قصيدة عكازى فى العوزه

ليه وسط الفرح الحزن يفرد جناحه

..وليه كل اما اغنيلك يامصر

كلب من الكلاب يطلق نباحه

اللى رافع دينه شعار

واللى بطنه مليانه حرام

واللى سيده هو قرشه

وانت عنده تساوى كام

واللى خاين واللى مال

واللى حاله الف حال

واللى قاعد ع الكراسى

..صنعته السياسه والكلام

الكل باعك ياصبيه وانا لم ابيع.

.دنا لو يغيب عنى هواك حتما اضيع

شايل همومك كأنى جبل

..لا عمرى شكيت ولا راح منى الأمل

حافظ تملى غناكى.

وصليبى ع الكتف مستنى الخلاص

وعنييه مشدوده لجوامعك .

.صوت الأدان نبراس

والنيل نبض لوريدى

لحببتى ضحكته بريدى

يكفى اشكيلى همومى

يزغزغنى موجه ويبقى عيدى

واطوف ف الحوارى

وعند الحسين يحلى المقام

ارتل ف وردى

يتجمع العشاق والأوليا

أم العواجز تحنينى

والبدوى ويا القناوى يغنيلى

وستنا مارجرجس تمسحنى بالزيت وبالتناول تعشينى

اسكر ف حضرتهم بلا كاس

اتوه فىً منى أصبح أنا أنا والناس

فكيف يامصر ابيعك وابقى يهوذا

.. وانت الدوا وعكازى فى العوزه

والله لغنيلك مهما الحزن فرد جناحه

وادوس على أى كلب من الكلاب يطلق نباحه ؟