رد (أنا جايلك يافلسطين)

دى حكاية بنت
بنت فلسطينية
اسمهااورينت
راحت جنب سور
سلكه كان شايك
لمحت راجل بيدور
ندهت عليه يازلمة
قرب الراجل بسرور
وقال نعم ياسلمة
قالت له انت عربى
بلدك سليمان الحلبى
قال انا مصرى
ضحكت سلمة بدموع
قلبها كان موجوع
مدت ايدها لصدرها
طلعت منها قلبها
فتحته وقالت شوف
تعرف حبيبى الموصوف
بحبه ومعايا الوف
شوف شوف مد الكفوف
بتشوفه يامصرى
إن قابلته سلم عليه
وقوله سايب عيالك ليه
انتى وعدتنا إنك جى
بنحلم وحلمنا حى
ف ليله انتى الضى
ليه تغيب ياحبيب
فلسطين بقت تل ابيب
وانا بحلم ببكره الجى
أمانة يامصرى أمانة
تقوله تعبنا م الخيانة
بقينا شعب الخيامة
مطرح مانمشى نحط الرحال
كان قلب سلمة صورة جمال
قالتله يامصرى قوله
هما العرب فيهم كام جمال
مستنياك ياأبو الرجال
مستنياك بألف الف حال