غربـــة

 غـــربة
ــــــــــــــــــــــــــــــــــــــ
أنا حـاسـس بإنى غريب
وعندى ييجى ألف حبيب
مابين أهلى وخِـــــــّلانى
سارح بقلبى فى الملكوت
وماشى بين حيا أو موت
وأنفاسى إللى خنقــــانى
بدوس على أرض مروية
وشربت دم مــش ميـــــة
وجيـــــل رايح ورا التانى
بســـــجل واكتب العناوين
لناس تايهــه مع التايهين
وانا مش لاقى عنـــــوانى
غريب فى دنيــــــــا دوارة
قصورها رمل وحجـــــارة
أساسها بيندفن فى الطين
وأنــا قلبى أبى وعـــــالى
ومعدن أصلى م الغـــــالى
بيرحم أرملة ومسكــــــين
نويت وبشد فى رحـــــالى
وحالف لسكن العــــــــالى
هناك قصـــــرى فى عليين
هروح ومعايا مهر الـــحور
هناك كاس الهنــــــا بيدور
وأنس المولى يهنــــــــا لى
***********************
شعــر / طلعت الحداد

الاستاذ الشاعر

طلعت الحداد

أهلاّ بحرفك الوطنى الرائع ومرحباّ بك اخى

فى منتداك وبيتك الثانى .

قصيده جميله وكان يجب ان ُتسمى الشهيد .

احييك على وجودك القوى فى اول قصيدى تعارف .

مودتى وتحيتى ...

ـــــــــــــ
الشاعرة المتميزة عزة الزرقانى
لا أستطيع أن أصف سعادتى بما منحتينى من شرف بتثبيت أول موضوع لى فى هذا الموقع العملاق وأشكر لحضرتك ذوقك و كلماتك الرقيقة ، وإن شاء الله أكون عند حسن ظن حضراتكم

مع خالص الشكر والتقدير.