه

تقبل مروري اخي...ولك جزيل الشكر

دمت بخير ....تقبل تحياتي

هههههههه متخانقتش مع نفسي ولا حاجه انا بس حبيت اربط بين هموم الانسان والشعر وان المسأله مش متحله اننا نكتب علي غير الواقع كتير
اشكرك ا/ رضا علي مرورك الجميل وتشجيعك

موضوع: رد: إتجاه شِعري الأحد يونيو 26, 2011 3:05 pm

الشاعر محمود قطب كتب:: الله عليك يا حميدووووو
يا جامد
والله فعلا عندك حق
كتير جدا من الشعرا
بيكون تحديهم الاول اثناء الكتابه
انه لاحد يعرف ولا يفهم حاجه من اللى كتبوه
لانهم بيعتقدو ان كل ما كانوا غير مباشرين
اكتر بيكونوا انجح اكتر
وان الكلام بطريقه مباشرة لا يعتبر من وحهه
نظرهم شعر اصلا
ع العموم الحياه مدارس ولكل واحد
حريته فى اختيار الطريقه اللى يعبر
بيها عن مكنون صدره
دمت متالق يا جميل

يا عيني علكلام الموزون والي ميطلعش الا من شاعر واعي بما حوله اهو دا الي قصدي عليه وانت قلته احسن مني يا شاعرنا الجميل سعيد ان في شعرا فهموا قصدي وعشان كدا انا منزلتش النص دا غير في المنتدى هنا لانه كله شعراء لان احتمال القراء متفهمش قصدي
سعيد باعجابك ومرورك الي ديما بيسعدني يا ابو سلمى

موضوع: رد: إتجاه شِعري الأحد يونيو 26, 2011 3:13 pm

عادل عوض سند كتب:: والله انا كنت حا اقول دى رد على شاعر استفزك .

الابن الشاعر الجميل

احمد عبد الرازق

وياما لسه حا نسمع عن اتجاهات شعريه لاتمت للشعر بصله .

ولكن لايصح إلا الصحيح . والجيد سوف يطرد الرديء .

مودتى ايها الشاعر الجميل ...

كنت مستني اعرف ردك هنا بالذات ياعمنا عادل والحمد لله طالما حضرتك قلت كدا يبقى انا اطمنت
تحيتي ليك يا استاذ عادل علي متابعتك وتشجسعك الدائمين

موضوع: رد: إتجاه شِعري الأحد يونيو 26, 2011 6:05 pm

احمد عبدالرازق
انت ك شاعر متمكن وموهوب جدا

يعجبنى فيك انك لك مفرداتك المختلفه والقدره على توظيف المفرده وامساك خيوط النص حتى النهايه و الدوران حول الفكره من غير توهان

اما عن محتوى النص فانا اتفق معاك
التحديث مش تغريب وتتويه ولخابيط عكس المنطق و المألوف
اعجبنى تكوين صورك مثل
انا واصل لآخر توب
ممزعتوش علي صدري
انا خايف لا آخر برج
يقع في دماغي بكفاي
وغيرها
ايها الشاعر الموهوب
الف برافو
وربنا يزيدك

عمار محمود كتب:: سنيني الشابه اهي بتجري
وواقف في السبق.. رايه
........
ولا سهله كتابة الموت علي أرضية الواقع
..........
يا إما كلامكوا علأساطير
سيزيف يكسر إشارة موت
يعدي بسرعه في الشارع
كإن الشعر للإغريق
مهوش لينا
وزينا اتجوزت هرقل
..........
دي مناطق الصياعه عندك
......
اللي انت كاتبه بيقول حاجه كويسه وبحترمها لكن مش كل الحداثه سيئه بالعكس احنا لازم نجدد في شكل الشعر عشان يبقي لينا اسم في التاريخ الأدبي من وجهة نظري ك حد لسه اساسا لايعتبر نفسه شاعر
التجديد شيء وتنحية الماضي شيء أخر علي فكره

