قالى يافلاحه .... ماتلزمينيش

قلتله فلاحـــــــــــــــــه
...........
قالى يافلاحه ماتلزمينيش
أنا عاوز ادلع روحى وأعيش
عاوزها بنوته شقيه
والفرق بينك انتى وهيا
هيا البديهات والبنطلونات
وانتى اكيد لابسه الجلابيه
وكمان زمانها بكرانيش
قلتله طيب سيبنى وعيش
ماانت كمان بعد كلامك دا ماتلزمنيش
سابنى وراح وتعالوا نشوف
خلّته عايش عمره فى خوف
وبقت هيا الآمر الناهى
ماهو اصل صنفه اكيد معروف
كل كلامه بقى طيب حاضر
وان قال لأ تعمله محاضر
يعنى عليه سمع و100 طاعه
نرجع بقى ونقول ياجماعه
وانا يوم ماشيه على الزراعيه
لابسه الفستان زى قيثاره
والكعب العالى ونضاره
سمعت واحد بيقول ايه..
الحلو ده فى بلدنا خساره
اتاريه هو وحاله ما يسُر
بعد ماخد ست الستات
داق الحلو فى كاس شربات
وبعد كده عايش فى المر
بص وشافنى وقال هو انتى
وربى اشتقنالك ياحبيبتى
دا انتى بقيتى همزة وصل
بين الشياكه وبين الأصل
وانا من غيرك صعب أعيش
قلتله لأ صدقنى ياباشا
صنفك عمره مايعجبنيش
أصل انا رغم شياكتى وشكلى
وطريقتى فى لبسى أو أكلى
لسه بقى وبكل صراحه
البنت اللى تلف الدنيا
ماتنساش يوم انها فلاحه

والانسان لابد وان يعود الى جذوره

الاستاذه الشاعره

الاميره

نص اجتماعى وموضوع ربما انتشر فى الآونه الاخيره

البحث عن الفتاه المودرن . رغم معرفتنا جيداّ لأن المظهر

قد يغش وقد يعلن عكس ما يُخفى .

قصيده احييكى عليها وننتظر منك الاجمل .

تحياتى وخالص تقديرى ...

الله على الاصاله
والمجدعة
والكلمات النابعة
من الارض الخصبة
والمعجونه بطمى النيل
يا اميرة الاميرات
(لولا ألفلاح)

ياقلوب ساهيين
عاملين ناسيـين
مش عايزين حدّ يفكركم

هاتوا التحكيم
أبوقلب رحيم
علشان يفصل بينى وبينكم

وانا قلبى حديد
وحاقول وأعيد
والمولى شهيد على نيّـتكم

دانا المدبوح
وف قلبى جروح
ولابدّ أبوح على عمايلكم

لولاألفلاح –
ماكان ألتفاح
ولا كان الخير يملى بيوتكم

فى ايديه الفاس-
لولاها ياناس
ماتلاقوا الدنيا ف دنيتكم

شاف منكو زمان-
أشكال وألوان
وسامحكو وسامح غلطاتكم

وما كانش بخيل –
على ارض النيل
طول عمره بيتعب لراحتكم

طول ليله سهران-
ونهاره عرقان
بشـقاه بيكــمّل فرحــتكم

ياما بات مهموم –
وماضاقش النوم
علـــشان بيوفر لقمـتكم

وقضيتوا عليه-
ماسألكم ليه؟
وداريتوا عنيه عن أفعالكم

عند ألأسعار-
عاملين له حصار
وبأىّ قرار بيســلمكـــم

ولا فى المحصول –
من حقّه يقول
ولا كلمة تكسّر أوامركم

ولا فى التطهير-
ولا فى التطوير
من حقه يراجع فواتيركم

وجنابكو يقول-
يدفع على طول
لو حتىّ ح يشحت على بابكم

تبيعوله مبيد-
ثروتكوا تزيد
وما حدّش يقدر يحاسبكم

مش هوّ زمان
كان الانسان
اللىّ بيتعب على ثروتكم

وخد كلّ ماعاز
م الثورة وفاز
كان عضو مشرّف أمّتكم

مفروض يرتاح-
وحياته براح
وكرامته تزيد عن كرامتكم
تحياتى
وتقديرى

هههههههههههههههههه
كنتي سيبيه يمسك ايدك يافوزيه
يعني كانت هتخس ياختي
ولاهياخد منها حته
انتم كدا يابنات حوا
هههههههههههههههههههه
يعني لو لبستيله البادي من الاول والجينز كان هيحصل ايه يعني
والفستان والنضاره
يابوي عليكوا
ههههههههههههه
تحياتي للاصل والاصاله

قصيده جميله وقصه رائعه
صورتيها بدقه متناهيه
تحياتى لروعتك Very Happy

عادل عوض سند كتب:: والانسان لابد وان يعود الى جذوره

الاستاذه الشاعره

الاميره

نص اجتماعى وموضوع ربما انتشر فى الآونه الاخيره

البحث عن الفتاه المودرن . رغم معرفتنا جيداّ لأن المظهر

قد يغش وقد يعلن عكس ما يُخفى .

