أنا عَيَّلْ

موضوع: أنا عَيَّلْ الأربعاء يونيو 22, 2011 8:47 pm

أنا عَيِّلْ ..!

أنا عَيِّلْ ..!
وأبُويا كمان راجل عَيِّل .
وجدِّي ياهوه راجل شايب ،
لكن عَيِّلْ ..!
وعيله عِِِيالْ ،
سحبنا كلامنا ياأهل الله
ومش لاعبين .
وطظ ف خالتي وولادها،
وألفين طظ فيك ياخال .
... هَسِدّْ الدَّينْ .

ومش عاوز معونه تغور .
ولو هعملي صُنَّاره ،
وأصيد سمكايه وأقسمها
غَدَى وسحور .
وهلبس شورت وأتخفِفْ .
مدام مستور .
وهقسم شَقِتِي معانا
ننام بالدور .
ومن دِلوَقتي مش بعدين .

هعيد من تاني وأكتبها
هعيد من تاني وأبنيها
وأخليها ..،
فوق الكُلّْ وأحميها .
هعيد مُخِّي ،
لنوره وكل نيرانه.
هعيد قلبي ،
من المتحف وأحزانه.
ماأنا الولد اللي مش
عارفين .

دار ورا دار ..
طريق بطريق ..
ومستشفى .
وهبني الجامع الكامل
وهبني كنيسه أيه تحفه.
بإيد يامزارع إخضرِّي
وإيد يامصانع إشْتَرِّي
وميت جامعه منار واقفه.
وبالعلم الأصيل هروي
جدور عايشه لكن ناشفه.
وأنا ف سباق مع العالم
وهنشوف اللي يغلب مين ..!

ماأنا عَيِّلْ ،
رجعت ف كل كلماتي ،
معاهداتي ، وخيباتي .
وكل الجاى والآتي ،
دا شُغل عيال .
مدام لو قلنا رجاله
سرقونا ونهبونا
وسجنونا وخلُّونا
وابور خربان ومِتْنَيِّلْ
بستين نيله وقلَيِّلْ .
وياأندال أنا عيِّلْ .
وكل الماضي ف المشمش
ومَتْلُومْشِي ولد أحمُس
ماهو جدِّي
وكان عَيِّلْ ...!

معز الهنداوي
الجنوبي
2011-03-9

الاخ الشاعر

معز الهنداوى

والله نص دمه خفيف . وانت شاعر يعرف

من اين يؤكل الكتف .

وانت كتبت :

وأصيد سمكايه وأقسمها
غَدَى وسحور .

وكتن يجب ان تكتب :

فطار وسحور

لان الغدا لايتفق مع السحور .

هههههههههههههههههههههههههههههه

احسنت وابدعت . ولك مودتى ...

النص للتثبيت بواسطتى

تقديراّ للحرف والشاعر ...

موضوع: رد: أنا عَيَّلْ الخميس يونيو 23, 2011 4:53 pm

عادل عوض سند كتب:: الاخ الشاعر

معز الهنداوى

والله نص دمه خفيف . وانت شاعر يعرف

من اين يؤكل الكتف .

وانت كتبت :

وأصيد سمكايه وأقسمها
غَدَى وسحور .

وكتن يجب ان تكتب :

فطار وسحور

لان الغدا لايتفق مع السحور .

هههههههههههههههههههههههههههههه

احسنت وابدعت . ولك مودتى ...

عادل بيه
أسعد الله ثوانيك

سعيد باستقبالكم الطيب لنصوصي
وزاد من سعادتي ملاحظتكم التي لم تغب
عني وقد قصدت بها استمرار الحاله حيث
فعلا الغدا في الأيام العاديه والسحور
في رمضان وربما كان في هذا الإسقاط شيئا
من الغموض .... كل شكري وامتناني

الله الله يا شاعر والله استمتعت جدا بطريقة سردك وايقاعاك
تحيتي لهذا لنص الرائع

جميله رؤيتك ايها الشاعر

مشروعك الشعري يعجبني بشكل خاص .. تحياتي

موضوع: رد: أنا عَيَّلْ الخميس يوليو 07, 2011 5:14 am

الشاعر الجميل معز الهنداوى تحياتى الخالصة لابداعك الرائع تقبل مرورى