اشطه يا برنس

ههههههه حلوه مناطق الصياعه دي كنت متوقع منك لانك بتحب المدرسه الحديثه دي انك تعارضني بشدهه او ترد عليا رد ينقسم لجزئين جزء بيأيدني في ان ناس بالغت في الحداثه وبوظوها وخلوها الغاز في الغاز فقط وجزء تاني من ردك هتقلي فيه طبعا ان مش كل الشعر الحديث وحش ودا طبعا انا عارفه وياما قلتلك ان المدرسه دي خيالها وصورها حلوه وبتعجبني وعارف طبعا ان التجديد شئ وتنحية الماضي شئ تاني انت لو كنت قريت كويس لاخر النص كنت هتلاقي اني قايل كدا. كدا احنا متفقين في ان الشعر الحديث له جمهوره ومحبيه لكن متفقناش لسه في ان في ناس مبهدله الدنيا وبتدعي التجديد والجمال عن طريق كتابة شعر جديد اساسا علي الشعر. الموضوع ناس كتير عارفاه وبتخاف تتكلم فيه لحد يقول عليها مش مثقفه مثلا او مش قادره توصل لجماليات الحداثه وتفهمها ولكن لما الشاعر محمد عبد القادر مثلا مشرف الشعر في الموقع الي انا وانت بندخله يقولي انه شاف شاعر حداثه كاتب نص والناس داخله تشكر فيه وتقزل الله يا شاعر علي الي انت كاتبه والاخر الشاعر ده نفسه يقول اانا عن نفسي مش فاهم كل النص ولكنها حاله شعريه مكتوبه ولها جمالها يبقى كدا بقى مينفعش ااواحد يسكت وانا عن نفسي متعود علي الصراحه طالما مش بجرح في حد اتمنالك مزيد من الاحتكاك وتوصل لحجات انت مش واخد بالك منها وتجد سكتك ولونك بين الحديث والتفعيلي العامي لانك تايه شويه بينهم وكل المدارس ليها احترامها اهم شئ انك لو هتكتب بمدرسة مين المهم تكتب نص مفهوم وله هدف وفي نفس الوقت جميل بصوره وتراكيبه انا كل اعتراضي علي بعض شباب اليومين دول الي واخدين الحداثه مجرد اهتمام بصور جديده وتراكيب متعملتش بغض النظر عن المفهوم او مراد الشاعر وانت تقدر تعمل عكس دا ياعمار وتللاقي لونك وسكتك وسط الاتجاهات الشعريه المختلفه وانت ليك نصوص جميله تميل للحداثه وفي نفس الوقت مفهومه
اتمنى تكون فهمتني لاني بكلمك لمصلحتك واتمنالك مزيد من التقدم ليك وليا ولكل الشعرا الشباب كلنا بنتعلم
شكرا ليك يا صاحبي

بسمة الورد كتب:: الشاعر المميز /احمد عبد الرازق

مضمون راقى جميل كلماتك الساخرة

تتمتع بمعانيها الجميله ومفرداتها الشيقه

تقبل مرورى واعجابى بقلمك الراقى

الشاعره الرقيقه بسمة الورد
كل الشكر علي هذا الاطراء الجميل وردودك التي تزين موضوعاتي لا حرمنا الله منها

م/عطية شواش كتب:: تعرف يامحمود ..

طول عمري بقول ان اي ابداع لايقق اهدافآ نبيله

هو عمل ضد الاخلاق ..

بس ماعرفتش ااقول زيك

لاكن قلت مره زمان

أأقولك ليا قصيده علي المنتدي ورا اسمها ( شعرا نص كم )

لو تحب اقراها .. بس طبعا مش فيها اجمال بتاعك

تحياتي لإبداعك

محمود؟ هي بقت كده ياعمنا ههههههههه حبيبي والله يا بشمهندس لو قلتلي يا واد يا بليه حتى اهم حاجه اشوف الاسم دا في صفحتي
سعيد ان النص نال اعجابك والابداع بادينا نخليه هادف وانا عشان كدا كاتب النص دا عشان اوصل الفكره دي
ونص حضرتك (شعرا نص كم)
قريته يا عمنا ومشش عارف ارد هناك لحد دلوقت بس هرد بردو عشان انت ناوي تعقدنا باشعارك انا عارف يا عمنا ومش هترتاح الا لما نكسر ام الاقلام ع الكيبوردات في يوم واحد ونتربع قدام نصوصك ونتعلم
تحيتي الي القريب من القلب دائما عمنا عطيه شواش

