.. سؤال بيدور ع الاجابة الصح ..

العزيز طاهر الصوفانى
اولا فعلا انا مش فاكر نفاصيل الموقف اللى حضرتك بتتكلم عنه لكن انا اللى فاكره ان رد حضرتك كان يحمل شيئ من السخرية على عمل فانتازى فى ظاهره لكنه رأيه يحمل قيمه
ثانيا : انا اللى المفروض ازعل من قصيدك حبه عيال لكنى مازعلتش لأن دة التحضر ... اننا نرد على الافكار بالافكار مش بالهجوم على الاشخاص ( و او ان قصيدتك حملت هجوم شخصى )
ثالثا : من الصورة كدة انا شايفك مش كبير اوى
أخيرا : اشكرك على اعجابك بشغلى المتواضع جدا و دايما بقول انى لسة ماشى جنب حيطة حارة الشعرا ..... من برة

اه .... بالنسبة لزعل حضرتك على جيلنا اعتقد انك دلوقتى فخوز بينا ..... لأننا بلا افتخار بعد ماكنتو فاكرينا جيل هايف و " القدس و الجولان هايحرروها بالعيال ..." الحمد لله حررنا تونس .... و مصر و قريبا جدا جدا اليمن و ليبيا ....و ....و .....و ....و

أمير إبراهيم كتب:

nt=Arial]



اللى قضى العمر يبحث عن حقيقة


كانت نتيجة رحلته


عمره انتهى


ـــــــــ


ماتدمعيش يا ضحكة شاردة


من سجون التنهيدات


و ماتسأليش يا شمس بكرة



ايه اللى فاضل من حياتنا


غير شوية ذكريات


بس إسألى ...


يا كل كلمة بتتكتب


مليون سنة


ليه الف كلمة بتتنسى


و كلمة بتصحى .... حاجات


ـــــــــــــــــــــــــــــــــــ


الحقيقة ....ـ


يا سبع حروف


بيوجعونى من زمان


امتى اللقا ..؟؟


الزيف بينضح من لسان


كل اللى عاملين اتقيا


و الحب مليان بالوجع


.. الضحك مش طيب اوى


ما الشر برضه بيبتسم


حتى النهار


بيجيله لحظة و يهزمه


ليل الكسوف


مكسوفة يا شمس الحقيقة تنورى


و ازاى نشوف ....؟؟؟؟؟؟


ــــــــــــــ


ملايين حاجات متلخبطة


جوايا يا كونى الصغير


ليه المطر


بيطفى نار البردانين


و يسيب شقوق الارض


هاتموت م العطش ؟؟


طب مين اخف فى محنته


اللى شايف من عينيه


بس قلبه مستخبى


من ضميره فى حته ضلمه


جوة منه ...


ولا اللى شايف ضلمته


بس شايف كل حاجة


جوة روحه منورة و بتبسم


..سؤال كمان


يعنى ماينفعش اللى شايف من عينيه


يقدر كمان قلبه يشوف؟؟


طب يعنى لازم كل لحظة حب صادقة


تنتهى دايما
بخوف ..؟؟


طب يعنى قلبى لو يحبك


باختيار


مش برضه عيب


لو يبقى واحد من صفوف ؟؟


ــــــــــــــ


مليون سؤال


و ميت مليون من الاجابات


و انت اللى تختار الطريق


من غير وجود


فرصه لإعادة الامتحان


ــــــــــــــ


اخر كلام ......ـ


سور الحقيقة مستحيل تتسلقة


غير لو يكون


عقلك بينوى الانتحار

[/center]

__________________________________
الاستاذ الشاعر القديرأمير ابراهيم
لاأعرف من اين أبداء ولكننى حقيقة
كلما تناولت شطره لأتحدث عنها فجأتنى
التى بعدها بقوة ووجدتنى لم أكتب شىء
عن قصيده تحتاج الى دراسه مستفيضه
والى الان لاأعرف ماذا أقول سوى الله
الله الله ادام الله عليك حسن البيان
صلاح الكومى[font=Arial Black][/font]

الشاعر المبدع / امير ابراهيم
تحياتي لك
وشكرا لإمتاعنا بهذه القصيده الجميله
احييك عليها بشده
دمت بود

