من أغانى الثورة

من أغانى الثورة
---------------

ضُمّينى لمّا تزلزلى وجدانى ... محتاج احّس بضمّتك من تانى
وحياة قساوة غُربتك مشتاق لك ... وحياة حلاوة رَجعتك واحشانى
-------------------------------------
أيام عصيبة وجولة بعد الجولة ... ماانت الحبيبة ولو بِأَلف محاولة
ولا كان فى بالى انّى أقابلك لكنْ ... مين اللى يمنع لو يريد المولى
بَفْخر بدمّى اللى انتشى من دمّك ... واستقبل الغدر اللى قاصد قلبك
طلْقات عدوّك تبقى طَلْق ف حَملك ...فَ يهلّ نصرك ع الميدان بأغانى
وحياة قساوة غربتك مشتاق لك ... وحياة حلاوة رجعتك واحشانى
-------------------------------------
سامحينى عن صمت السنين سامحينى ...سَدّوا مابين حَلقى وبين تكوينى
بَعدوكى عنّى فِكْرهم أنساكى ... بَعدونى عنّك فِكْرهم تنسينى
مسحوا ابتسامك من غنايا الباكى ... وعشان بحبك عَصّبوا شباكى
قطعوا اتصال المُشتَكى بالشاكى...فَ كسرت سجنى وانكسر سجانى
وحياة قساوة غربتك مشتاق لك ... وحياة حلاوة رجعتك واحشانى
-------------------------------------
يدّك فى يدّى نحتمى بالثورة ... ضدّك وضدّى ألف الف مؤامرة
واحد عدوك وانت تحته أسيرة ... مليون عدوك وانت فوقهم حُرّة
قومى لعَملك كلنا خُدّامك ... إعلى بعِلمك كلهم أقزامك
ثورى لمجدك وادهسى أُدامك ... كل اللى كان فى معبدك عَلمانى
وحياة قساوة غربتك مشتاق لك ... وحياة حلاوة رجعتك واحشانى

مسحوا ابتسامك من غنايا الباكى ... وعشان بحبك عَصّبوا شباكى
قطعوا اتصال المُشتَكى بالشاكى...فَ كسرت سجنى وانكسر سجانى
الله الله الله ياشاعرنا الكبير
الله ع الصور الرائعة والمفردات اليانعة والموسيقى القوية التى لم تجعلنى اقرأ فقط ولكن كنت اغنّى ايضاً ...دمت مبدعا رائعاَ شاعرنا الكبير سعد سليم

الشاعر الرائع الراقى سعد سليم

أسمح لى اولا بتثبيت رائعتك

ثم أعود لجمال حرفك

دمت بحب

الله عليك زجال رائع بحق

الاستاذ الشاعر الكبير

سعد سليم

مصر فى قلبنا مهما ابعدوها . ونحن فى قلبها

مهما غيّروها . جمال قصيدتك استزنى والله لروعة

الموضوع فى حب مصر . وانت كتبت :

ضُمّينى لمّا تزلزلى وجدانى ... محتاج احّس بضمّتك من تانى
وحياة قساوة غُربتك مشتاق لك ... وحياة حلاوة رَجعتك واحشانى
الضمه بعد الغيبه اكيد لها شعور غير عادى .

وانت بينت هذا فى هذان البيتان . ثم قلت :

سامحينى عن صمت السنين سامحينى ...سَدّوا مابين حَلقى وبين تكوينى
بَعدوكى عنّى فِكْرهم أنساكى ... بَعدونى عنّك فِكْرهم تنسينى
وهذا ماقلته لك فى اول تعليقى .

زجليتك اكثر من رائعه استاذ سعد .

نص يُدرّس لما به من حب ووطنيه واحساس صعب

تزييفه . احييك على روعتك المعهوده .

وتقبل منى خالص مودتى وتقديرى ...

أيام عصيبة وجولة بعد الجولة ... ماانت الحبيبة ولو بِأَلف محاولة
ولا كان فى بالى انّى أقابلك لكنْ ... مين اللى يمنع لو يريد المولى
بَفْخر بدمّى اللى انتشى من دمّك ... واستقبل الغدر اللى قاصد قلبك
طلْقات عدوّك تبقى طَلْق ف حَملك ...فَ يهلّ نصرك ع الميدان بأغانى
وحياة قساوة غربتك مشتاق لك ... وحياة حلاوة رجعتك واحشانى

مقطع جميل من قصيدة رائعة
أستاذ سعد

أستاذنا الشاعر المبدع : عادل صابر
وضعت يدك يا أخى بشاعريتك على أحد المشاهد الدامية بالنص
شكرا لإحساسك الجميل
تقبل تحياتى

الشاعرة الرقيقة الأستاذة عزة الزرقانى
كل التقدير لمرورك الكريم و متابعاتك الدؤوبة
خالص تحياتى لشخصك العزيز

أستاذنا الشاعر القدير : عادل عوض
كل الأمتنان على غوصك داخل النص وتحليلك الفنى البديع
وأشكر لك كل هذا الكلام الكبيروالذى صدر عن شاعر كبير
وأعتز على الأقل بأنك لمست صدق الحالة التى عشناها جميعا
شكرا لك مجددا اخى الكريم

