زِيحِ الغُمَّة

موضوع: زِيحِ الغُمَّة الخميس يناير 27, 2011 3:25 pm

مواكبة وحمية لشعبي شعب مصر الآبية كتبت هذه
/
/
/
زيح الغمة = عدي الضلمة
قيد العتمة = وانفي الظلمة
****
ربك قادر = ربك جابر
محو الغادر = جبر الخاطر

*****
احنا شبعنا = من ذلتهم
وادي مش عزبة = او دولتهم
*****
شعبي يا صابر = من ميت عام
اصحي وقاوم = تفرق كام
******
خليك صاحي = ف شارعك لف
و افتح سدرك = قوي الكف
*****
مستصغرنا = قوي كده ليه
وريه يطلع= منك ايه
******
ان ضَرب إضرب= متهابهوش
واحد يهرب= فالتاني حوش
*****
مصر قوية =مصر عفية
مش محتاجة= للحرامية
******
خليك صامد = بصبرك جامد
حقك تاخده = رغم الجاحد

*****
بالشلوت او بالنبوت
علِّي مقامك =علِّي الصوت

*****
شعبي يا مؤمن = إدعي وأمن
الله يتمم= الله يسلِّم
******
وادِ سُكاتنا = مكانش بضعف
لكن صبر =ورص الصف
******
لو ننزل فشارعنا سنين
مش راح نمش احنا الملايين
******
الوقفة خليها لله
مصر النصر بتستناه

******
محتاجين حكومة نضيفة
وحاكم عادل مش تغليفة
*****
عارفين اصل المسألة ايه
نمنا كتير وسكتنا عليه
******
نصرة مصر مهش ببلاش
إدي المهر البخل بلاش
******
دم الشهدا يعكر بحر
راح نمحي بالدم الغدر
*******
إيد ف الإيد مسلم ومسيحي
حقك حقي وريحك ريحي
******
ناخد بالنا من الأغراب
وطابور خامس نقر غراب
******
فاكر مصرنا للصبيان
مصر بتفرم كل جبان
******
ربي حقق بينا النصر
واعصر قلب الظالم عصر
*****

لو ظللت اقول ما انتهيت
تحية للشعب المصري المجاهد في مسيرات الجهاد ضد الظلم والظالمين
يا رب اتمم نصرنا يارب وارزقنا افضلنا حاكما لنا
وارزقه افضلنا وزراء وخلصاء امين

اخى الشاعر والزجال الجميل

الطنطاوى الحسينى

والله اخى نحن كلنا مع تلك الانتفاضه والصحوه المشرفه

لهذا الشعب الذى ظل ثلاثون عاماّ مقيداّ بقانون الطواريء

الذى يحمى السلطه فقط ورجال الاعمال الذين نهبوا خير

هذا الشعب وحولوه الى رصيد فى البنوك السويسريه .

ولكن عندما يستخدم العادلى الرصاص الحى لتفريق المظاهرات

فهنا لابد ان يتغير الكلام . ويتغير مفهوم المتظاهرين .

نشكرك على حسك الوطنى وقصيدتك الجميله ...

الله الله

على ثورة

الشعب

الله

ع النور

تثبت بواسطتى
لروعة

الثورة

الله الله الله ياأستاذي..
الشاعر والناقد والزجّال والأديب..الأستاذ الطنطاوي..
أزاح الله عن قلبك كل الهموم وأسعدك بقدر ماأسعدتنا..
تحية اجلال وعرفان لابداعك وقلمك المُميز..
وتقبل منّي هذه الكلمات البسيطة من وحي قلمك الثائر..

زيح الغُمّة...خلّي الأُمّة
تعرف معنى جمال النصرْ
قول واتكلّمْ..مُش هنسلّمْ
لو هنموت وتعيشي يامصرْ
احنا ولادكْ..دِرعكْ زادِكْ
وقت الشِدّة يبان الصَبرْ

تقبل خربشاتي المتواضعة من وحي ابداعك..

يارب

زيح الغمة

تحياتى

اخى الطنطاوى الحسينى ابداع رائع تولد من رحم الثورة الشبابية ولنعلم جميعا ان لكل ظالم نهاية

عادل عوض سند كتب:: اخى الشاعر والزجال الجميل

الطنطاوى الحسينى

والله اخى نحن كلنا مع تلك الانتفاضه والصحوه المشرفه

لهذا الشعب الذى ظل ثلاثون عاماّ مقيداّ بقانون الطواريء

الذى يحمى السلطه فقط ورجال الاعمال الذين نهبوا خير

هذا الشعب وحولوه الى رصيد فى البنوك السويسريه .

ولكن عندما يستخدم العادلى الرصاص الحى لتفريق المظاهرات

فهنا لابد ان يتغير الكلام . ويتغير مفهوم المتظاهرين .

نشكرك على حسك الوطنى وقصيدتك الجميله ...

اشكرك استاذي المبدع عادل عوض سند على المرور الجميل
والتعليق النبيل
اعتذر للتاخير
ومعا حتى النصر تحياتي

عادل عوض سند كتب:: اخى الشاعر والزجال الجميل

الطنطاوى الحسينى

والله اخى نحن كلنا مع تلك الانتفاضه والصحوه المشرفه

لهذا الشعب الذى ظل ثلاثون عاماّ مقيداّ بقانون الطواريء

الذى يحمى السلطه فقط ورجال الاعمال الذين نهبوا خير

هذا الشعب وحولوه الى رصيد فى البنوك السويسريه .

ولكن عندما يستخدم العادلى الرصاص الحى لتفريق المظاهرات

فهنا لابد ان يتغير الكلام . ويتغير مفهوم المتظاهرين .

نشكرك على حسك الوطنى وقصيدتك الجميله ...