ارحمونا من الجنان

هي ايه اصل الحكايه
من البدايه للنهايه
هي كانت ثوره قايمه
ونورها ساطع في الميدان
ولا كان الشعب نازل
نفسه يعمل مهرجان
حد يااخواني يقولي
ويرحم عقلي من الجنان
اصلي شايف إيد خفيه
وفكر واحد أُلعُوبان
عايز الثوره ضحيه
ونفسه يقلب الميزان
كل يوم بنشوف قضيه
وحكم فيها ملوش امان
ولا شغل البلطجيه
اللي نازل كالطوفان
عايزه تعمل مسرحيه
ان مفيش خلاص امان
ولا مظاهره فئويه
يوم في يوم بتزيد كمان
هو ايه اصل القضيه
هي ناقصه توهان
خلوا بالكم ياناس شويه
وافهموا وبلاش جنان
مش عايزنها تبقي فوضي
وينقلب نصر الميدان
واحسبوها بالعقول
واوقفوا دق الطبول
طول مافيها ياناس فلول
مش هتحسوا بالامان
مصر عايزه ايد عفيه
وتفهم معني المسؤليه
خلوا بالكم من الهديه
لترجعوا لنفس المكان


تحياتي

الاخ الحبيب الشاعر

رضا فايد

رساله الى كل مصرى ولابد ان تصل اليه .

فالايدى الخفيه تلعب تلك الايام فى الخفاء لتدمر

مكاسبنا والتى حققناها فى ثورة يناير .

بدليل اننا كل يوم نكتشف مخطط جديد لاثارة الفوضى

وتعميمها حتى نتندم على العصر البائد .

قصيده واعيه اخى رضا وانت كتبتها من دافع خوفك

على ضياع ما جنيناه من مكاسب من خلال الثوره .

تحيتى ومودتى ...