الأستاذة الشاعرة : بنت النيل
جزاك الله خيرا على مشاركتك ومرورك
تقبلى تحياتى

أستاذى الشاعر الكبير سعد سليم

الله الله الله

والله العظيم روعة

دى مدرسة

ولازم تدرس

حضرتك لعبت بالحرف والمعنى

بطريقة متفردة

منأجمل ماقرأت فى أغانى الثورة

مضمون وتعبير

وإحساس عالى

ينبض فى قلب الوطن

بجد بنتعلممن حضرتك

Suspect

تحيه و تقدير لحرفك الجميل
ستاذنا
كل التقدير

أستاذتنا الرقيقة : رشا فؤاد
كل الشكر على تفاعلك مع النص
وكل الإمتنان لكلماتك الكريمة.. ولولا شاعريتك لما كان استقبالك لها
ونحن جميعا نتعلم من مشاعر الآخرين .. دمت بخير

الأستاذ الشاعر الجميل : رأفت المصرى
جزيل الشكر على مرورك الكريم
دمت بكل خير

مقاطع جميلة أستاذ سعد
الله الله

شكرا أستاذ مصطفى عبد العزيز - على مشاركتك واهتمامك
دمت بكل الخير

غنوه جميله متكامله فيها الموضوع كله بس مين يلحن ومين يغنى الكلام الحلو والمعانى الممتعه\
القصيدة دى كانت تتقال من 50سنه كانت بقت من تراث الاغانى العربيه

الأخ الأستاذ الشاعر : يسرى عثمان
كل الشكر على مرورك الكريم وإطرائك الأجمل
وأدعو الله أن يتم نصره علينا جميعا
دمت بكل خير

سعد سليم كتب:: من أغانى الثورة
---------------

ضُمّينى لمّا تزلزلى وجدانى ... محتاج احّس بضمّتك من تانى
وحياة قساوة غُربتك مشتاق لك ... وحياة حلاوة رَجعتك واحشانى
-------------------------------------
أيام عصيبة وجولة بعد الجولة ... ماانت الحبيبة ولو بِأَلف محاولة
ولا كان فى بالى انّى أقابلك لكنْ ... مين اللى يمنع لو يريد المولى
بَفْخر بدمّى اللى انتشى من دمّك ... واستقبل الغدر اللى قاصد قلبك
طلْقات عدوّك تبقى طَلْق ف حَملك ...فَ يهلّ نصرك ع الميدان بأغانى
وحياة قساوة غربتك مشتاق لك ... وحياة حلاوة رجعتك واحشانى
-------------------------------------
سامحينى عن صمت السنين سامحينى ...سَدّوا مابين حَلقى وبين تكوينى
بَعدوكى عنّى فِكْرهم أنساكى ... بَعدونى عنّك فِكْرهم تنسينى
مسحوا ابتسامك من غنايا الباكى ... وعشان بحبك عَصّبوا شباكى
قطعوا اتصال المُشتَكى بالشاكى...فَ كسرت سجنى وانكسر سجانى
وحياة قساوة غربتك مشتاق لك ... وحياة حلاوة رجعتك واحشانى
-------------------------------------
يدّك فى يدّى نحتمى بالثورة ... ضدّك وضدّى ألف الف مؤامرة
واحد عدوك وانت تحته أسيرة ... مليون عدوك وانت فوقهم حُرّة
قومى لعَملك كلنا خُدّامك ... إعلى بعِلمك كلهم أقزامك
ثورى لمجدك وادهسى أُدامك ... كل اللى كان فى معبدك عَلمانى
وحياة قساوة غربتك مشتاق لك ... وحياة حلاوة رجعتك واحشانى

,,,,,,,,,,,,,,,,,,,,,,,,,,,,,,,,,,,,

الله عليك يااستاذ ويا شاعر بجد والله حاسس بالغربة معاك

واحشني كتير يا باش مهندس والحقيقة انا با أطمن عليك من اخونا

ناصر صلاح ربنا يكرم وتعود بالسلامة وان كنت وصلت حمدا لله

على السلامة ,, تحياتي وكل تقديري

بجد قصيده غنائيه حلوه جدا
ولاتأتي الا من شاعر كبييير ومبدع متميز
دمت بكل خير يا استاذ سعد
مودتي

الاستاذ الشاعر

سعد سليم

تحياتى وتقديرى

لإبداعك الراقى

دمت كبيرا

الله الله ياأستاذ سعد

دانا كان فايتني شاعر بجد

ولاكن ملحوقه ياعمنا ....

دمت مبدعآ حقيقيا ... تحياتي

الشاعر الجميل

سعد سليم

كلامك دخل قلبى

ومن غير مجاملة

اقولك

تسلم ايدك يا فنان

يسرى باشا
إنت اللى واحشنى وواحشانى كلماتك الجريئة فى الحق ورؤيتك الفنية المتميزة
أشكر مرورك الكريم وتقبل تحياتى
دمت بخير

أستاذنا الشاعر : مراد ناجح
الأجمل هو مرورك وكلماتك الرقيقة
دمت بكل خير يا أخى

الأستاذ الفاضل والشاعر الكبير : د . صلاح طاهر
شهادة غالية من قامة فنية كبيرة
أشكر كلماتك
دمت بكل خير

» الثورة دى جـِدّتى..!!.،تواصل مع الثورة دى بنتنا لمحمود جمعه
» بعد الثورة ( صباح الثورة )
» قصيدة إهداء ديوان أغانى الشباب ( شعر السيد درويش الضبع )
» من يوم الثورة
» زمن الثورة