قصيده احييكى عليها وننتظر منك الاجمل .

تحياتى وخالص تقديرى ...

أشكرك أستاذى
فدائما سبّاق
وتعليقك فى ذهنى باق
فجزيل الشكر لقلمك النشيط

الجوهر اهم من المظهر

تحياتى [i]

الشاعرة الجميلة
اميرة
الله عليكى وعلى جمال موضوعك احييكى عليها
لكن اتمنى انا اشوف منك الاجمل ولاحلى وكيد اانشاء الله قريب تحياتى ليكى
تيمو

ههههههههههه قصيده جميله جدا بجد يا اميره دمها خفيف وفي نفس الوقت موضوع مهم وما اجمل التمسك بالجذور والبعد عن التمثيل والنفاق الظاهري
احييكي علي جمال كلماتك

سعد الشرقاوى كتب:: الله على الاصاله
والمجدعة
والكلمات النابعة
من الارض الخصبة
والمعجونه بطمى النيل
يا اميرة الاميرات
(لولا ألفلاح)

ياقلوب ساهيين
عاملين ناسيـين
مش عايزين حدّ يفكركم

هاتوا التحكيم
أبوقلب رحيم
علشان يفصل بينى وبينكم

وانا قلبى حديد
وحاقول وأعيد
والمولى شهيد على نيّـتكم

دانا المدبوح
وف قلبى جروح
ولابدّ أبوح على عمايلكم

لولاألفلاح –
ماكان ألتفاح
ولا كان الخير يملى بيوتكم

فى ايديه الفاس-
لولاها ياناس
ماتلاقوا الدنيا ف دنيتكم

شاف منكو زمان-
أشكال وألوان
وسامحكو وسامح غلطاتكم

وما كانش بخيل –
على ارض النيل
طول عمره بيتعب لراحتكم

طول ليله سهران-
ونهاره عرقان
بشـقاه بيكــمّل فرحــتكم

ياما بات مهموم –
وماضاقش النوم
علـــشان بيوفر لقمـتكم

وقضيتوا عليه-
ماسألكم ليه؟
وداريتوا عنيه عن أفعالكم

عند ألأسعار-
عاملين له حصار
وبأىّ قرار بيســلمكـــم

ولا فى المحصول –
من حقّه يقول
ولا كلمة تكسّر أوامركم

ولا فى التطهير-
ولا فى التطوير
من حقه يراجع فواتيركم

وجنابكو يقول-
يدفع على طول
لو حتىّ ح يشحت على بابكم

تبيعوله مبيد-
ثروتكوا تزيد
وما حدّش يقدر يحاسبكم

مش هوّ زمان
كان الانسان
اللىّ بيتعب على ثروتكم

وخد كلّ ماعاز
م الثورة وفاز
كان عضو مشرّف أمّتكم

مفروض يرتاح-
وحياته براح
وكرامته تزيد عن كرامتكم
تحياتى
وتقديرى

ايه القصيده الجميله دى ياأستاذى
بجد تسلم ايدك
ومنكم نتعلم
أعزك الله

طاهر الصوفاني كتب:: هههههههههههههههههه
كنتي سيبيه يمسك ايدك يافوزيه
يعني كانت هتخس ياختي
ولاهياخد منها حته
انتم كدا يابنات حوا
هههههههههههههههههههه
يعني لو لبستيله البادي من الاول والجينز كان هيحصل ايه يعني
والفستان والنضاره
يابوي عليكوا
ههههههههههههه
تحياتي للاصل والاصاله

اممممممممممم
بينك وبينك كويس انها مالبستش كده
لأن الشخص اللى بيهتم بالمظاهر كده ممكن يسيبها مع اول واحده يشوفها لابسه حاجه احسن بالنسباله
يبقى مع السلامه
اشترت نفسها
اسعدنى مرورك جدا

رضا عثمان كتب:: قصيده جميله وقصه رائعه
صورتيها بدقه متناهيه
تحياتى لروعتك

أشكر مساهمتك وردك المميز
بارك الله فيك

حماده ابوطالب كتب:: الجوهر اهم من المظهر

تحياتى [i]

