نص عيـــــن(حالى وحال بلادى)

يا بلادى
دادى دادى
ف الابلسه واللصوص
اكليهم الزبادى
لبسيهم الفصوص
سكنيهم ف المعادى
غرقيهم بالفلوس

اما احنا
موتينى حتة حتة
واكتبلنى ف الروشتة
الزل اقراص ولبوس

احنا بااروحنا اشترينا
هما بالرخيص بعوكى
لاجل مايروح مارينا
ويركبو الجيب الشيروكى

احنا يابلادى ولاد ك
هما اللى نهبين جنابك
هما كل الحسبة دايما.
احنا ساقطين من حسابك

هما ملو الكدر.
لــــــــــــــــــــكن
احنا فى الصورة رتوش

يا بلادى
دادى دادى
ف الابلسه واللصوص
اكليهم الزبادى
لبسيم الفصوص
سكنيهم ف المعادى
غرقيهم بالفلوس

يابلادى مرة حتى .
بصى لينا بنص عين
شوف احنا صبحنا ايه
ووصلنا فين
دققى ف ضحكة وشوشنا
هتلاقيها زيف وزور
احنا لاجل رغيف يا بلدى
نصنا مات ف الطبور
احنا كل يوم نموت
هما عايشين بالريموت
احنا حتى لما نحلم
نصحى من حلم ل كابوس

يا بلادى
دادى دادى
ف الابلسه والصوص
اكليهم الزبادى
لبسيهم الفصوص
سكنيهم ف المعادى
غرقيهم بالفلوس

ابقى يابلادى امانة
اما لما تنوى بيعى
خلى تمنى مش رخيص
اصلى غالى.
بس غيرشى زمانى خانى
مال عليا ومال بحالى
هد جوايا الامانى
طفى ف عيونى الشموس
خلى حكمى مش بايدى
ولى امرى للتيوس

يا بلادى
دادى دادى
ف الابلسه والصوص
اكليهم الزبادى
لبسيهم الفصوص
سكنيهم ف المعادى
غرقيهم بالفلوس
[center]

الزجال الجميل

مصطفى الفارس

زجليه بها الواقع المر والحقيقه التى يردون محوها .

وعندما يستشرى الفساد لابد من ثورة الحرافيش .

وعندما تثور الحرافيش لايجب الاستهانه بهم .

وهنا لابد لنا من وقفه ..

هل مطالب الحرافيش صعب تحقيقها ؟؟؟

انا اقول لا ليس من الصعب تحقيقها .. ولكن تعنت السلطه

هى التى رفضت تلك المطالب .

قصيدتك موجعه بقدر معاناتنا وما كابده هذا الشعب من استعباد

واعتقالات بواسطة قانون الطواريء المفتعل ..

احييك على جمال ما قدمت .

وتقبل مودتى وتحيتى ...

استاذى عادل سند مشكووووووووووووور لمرورك . وان شاء الله خلص زمن الكلام ومن النوم صحيو النيام وبلدنا اخير هترسى ع الشط بامان[b]

» صرخه بلادى
» حياتى بلادى
» صباحك ورد يا بلادى
» ف حضنك يا بلادى
» راح أدى بلادى ما تطلب