لما يضيع معنى الوطن

لمّا يضيع معنى الوطن
فيه ناس تعيش من غير شجن
وناس تعيش معنى المحن
وناس تكون ليها الحياة
ولا تتنسيش
وناس يادوب تتمنى بس
تحلم تعيش
واحنا ما بين الناس نفوت
لفينا نسأل عل البيوت
فين نلاقينّا سكن
لما يضيع معنى الوطن
××××
لما يكون الحلم حضنه
شوكه يغرسها الصديق
لما أماني العمر تبقى
حرف في دفتر غريق
لما دفا الأوطان يدور
حضن غيرك ياصديق
يبقى فين نلقى سكن
لما يضيع حضن الوطن
××××
لما يكون حضنك يابلدي
زنزانه جدرنها الصدور
لما نلاقي الخوف ملينا
والأماني حسّها جوّ القبور
لما ليلي يبقى بكره
أمتى يسكن حلمي نور
أمتى نصرخ فالعلن
واحنا يحاصرنا بالوطن
××××
لما يضيع معنى الوطن
فيه إيه هيفضل فالوجود
حتى الأماني الممكنة
تبقى سراب ملها حدود
تبقى الحقيقة المؤلمة
إني حياتنا فالشرود
أصلي الوطن ماهو سكن
ولا كلمة حلوة يعزفها عود
ما هو الوطن هو الوطن
زي الأمومة في المحن
يعني معاني دا الوطن
إحساس بداخلنا يكون
هشام مصطفى

الشاعر الجميل الاستاذ هشام مصطفي

في اول مصافحة لي لاعمالك دعني ارحب بك بيننا

في ظروف وطننا الدقيقة الصعبة

نعم اخي الكريم لما يضيع معني الوطن ..لن

يكون في حياتنا اي معني اخر .. لذا قام هؤلاء

الشباب ليعيدون للوطن هامتة المنتصبة العزيزة

ما أجمل قولك

لما يضيع معنى الوطن
فيه إيه هيفضل فالوجود
حتى الأماني الممكنة
تبقى سراب ملها حدود
تبقى الحقيقة المؤلمة
إني حياتنا فالشرود

أحييك أخي الشاعر الجميل على هذا الحس الوطني

المرهف ..وفي انتظار مزيدا من ابداعتك

دمت بكل خير

خالص التقدير

الاستاذ الشاعر

هشام مصطفى

صراحة كلماتك رغم ظروفنا إلا انها

اصابت ما اردت فهى كُتبت بوعيك ووطنيتك

احييك على جميل ما قدمت .

مودتى وتحيتى ...