الثـــــــــــــــــــــــــــــــــــــــــورة

بتصدنى
تأمرنى انى انحنى
لاجل اكتمال الحلم فيها
الله عليه .!!!
رغم اختلاف الازمنة
لساها برضو مؤمنة بنفس الصفات
كل اللى فات
عشرين سنة
واربع سنين
وحلم م الزمن الحزين
ودموع بتتجمد على طرف السرير
وبقايا طير
بس انجرح
الخوف سرح من جسمها
كتفنى ف مكانى هنا
من حقنا
لما الامانى الممكنة
متكونش ابدا ممكنة
نغضب ونتمرد عليها
من حقنا لما الالم يكوينا وندوق المرار
ميكونش فى النار حلنا
امبارح اتعلمت درس مهنسهوش
وسط الوشوش ممكن نلاقى حد يشبهنا اوى
لكن صفاتنا تختلف
المستقيم كان الالف
وعشان كدة اصبح مقدمة الحروف
الخوف ملينا
بس بنلوم ع الظروف
ومن الكسوف ينقول سلامنا انتصار
وفقا لتصريح الكبــــــــــار !!!!
عجبى على بلد الحضارة والشطارة والكرم
عجبى على شكل الهرم
رمز الشموخ
عجبى على صمت الشيوخ
ازاى تسبح للصنم
وازاى بتشكر لما تتداس بالنعال
مين اللى قال العمر غالى
العمر غالى لما يبقى صوتنا عالى
والعمر ارخص م التراب
لمانركع للكلاب
ومع الاسف
مش عارف اتخيل خلاص
شكل الخلاص
الصورة باهتة والملامح مش اكيدة
مصر الوحيدة اللى اتقتل جواها ثورة
بس هتقوم الف ثورة
علشان منئبلش لبلدنا تبقى عورة
جوة انظار البشر
شكرا لانى مش زعيمكوا المنتظر
يسقط مبارك تحت اقدام الشعوب
يسقط اله الظلم والخوف والكروب
يسقط نظيف
يسقط شريف
يسقط حبيب الظلم سفاح الالوف
وتعيش بلدنا رافعة راسها للسما
وانا من هنا
بعلن بأنى الرافض الاول لحزب الدكتاتور
ومن التلات الجاى انا قررت اثور
ويأما اعيش ف النور
يأما احسنلى اغور............................

الشاعر الجميل ابراهيم حسن الثورة ابتدت ومش هتنتهى الا بنهاية الطاغوت تحياتى الخالصة

اساتذتى الاعزاء شكرا لمروركم الكريم
وبالفعل لن تنتهى هذه الثورة الا بالتحرير

ولسه

شكرا للشاعرة الجميلة عزة الزرقانى
واقول لكى انهمفئران

الأستاذ الشاعر / ابراهيم حسن
هذا النص أظهر لنا شاعرا كبيرا يمتلك أدوات الشعر ...شاعر حكيم على الرغم من أن الصورة الشخصية لسيادتكم توحي أنكم في أول العقد الثالث كنت أظن الحكمة تأتي من أفواه الشيوخ من خلال تجارب الحياة واليوم أراني أمام حكيم شاب فحينما تقول:
من حقنا
لما الامانى الممكنة
متكونش ابدا ممكنة
نغضب ونتمرد عليها
من حقنا لما الالم يكوينا وندوق المرار
ميكونش فى النار حلنا
الله عليك أيها العاقل والشاعر المتمكن ... في الواقع يا استاذ ابراهيم القصيدة جميلة وراقية قلت فيها كل شيء باسلوب رائع وفي صور شاعرية ولكني أختلف معك في شئ واحـــد خرج مخالفا لما قلته أنا وهو:
والعمر ارخص م التراب
لمانركع للكلاب
يا حبيب قلبي يا ريت تشوف حل ( لما نركع للكلاب ) لا تعوَّد نفسك على استخدام الصفات أو الأسماء الجارحة مهما كانت الأسباب لأنك شاعر جميل
ولكم مني خالص التحية

شكرا استاذى العزيز على ثناءك لقصيدتى
واعتذر عن انفعالى
لان الغضب يجعلنى اختارالفاظ ساخطة وحادة
شكرا لمرورك الكريم
دمت بحب

شكرا للاستاذة وداد الهوارى على نقل قصيدتى لقصائد الثورة دمتى بحب