لِيْهْ طِيْرِكْ

لِيْهْ طِيْرِكْ
/
/
/
يا مصر يا غالية ليه طيرك * بيبني اِعْشَاشُهُ في الغُربة
وليه خيرك بإيد غيرك * وعيشُه يدوب في كام حَبَّة
أسير العشق وأسيرك* بقت أيامه لِيه صعبة؟!
وكان داهن تروس سيرك * بعرَق الصدق بِمَحَبَّة
*****
وهَشُّو الحقد من غصنك*قتل فرخُه وطال جرحُه
وكانْ راضي دفا حُضنِك *ولُونِ الفلِّ كان طَرحُه
بطول مسافات بِيِوْصَلِك * لِطيف وشِّك وبيصارحه
بهية انتِ وِ يشتاقلِك * ياسينْ ورضاكِ ليه فَرْحُه
*****
ويتمنَّى يغنيلك * يِزَقْزقلِك مَوَاويلِك
يشيل همِّك بغنِّيوْتُه *و يِشعل نور قناديلك
وكان بيعةْ عميل وجبان*بِغُلْبُه جَايِّ يشكيلك
لقى الظالم نَاصِبْ شبَكُه * وِقِعْ وِ لسَانُه بِدْعيلِك
*****
ومات والقلبِ يِتْمَنَّى * بِصُبْحَ اوْطَانُه يِتْحَنَّى
وِ يِشْغِلْ مِ الوَريد فُستَان * وٍ يِعْجِنْ دَمُّو فِالْحِنَّة
يجيب الضيِّ بعد الليل *دَا لَجْلَ اَجْيالْنا تِتْهنى
وِحُرِّيَة وَهَبْهَا اللهْ * عَلَى رَاسِك تاجِ الجَنَّة
*****
يَا مصْرِ يا دُرَّة يا بلَدنَا * ميلادْ أُمَّتْنا فِ جْهادنَا
كِفَايَة النُّوم يَاخُدْنَا حَرَامْ * نِفُوقْ هانعيدْهَا أَمْجادنَا
لَا دِين وَ لَا شَرْعِ قَالو نَّامْ * ومُتنا لمَّا يُوم حِدنَا
دِي عِزِّتْنَا حَوافْرِ الخِيلْ * سُؤالْ وِيْجَاوْبُه أَجْدَادْنَا


/
سأعود للرد بكل جميل على كل اصيل
ودمتم مبدعين احرار

الاستاذ الشاعر الكبير

الطنطاوى الحسينى

كعادتك تتحفنا بنصوصك الرائعه .

نص لا اجاملك لو قلت اكثر من رائع .

فانت تكتب من زاويه خاصه بك وتصور بكلماتك

اجمل الصور .

واسمح لى ..

انت كتبت قصيدتك من بحر الهزج .

واستهليت قصيدتك .. { يامصر ياغاليه }

وهنا انتقلت الى بحر الموال فى تلك الجمله فقط

فليتك كنت قلت .. { يامصر قولى ليه طيرك }

وهنا يستقيم الوزن .

واظن تقصد بكلمة { دمو } دمه ..

ملاحظه تقبلها من اخ لك يغير على كمال نصوصك

تقبل مرورى وارجو الا اكون ضيف ثقيل .

مودتى وخالص تقديرى ..