مانشتات ثوريه

موضوع: مانشتات ثوريه الخميس فبراير 10, 2011 1:27 pm

مانشتات ثوريه
من أغاني حرفوش المجذوب
للشاعر/ ناصر صلاح

1
أجمل ميادين الكون
هو ميدان التحرير
أجمل أجيال الكون
طبعا جيل التغيير
لو عشت الثورة صغير
هتعيش العمر كبير
وتواجه كل مصاعبك
ولا تسكت ع التزوير
ولا يوم هيبيعك تاجر

2
إوعى 00 حاسب 00
من ثورة البركان
دا شباب بيموت علشان
الشعب يعيش فى أمان
إوعى 00 حاسب 00
تخرج م الميدان
قبل ما يجى اليوم
ونحاسب كل مدان
إوعى 00 حاسب 00
من وعد الألعبان
في الزنقة بيبقى صديق
والراحه يبان تعبان
إوعى 00 حاسب 00
تسمع أكاذيب لجبان
لو راجل قلبه شجاع
كان ينزل للميدان

3

هاتوا دم شهيد
سالي وسعيد
واتحنوا وحنوا جميع لحباب
سبحان من سبب دى الأسباب
اللـــــــــــــــــــــــــــه
الله ع الطيب
دا الجرح يطيب
والقلب الضاق
أصبح مشتاق
واسع ورحيب
واليوم الوقفه
وبكره العيد
هاتوا دم شهيد
واتحنوا وحنوا جميع لحباب

4

يا شهيد الثورة المصريه
سجل بدماك الورديه
حدوتة أحمس وبهيه
حدوتة جرجس ومحمد
وصمود الوحده الوطنيه
فلتحيا الثورة المصريه
وليحيا الجيش والحريه
وإرادة مصر الحديديه
وليسقط كل الحرميه

5

البقاء لله يا حسنى 00 البقاء لله
والدوام لله يا حسنى 00 الدوام لله

والحساب إن شاء الله
دنيا أخرى بإذن الله
البقاء لله
دعوة أم وابن شهيد
دعوة أب في – ظلم – حديد
دعوة قطر ما شافش العيد
دعوة شعب سفينه غريق
أو طيار ميت بحريق
راح وياه قناديل لطريق
البقاء لله

البقاء لله يا حسنى 00 البقاء لله
والدوام لله يا حسنى 00 الدوام لله

الشاعر الرائع ناصر صلاح رائع ما ابدعت مانشيتات فى موضعها تقبل مرورى

شكرا لك اخى حمدى
واشير للأحباب ان هناك شطرا ناقصا ف ى المقطع الأول هو
ولا تختل المعايير

علي المسرح .. يالهوي ياهوه

حمار ماسك في ودن ابوه

وعايز يوصل السلطان

ويفرش وسط ميت فدان

طبيعي لاننا بودان

بنسمع كل فيلم قالوه

أخي ناصر .. عود حميد لأشعارك الداله

رجاء التواصل أخي ..تحياتي

شاعرنا الكبير الاخ الفاضل أستاذى ناصر صلاح

دائماً رائع كعادتك

فى كل أنواع الإبداع

التى نستفيد منها

وتضيف إلينا الكثير

تحياتى لروعة الإبداع

عمنااالكبير عطيهه شواش
أنرت صفحتى وتوجت كلماتى بمرورك االعطر
اما الحمار فقد مسك فى ذيل ابيه وغارواا فى ستين الف داهيه

الأخت العزيزه رشا فؤاد
دوما تشجعيننى وتسعدننى فبارك اللهه فيك ومنك وعليك واليك

اخى الشاعر الجميل

ناصر صلاح

مانشتات رائعه وجميله وموجهه .

تصلح شعارات نتغنى بها .

انت شاعر جميل ورائع .

مودتى وخالص تقديرى ...

خالص تقديرى لمرورك ايها المبدع الجميل عادل سند
وبالفعل كتبت لتغنى بميدان التحرير أمس تلحين وغناء محمد عبد
العال ملحن المقاومه