الشعب كله بيكرهك - شعر / محمود عبد الحليم

صاحب القداسه
شعر / محمود عبد الحليم

ياصاحب القداسه ..
ايها الوعل الذى .. إستولى على كرسى الرياسه ..
انت لزقت .. والكل كاره ليك ..
تلاتين لا كليت ولا مليت ..
خليت بلدنا عزبه خاصه لحضرتك ..
ولكلابك .. ولحبايبك اسرتك ..
سايب عصابتك ينهبونا ..
يسرقونا ويخبطوا تخبيط ..
وانت اللى غرقان فى النعم ..
والعطايا والمنح ..
والرشاوى والخيانه شىء مقدس ..
لاحد يقدر يسألك ..
ولايحاسبك دا جه منين ..
والشعب قاعد ع الكفاف ..
ومحاسيبك القطط السمان اتذأبوا ..
وان حد حاول يشتكى ..
مايلاقى الا السخريه والاحتقار ..
واتسلى ياصاحب القداسه ..
بالكبار وبالصغار ..
مانت المنزه م المحاسبه والمسائله باختصار ..
ملعون ابوه اللى يبص لكلب من تلك الكلاب ..
ومفكرين ان احنا حاسدينهم ع النعم ..
بالعكس احنا كلنا ..
كارهين وجودك ونتمنى ليك ابشع مصير ..
لانك عديم الشعور .. وعمرك ماحاتحس بندم ..
تسمحلى يا صاحب القداسه اسألك ..
يوم المنصه ..
اشمعنى كل اللى معاك جنب السادات استشهدوا ..
وانت الوحيد اللى نجيت م المعمعه ..
وازاى ياحوحو كان انتقال ..
السلطه سهل لحضرتك ..
وازاى سى زفت الغير شريف ..
ظل فى فى مكانته بصحبتك ..
وازاى صراصير الرئاسه استأسدوا ..
فى عهدك الباغى الكريه ..
واتكتلوا ..
وانت بقيت اكبر زعيم ..
للعصابه اللى خدت كل البلد ..
وبقيت مدافع ع اللصوص ..
الناهبين هذا الوطن ..

لو انت جد .. وطنى شريف ..
سيب الرئاسه لحد تانى يكون لنا ..
مخلص امين ويصون كرامة شعبنا ..
ماكفايه ملينا الوجوه المقرفه ..
والصخريه بحال العباد ..
ارحل بقى ..
وكفايه تعذيب للعباد ..
الناس صحيح ..
ياكتله من صخر وجليد كرهتك ..
ولاعاد فى القلوب ..
ذرة كرامة لحضرتك
إرحل بقى ..
إرحل بقى ..

( محمود عبد الحليم )

اظنها متأخره جداّ

وكُتبت بعد تغيير واضح .

وهذا ما لم نعهده عليك ...

اشمعنى كل اللى معاك جنب السادات استشهدوا ..
وانت الوحيد اللى نجيت م المعمعه ..
وازاى ياحوحو كان انتقال ..
السلطه سهل لحضرتك ..

استاذنا الشاعر الكبير

محمود عبد الحليم

هل اعتبر كلماتك هذه تهمه موجهه لمبارك ان له يد

فى اغتيال السادات ؟؟؟

وهل انت كتبت هذا عن عمد ؟؟؟

وان كنت قد كتبت هذا . فلماذا نوّهت عن تلك التهمة الآن فقط ؟؟

اسئله كثيره اثارها نصك اخى محمود .

وياليتنى اجد عندك الاجابه ؟؟؟؟

شكرى وخالص تقديرى
..
***********************

عزيزى الشاعر الكبير عادل سند والابناء اعضاء منتدى عاطف الجندى
ليست
هناك مجايلة سنية بين وبين معظم اعضاء هذا المنتدى من الشباب الذين لم
يعرفونى حق المعرفه ولا يعرفون تاريخي الطويل فى عالم الآدب والشعرى
والعمل فى حقل الاعلام والصحافه على مدى اربعين سنه والذى لايعرفونه اعضاء
هذا المنتدى انى من الناصريين القدماء والمناهضين للعديد من المواقف
السلبيه فى هذا الوطن منذ ايام السادات وحتى تاريخه
ولكنى بحكم درايتى
الكامله بكل مايجرى ومايدور كتبت عشرات القصائد فى ديوان الضرب فى المليان
وديوان كلام لوجه الله ( مصادر ) عام 1986 وديوان وتريات مصريه مصادر عام
1988 .. ومن هنا اقول ان توجهاتى الابداعيه
بدأت من نهايات التسعينات
وبداية سنه 2000 فى محاولات تجريبيه لايجاد شكل جديد للقصيدة العاميه
وبالتالى فأنا ذو مواقف سياسيه ثابته ولم تتغير منذ نهايات الستينات وحتى
الان واتمنى ان يكون هذا التوضيح يحتوى على اجابة على التساؤلات التى تثار
خاصه وانى اصدرت الكثير من الدواوين التى تحمل رؤى متعدى واشكال مختلفه
واشكركم جميعا واتمنى ان يكون التعامل مع النص لا مع شخص المبدع خاصه لست من الراقصين على الحبال فى هذا الزمن الكئيب

الاخ الحبيب الشاعر

طاهر الصوفانى

انا لا اشكك فى وطنية اخى محمود .

ولكن عز علىّ ان يُفهم خطأ من قبل شعراء لايعرفونه جيداّ .

وهذا ما جعلنى اسأله لما تغيرت بنوعية نصوصك مؤخراّ .

ولكن تربطنا صداقه قيل الشعر ولاننا متقاربين سناّ فقد

إتخذته أخاّ وصديقاّ .

وهذا للتنويه فقط . اشكرك اخى طاهر

وتحيتى لكما وتقديرى ...