رساله ألي الوالي ...... ماتفارقنا

إلنهارده الصبح نارك

حمصت جلد العيال

إلنهارده الضهر زارك

عند ولا عند البغال

كام نهار حتسوي فينا

إنت وحي من السما

ولا ... متسلط علينا

بيعاقبنا الله بنورك

إحنا محشورين في زورك ؟؟

ماتفارقنا ......

خللي خيرنا يبل ريقنا

إنت ماشبعتش خيانه

ولا قاعد بتضايقنا ؟؟

ماتفارقنا .....

إنت مين في مصر أبوك

كام حرامي بيعوزوك ؟؟

إنت فاهم إنهم بيركبوك

لسواد عيونك

إمتي حتبطل جنونك ؟؟

نفسي تفضل ميت سنه

تسدد ديونك

إللي لينا ف ذمتك

مش حيخلص دمنا

إللي مترصص بواكي ف خزنتك

ياااااااااجبلتك

إنت بتحب الغلابه ف مصر أكتر منهم؟؟

ولافاهم إن بعدك ع الديوان حيضرهم ؟؟

إنت فاهم أي حاجه من عصابتك ؟؟

كل عيل مات شهيد ذنبه ف رقبتك

ورقابتنا...

لإننا بنذيد عنادك لو سكتنا

واللي ماتوا .. ماهموناش

أصله فايض عن حاجتنا

إيه عيال بتقولك إمشي

أنالومنك ...مانمشي

إبعت الخيل والجمال

والعساكر بالحبال

كتف الحلم الجميل

واحرق الخيل الأصيل

وبـــ بلاش

إنت عمرك مانتهاش

لسه فيه ......

وانت راجل مش نبيه

شوفت صورتك في المجله ؟؟

تلقي راسك تملا حله

فيه دماغ بالشكل ده تحكم شعوب ؟؟

لسه ماشبعتش عيوب ؟؟

الكلام الحلو ميت ع الشفايف

وحياه مقام المصطفي

إنت اللي ... خايف

yousry_osman كتب:

شوفت صورتك فى المجلة
تلقى راسك تملا حلة
انزل بقى عيب اختشى ياراس كرنبه بتنحشى

أخي الشاعر الجميل / يسري عثمان

لاشئ أسوأ من ان تموت مقتولآ

سوي ان تعيش مقتولآ ....

فلنقدم دمائنا رخيصه قربانآ لوطننا

تحياتي