نــدهــولـي عنيـــــــك .. ضياء الين البري

السلام عليكم .. كلام من قلبي

....

نــدهولي عنيـــــك
........

ندهولي عنيك
قالولي اقــْْرب عشان اسمع
وجيت جنبك علي مهلي
لقيت رمشك يلمّح لي
وهمساتك تطمنّي
لقيت قلبي بدأ يخضع
قـُرُبْ منك
ونبضاته تحن إليك
وآهاته تحايل فيك
لقيت قلبك بيتمنّـع
ويتصنـّع
دلاله عليك
واخاف قلبي يتوه مني
وأتغرّب
بلاش قلبك يلوّعني
أخاف منه ليخدعني
أتوه جوّايا حيرانه
ألوم نفسي وأتعذب
أعيش تايهه وندمانه
وقلبي ضعيف
ودقاته
تخاف م الصيف
وتيجي فْ يوم وتمنعني
ونبضاته
تخاصمني
وتهجرني
تطوف الدنيا سكرانه
عيوني تبص ياْسانه
أشوف نفسي بهيئة طيف
ودمعاتي
بتجري خريف
وروحي تنسحب مني
وبتجيلك
تحوم حواليك
وتهملني
ياريت تقدر تطمنّي
يفوت قلبك ويوعدني
ساعتها اقدر أنادي عليك
ونبضاتي هاتوصل ليـك
عشان الخوف يودّعني
وكل الدنيا تفرح لي
وأفرحْ بيك
وتنده لي
أعيش جنبك وملك اْديــك
واقولها كتير وتسمعني
حبيب قلبي ، كفايه عليك

................

الله الله الله

لا لا

انا سكرت بس سكر مشروع مش محرم

ايه الرومانسيه الجميله دي

والكلام المنسق المرتب

محدش يقدر ينكر

اه لاني مش بعرف اجامل

الله ينور يااستاذ ضياء يا فنان

الشاعر الكبير/ضياء الدين البري

كلمات رائعه....محملة برومانسيه جميله....مهما حاولت ان اصفها فلن اوفيك حقك

تقبل مروي ...لك جزيل الشكر

دمت بخير اخي...تقبل تحياتي

اخى الحبيب الشاعر الجميل

ضياء الدين البرى

نص رومانسى وانت فى المرحله الاخيره

ابدعت فى رومانسياتك كما ابدعت فى وطنياتك من قبل .

نص جميل اشكرك عليه .

واشكرك على استضافتك لنا وكرمك فى المنصوره .

كل الشكر والتقدير اخى ضياء ...

ماهر حامد كتب:: الله الله الله

لا لا

انا سكرت بس سكر مشروع مش محرم

ايه الرومانسيه الجميله دي

والكلام المنسق المرتب

محدش يقدر ينكر

اه لاني مش بعرف اجامل

الله ينور يااستاذ ضياء يا فنان

السلام عليكم ... كلام من قلبي
الشاعر الرائع الاستاذ / ماهر حامد
احترامي وتقديري

وكل الشكر ياأخي الفاضل علي مرورك الرائع ،
الذي أضاء صفحتي ،
والتعليق الراقي ،
الذي أضاف لكلماتي ،

أكرر الشكر

وللجميع تحياتي

رضا فايد كتب:: الشاعر الكبير/ضياء الدين البري

كلمات رائعه....محملة برومانسيه جميله....مهما حاولت ان اصفها فلن اوفيك حقك

تقبل مروي ...لك جزيل الشكر

دمت بخير اخي...تقبل تحياتي

السلام عليكم .. كلام من قلبي
الشاعر الرائع الأستاذ / رضا فايد
احترامي وتقديري
وكل الشكر علي هذا المرور الرائع ،
علي كلماتي ، الذي شرفت به ،
وتعليقك الراقي الذي أضاء صفحتي

اكرر الشكر اخي الفاضل
وللجميع تحياتي

..

عادل عوض سند كتب:: اخى الحبيب الشاعر الجميل

ضياء الدين البرى

نص رومانسى وانت فى المرحله الاخيره

ابدعت فى رومانسياتك كما ابدعت فى وطنياتك من قبل .

نص جميل اشكرك عليه .

واشكرك على استضافتك لنا وكرمك فى المنصوره .

كل الشكر والتقدير اخى ضياء ...

السلام عليكم .. كلام من قلبي
أخي افاضل ..الشاعرالقديرالأستاذ/عادل عوض سند
احترامي وتقديري

بداية أو أن أتوجه إلي حضرتك بأسمي آيات الشكر والتقدير علي الاهتمام الدائم بمتابعة كل ما أكتبه ، ودائما أكررها أن هذه المتابعه الرائعه منذ بداياتي الأولي علي المنتدي الرائع بكوكبته الرائعه ،

أمالقائنا بحضرتك والأستاذ عاطف ، فهذا من حسن حظنا ، لأنه بالفعل جاء نتيجة صدفه طيبه ، وقدر طيب قدره رب العالمين ،
والأكيد أننا كنا سعداء جدا بها اللقاء ، وإن كنا نتمني أن يكون عندنا علم مسبق ،
عموما شرف لنا زيارتكم للمنصوره ،
وإن شاء رب العالمين نتمني أن تتكرر اللقاءات
بالمنصوره لنزداد شرفا وسعاده ،
أخي الفاضل
أكرر الشكر لحضرتك
وللجميع تحياتي

والله وبأمانة عاجز عن التعليق امام ابداعك
بسم الله ماشاء الله
نص اكثر من رائع
وابلغ كلمه ممكن اقولها
الله الله الله
تحياتى وودى وتقديرى لك استاذ ضياء

ياسيدي .. إحنا والله اللي كفايه علينا كده

شبعنا .. والحمد لله

من زمان الواحد ماخدش الجرعه الدسمه دي .. ربنا يسامحك

تقبل مروري وكل ماجوع حرجع هنا تاني

الشاعر المبدع الجميل
ضياء الدين البرى
ابداع لا يوصف اخى العزيزة
رومانسي عليه
كلام اعجبنى وسكرنى وامتعنى
بجد الله ينور عليك
دمت مبدعا
اخوك
تيمو

الشاعر الجميل ضياء الدين بري
قصيده رومانسيه جميله احييك عليها
تحياتى وتقديري