خلويص

خلاص مفيش مماليك ومعاهم السلطان

الكل جوه السجن بيشربوا الحسره من قبضه السجان

القلعه فين والملُك

ومواكب النخبه

وفتوة الكهان

حدوته دى ام حلم

ام نكته جوه الفليم

ام كاريكانير ساخر

ممضى من فنان

ام صبح عفوى وطل

خلى الحياه بمبى

والغنوه باللالوان

..................................

انا اللى ساكن ف شقه اخر دور

باعانى نقص الميه

لكنى مش عطشان

مفيش ف لمضى نور

لكن فى قلبى هدف

وف خطوتى عنوان

بصيت كتير ع القمر

بصه قتيل لقتيل

ولعبت ياما معاه

لكن ولا قولت له ولاهو مره قال

ايه اخر الموال

بصيت كتير على مصر

ماكانتش باين لى

مع انها فى كل شئ

تبان وتوضح قوى

ساعات ياخدها الزحام

لكن بترجع قوام

تبص مش ناحيتى

على صبح راح يجى

واما تزيد اليفط

ماالقاش فى صوتى كلام

يخنقنى حزنى العفى

وانهج وانا طالع

واقلع هدوم السفر

والبس هدوم الحلم

لكن النهارده

بالمح ف عين الخلق وف عين الجريده

كلام كبير

اشاعر الرائع صادق امين اسجل اعجابى الشديد بابداعك الرائع تقبل مرورى

شكرا للعمل الرائع

نص امليح بزاف ... ولك من الجزائرية ابتسام حرير كل التحية والاعجاب بالنص شكلا ومضمونا .. دمت متألقا شاعرنا الرائع ..