طبعا طبعا
الجوهر أهم
أسعدتنى مشاركتك جدا

تيمو كتب:: الشاعرة الجميلة
اميرة
الله عليكى وعلى جمال موضوعك احييكى عليها
لكن اتمنى انا اشوف منك الاجمل ولاحلى وكيد اانشاء الله قريب تحياتى ليكى
تيمو

ان شاء الله احاول اكتب احسن
أشكرك جدا على المرور الراقى

الاستاذه اميره
فكرة النص رائعه وهى ان الاصيل اصيل والشكل مش اهم من الجوهر
اختيارك لتوصيل افكره عن طريق الشعر المحكى اختيار موفق
وحبكة الحكايه جيده جدا
جميل عنصر المفاجأه فى الكعب العالى والنظاره على لزراعيه والراجل البصباص اللى بيعميه الشكل عن التعرف على رفيقة العمر
تحياتى

أميره بلا وطن

أصل انا رغم شياكتى وشكلى
وطريقتى فى لبسى أو أكلى
لسه بقى وبكل صراحه
البنت اللى تلف الدنيا
ماتنساش يوم انها فلاحه

ونعم الحروف يابنت النيل

أحمد عبد الرازق كتب:: ههههههههههه قصيده جميله جدا بجد يا اميره دمها خفيف وفي نفس الوقت موضوع مهم وما اجمل التمسك بالجذور والبعد عن التمثيل والنفاق الظاهري
احييكي علي جمال كلماتك

أشكرك جدا على مرورك الكريم
وإعجابك يزيدنى فخرا
دمت بخير

رافت المصرى كتب:: الاستاذه اميره
فكرة النص رائعه وهى ان الاصيل اصيل والشكل مش اهم من الجوهر
اختيارك لتوصيل افكره عن طريق الشعر المحكى اختيار موفق
وحبكة الحكايه جيده جدا
جميل عنصر المفاجأه فى الكعب العالى والنظاره على لزراعيه والراجل البصباص اللى بيعميه الشكل عن التعرف على رفيقة العمر
تحياتى

أشكرك استاذى على هذا التعليق القيم
بارك الله فيك

نص جميل جدا فى مضمونه ومعناه
بس الجمله دى بقى فعلا عجبتنى
د انتى بقيتى همزة وصل
بين الشياكة وبين الاصل
دمتى اميرة بكل خير
Very Happy

الجنوبي كتب:: أميره بلا وطن

أصل انا رغم شياكتى وشكلى
وطريقتى فى لبسى أو أكلى
لسه بقى وبكل صراحه
البنت اللى تلف الدنيا
ماتنساش يوم انها فلاحه

ونعم الحروف يابنت النيل

أشكرك سيدى الفاضل
حضورك أبهجنى
بارك الله فيك

أرجو ألا أكون ثقيل الظل

بصراحة يا إخوانا جميعا لوأن المنتدى في تعليقاته سيكون كله هكذا فلن يستفيد أحد
من الضروري جدا عند التعليق أن أبدي رأيي في العمل بشكل اكاديمي من حيث مكوناته التي تؤهله أن يكون عملا أدبيا أم لا
يا أخت أميرة
بصراحة أنا لا أجد رأيا ينفعك في كل الآراء إلا النذر اليسير جدا

فأنا أحتاج لكي أتقدم إلى من يوجه خطواتي
أين سقط مني الوزن
متى جاءت الصورة باهتة
متى كانت الجملة مخالفة للعاطفة التي أتحدث عنها
أي الألفاظ في محلها وأيها زائد
وليس مطلوبا من كل فرد أن يتناول كل هذه الجوانب
بل يتناول ولو لفظا واحدا أو صورة واحدة حتى يتحقق النفع للمبدع
هذا ما أرى
ولكل ما يراه
أشكرك أخت أميرة
وأنتظر تعليقك على ما أقول سواء أكان بالموافقة أم بالرفض
فهذا أمر لك وحدك ولك مطلق الحرية في تقبله من عدمه
أسف إذا كنت أثقلت عليك أو تجاوزت حدودي
ما خالص تحياتي

الشاعر محمود قطب كتب:: نص جميل جدا فى مضمونه ومعناه
بس الجمله دى بقى فعلا عجبتنى
د انتى بقيتى همزة وصل
بين الشياكة وبين الاصل
دمتى اميرة بكل خير

أشكرك كثيرا على هذا التعليق
واتمنى دوام التواصل
أعزك الله