حبة هاموش

إنتوا ليه مابتسمعوش؟

وان سمعتوا... ماتفهموش!؟

هو دا شعب اللى ثاير

والا دول حبةهاموش؟

إنتوا إيه؟ مابتشوفوش؟

الغضب مالى الملامح

القلق كاسى الوشوش

واللى راح فيها شهيد

أهله لسه ماإرتاحوش

حسوا بالنار اللى فينا

ياناس ياهووو...مابترحموش؟

حالفين يرابط ف الميدان

شباب عليه العمر هان

لاجل مايحرر بلاده

م اللى ظلمه واللى سرقه

واللى ساده

إنتوا ليه مستكترين

يوم رحيلكوا يكون ميلاده؟

منى سليمان