رافت المصرى كتب:: احمد عبدالرازق
انت ك شاعر متمكن وموهوب جدا

يعجبنى فيك انك لك مفرداتك المختلفه والقدره على توظيف المفرده وامساك خيوط النص حتى النهايه و الدوران حول الفكره من غير توهان

اما عن محتوى النص فانا اتفق معاك
التحديث مش تغريب وتتويه ولخابيط عكس المنطق و المألوف
اعجبنى تكوين صورك مثل
انا واصل لآخر توب
ممزعتوش علي صدري
انا خايف لا آخر برج
يقع في دماغي بكفاي
وغيرها
ايها الشاعر الموهوب
الف برافو
وربنا يزيدك

والله رد اسعدني كثيرا اولا لاطرائك وثنائك الجميل علي وهذا التشجيع الدافع حقا وثانيا لهذا المستوي الماتع من التحليل وسعيد ايضا انك متفق معايا في فكرة نصي عن التحديث
تحية لحضرتك بقدر ما اسعدتني حقا يا شاعر يا جميل
كل التحيه لهذا المرور العاطر ا/ رأفت

يانهار ابيض ياحمودى
بسم الله ماشاء الله عليك
كله صواريخ
ماعندكش شماريخ صوت بس
كله متفجرات كده
هههههههههههه
يخرب عقلك ياراجل
على فكرة هو المضمون بتاع القصيدة كلام عام على نوع من الشعر
بس اقول لك حاجه انت كاتبها عشان تقرص بيها ودن واحد شاعر
ماتقولش لأ
وكمان انا عارف مين
بس مش هاأقول لك
وهى لو غير كده ابقى انا مابفهمش
معلش اعذرنى بقا يابو حميد انا شايف انى فاهم
تحياتى لك ياصاحبى الحبيب

ههههههههههههههههه يا لقيم انت اولا بطل تحرجني بكلامك الجميل دا
ثانيا النص فعلا اعتراض علي اتجاه شعري معين باكمله واكيد عشان اعارضه كان في شعراء هما الي خلوني اعترض مننهم واحد انا قولت عليه لكن للاسف انا نفسي معرفوش يا حسن هههههههههه بس بجد كان له الفضل الاكبر بعد ربنا في ان النص يتكتب لان الي حكالي عنه قالي انه هو نفسه مش فاهم النص بتاعه والموضوع دا استفزني جدا وخلاني اقول بقى عن الي حاسه من الشله دي كلها فلو تعرفه قولي عليه هههههههههه
نورت يا حسون كعادتك يا صاحبي وردك دايما بيخجلني ويسعدني في نفس الوقت

