تسوى إيــــــــــــــــــــه ؟؟؟؟

تسوى إيه ؟بعد ما كنت المتوج
بالإماره والرياسه والسياده
يطردك شعبك يذلك تبقى رمز
للفساد والظلم والعند الزياده ؟
تسوى إيه؟ لما شعبك يكتشف
إنك حرامى بعد ما ادالك أمانه
ووكلك ترعى مصالحه وعن حقوقه
تكون محامى ؟؟
تسوى إيه ؟ لما تنهب ثروة الشعب
لجنابك ولمراتك ولولادك؟
تفتكر ممكن تلاقى أى راحه
ولا طعم ف يوم لزادك ؟
تسوى إيه ؟بعد حربك بعد سلمك
لما جينا ف يوم ندوّر نكتشف
إن التاريخ اللى انت قلته
عن جنابك كان مزور؟!!!
تسوى إيه ؟ لما تدى ثروتنا
بنداله للصهاينه
واحنا مش لاقيين بنشحت ؟؟
والفروق دى ياخدها إبنك
المدلل والحكايه بعد طردك
تبقى باينه؟!!!!!
تسوى إيه ؟ لماتخرب يوم
بلدنا واقتصادنا!!
أو تسكت ألف مدنه واجتهادنا
ف السجون ملايين بتدعى
ع اللى خرب واللى دمر واللى
عذب يوم ولادنا !!!!
تسوى إيه ؟ لما تبقى بعيد
وعايش زى ميت ؟
شعب كامل يكرهك يكره يشوفك
نفسه بره تقوم تبيت ؟؟
تسوى إيه ؟ كلمه سهله
بسيطه جدا فى سؤال..تسوى إيه
بسألك ممكن تجاوب يوم عليه؟؟

طلعت سالم

استاذ عادل شكرا جزيلا على كلماتك الرقيقه
ومتابعتك الدقيقه لكل ما أكتب تقبل مودتى
وخالص تحياتى ............. طلعت سالم

أستاذ طلعت
تسوى ذله و طرده و اهانته و الله يستحق
لأنه أفترى على الشعب الغلبان ده

أستاذه : إيمان شكرا على تعليقك وتحياتى
الرقيقه لك ولمرورك