الشاعر المتألق والأخ الفاضل أمير إبراهيم

أستهلال جميل يبعث على التساؤل ثم ماتدمعيش يا ضحكة شاردة من سجون النتهيدات صور موفقة جداً مع بعضها فى شاردة وسجون فأرى دخول دخول عميق ف النفس البشرية ومتسأليش إيه اللى فاضل غير شوية ذكريات بس إسألى ..ـ

يا كل كلم...ة بتتكتب

مليون سنة

ليه الف كلمة بتتنسى

و كلمة بتصحى .... حاجات جزئية أكثر من رائهة فى نهايتها معنى شديد العمق يدل على شدة الوعى بالذات الداخليه الحقيقة ....ـ

يا سبع حروف

بيوجعونى من زمان

امتى اللقا ..؟؟ رمزية أحيييك عليها بشده فى عمق المدلول

الضحك مش طيب اوى ..

ما الشر برضه بيبتسم

حتى النهار
...
بيجيله لحظة و يهزمه

ليل الكسوف

مكسوفة يا شمس الحقيقة تنورى

و ازاى نشوف ....؟؟؟؟؟ برافو بجدهذة الجزئية بمفردها بانورما جميلة جدا والتناقض مابين الضحك مش طيب قوى مالشر برضه بيبتسم تحفة والنهاية فى مكسوفة يا شمش الحقيقة تنورى وازاى نشوف الله إيه الجمال دا هنا أسلوب أحترافى لشاعر تمكن من الغوص فى جماليات الصورة لأخراج جماليات خاصة برؤيته هو برافو

ملايين حاجات متلخبطة

جوايا يا كونى الصغير

ليه المطر
...
بيطفى نار البردانين

و يسيب شقوق الارض

هاتموت م العطش ؟؟ صورة ررائعة بجد وأحترافيه طب مين اخف فى محنته

اللى شايف من عينيه

بس قلبه مستخبى

من ضميره فى حته ضلمه

جوة منه ...

ولا اللى شايف ضلمته

بس شايف كل حاجة

جوة روحه منورة و بتبسم صورة تحسب ليك بالفعل ومن بعدها بدأت بعملة نقلة فى كلمة سؤال يبعث على شغف التلقى مرة أخرى للقراءة بشكل غير عادى يعنى ماينفعش اللى شايف من عينيه

يقدر كمان قلبه يشوف؟؟

طب يعنى لازم كل لحظة حب صادقة
ــــــــــــــ

تنتهى دايما بخوف ..؟؟

طب يعنى قلبى لو يحبك

باختياره

مش برضه عيب

لو يبقى واحد من صفوف ؟؟ نهاية هذا المقطع تحمل شدة العمق أحيك عليه ــــــــــــــ

مليون سؤال

و ميت مليون من الاجابات

و انت اللى تختار الطريق

من غير وجود

فرصه لإعادة الامتحان

ــــــــــــــ

اخر كلام ......ـ

سور الحقيقة مستحيل تتسلقه

غير لو تكون

عقلك بينوى الانتحار والله القصيدة كلها لارائعة وقوية وعمق فى البساطة مع جدليه الذات لدرجة أنى من روعة القصيدة كنت أتمنى ألا تنتهى فأحياناً كثيرة يكتب الشاعر منا قصيدة وتكون بكل قصائد عمره من أجمل ما قرأت لك يا أستاذ أمير

تحياتى لروعة إبداعك

جميلة جداً

وعميقة جداً

وتحتمل أن يكون لها أكثر من قراءة

اشكركم جميعا على رأيكم فى شخبطة واحد بيحاول يبقى شاعر .....

الشكر لكم جميعا ايها الاعزاء ... و اعذروا مفاجأتى انى لم ارد عليكم حتى الان فهذا رد و شكر متأخر جدااااااااااااااااااااااااااااااااااااااااااااااااا

الراقي/أمير ابراهيم
كأني اري ضياء من بعده ضياء ومن قبله ضياء
قصيده تستحق الدراسه لا الثناء
فتحياتي لك ولقلمك الوضاء
وكل عام وانت بخير

الاستاذ محمود جمعة
الاستاذ فارس القرشى

الشكر لكما على تقديركما الجميل و كلماتكما العذبة فى وصف عملى المتواضع
شكرا جزيلا

أمير الرائع
هناك إبداع جميل
أهنئك عليه
دمت متميزا
أخوك

اشكرك استاذ عاطف الجندى ... اشكر مودتك و مجاملتك لعملى المتواضع