موضوع: في الجول الأربعاء يونيو 29, 2011 6:34 pm

الأخ أحمد
كل ما سأقوله يمثل وجهة نظري الانطباعية وليس النقدية ، وانا لست حكما على عمل أو صاحب عمل :
ومن هذا المنطلق أقول :
برغم انك قلت عن نفسك انك لست بالشاعر الا انك شاعر
وبعيدا عن انتماءاتي الشعرية أرى ( إن كان لي الحق في أن أعرض ما أراه ) أرى أنك أصبت الهدف وأوجعت قلوب آلاف الشعراء .
الفكرة في الأبيات دقيقة وعرضها رائع بل هو عرض متمكن ، لأنك عرضت الفكرة بوضوح ، وعرضت دفاعات الآخر ( المنافس ) ثم هدمتها بندا بندا ، واستخدمت التعليل فأحسنت ، ثم أظهرت بذكاء أدبي حاد أنك تمتلك كل أدوات الشعر ، وعلى دراية بألوانه ، وخباياه ، وهو ما يوحي الى الطرف الآخر أنه لا يستطيع أن يأتي بما تأتي به أنت ، ولكنك بمنتهى السهولة تستطيع أن تأتي بكل ما يأتي به هو ، وبكل بساطة .
ومن الذكاء في العمل برغم عدم قراءتي غيره لك ، من الذكاء فيه أنك استخدمت الأبجدية ( الكلمات ) التي يكثر الآخر من استخدامها ، وهذا نوع من التحدي غير المعلن والذي يقع في لاشعور الآخر.
تصويرك مناسب جدا للموضوع
الحالة النفسية واضحة جدا بدليل انها تجبر القارئ على التفاعل معها ما يعني أنه تأثر .
ومن هذا المنطلق ألتمس لك العذر في اطالتها فالمبالغة مكروهة الا في النزال ، والطول الذي ميز هذا العمل هو نوع من التحدي والفخر الضمني غير المعلن .
لكن يجب التنبيه على نقطة قد تكون فعلتها قاصدا ، وبرغم هذا لا بد أن أقف عليها وهي اضطراب الوزن في جملتين أو ثلاثة ، ولو أن العمل ليس نزاليا للتحدي لكنت قلت أن مثل هذا مقبول .
أما كون العمل بهذا الشكل فمن الممكن أن يتصيد الآخر لك هذه النقطة لأنه لن يجد غيرها .
وأنا بالتنبيه على النقطة الأخيرة أشير إلى منهج الكتابة الشعرية عامة وليس هذا الموقف تحديدا ، أي عندما تريد نزالا فلتكن كل أدواتك في أحسن حالة .
أسعدني العمل جدا جدا جدا برغم أني لست من هواة قراءة العامية إلا في حدود ، وعملك تخطى الحدود .
في النهاية .......... أكرر ما بدأت به
كل ما قلته يمثل وجهة نظري الانطباعية وليس النقدية ، وانا لست حكما على عمل أو صاحب عمل

موضوع: رد: إتجاه شِعري الجمعة يوليو 01, 2011 2:10 am

بدايتا انا سعيد جدا بجد لاكثر من سبب
الاول هو مرورك الاول علي متصفحي المتواضع وانضمامك لنا هنا في المنتدى
ثانيا هذا المستوى التحليلي والقدره علي القراءه بتعمق والتعبير الجيد والسلس لكي توصل مرادك ورأيك للكاتب
ثالثا اتفاقك معي في فكرة مضمون النص وان اشعر انني لست وحدي من يشعر بهذا الضيق ومن يتفق معي هنا ليس بقارئ عادي بل انسان موهوب في التحليل فزادت سعادتي بهذا الرأي والملاحظات ايضا التي اتفق معك فيها ولم اشعر بانه نزال حقا الا حين لفت انتباهي لهذا فاوافقك ولكني لم اكن انازل شاعرا بعينه وانما اتجاه فلم اهتم بالقدر الكافي بالاضافه لتسرعي دائما في كتابه نصوصي واقول لك ان اكثر من ثلاثة ارباع كتاباتي لا استغرق اكثر من يوم في كتاابتها بل واحيانا لا اتعدى الساعه وهذاا ما يحدث احيانا اخطاء لانني لا اراجع جيدا
حقا سعدت بهذه القراءه الواعيه ويبدوا انك قرأت حتي الردود وتعليقك بعدها باني شاعر اسعدني ولكني قلت هذا في ردي الذي قراته لاعبر لاستاذ رضا عثمان حينما قال(اما الشاعريفهم الشاعر والكلمه ويحترم الادب) ان الادب في التعامل عندي اهم من الشعر ذاته واني من الممكن جدا ان اكون لست بشاعر بما انني لم افهم الاتجاه الشعري الذي اعترض عليه ولكني لم اتجنى علي احد بابداء رأيي ولم اتجاوز فالحريه مكفوله طالما كانت في حدود الادب
حقا سعدت بهذا المستوى في القراءه والتعمق في النص وهذا النقد البناء والاعجاب المشجع حقا
دمت بخير ا/عبد الرحمن الشاعر وسعيد حقا بمعرفتك والتواصل معك واتمنى الا ينقطع ان شاء الله هذا التواصل الجميل