ردا" على رائعة الشاعرة/رشا فؤاد (كوتشينة)

يالعبة من ورق
تعبى عمر فى
خزاين الهوا
مالناش دوا
والعقل غوى
والولد فارد ع
الدور
والشايب يلف
يدور
دستور ياسيادى
دستور
والحدود ترابيزة
ب رجول
خشب
حضن العيال
عليها اتنصب
مين السبب؟؟
ع القهاوى
حكاوى لها
العجب
إرمى التسعة
كلنا ولاد
تسعة
مين عليها
بيسعى
إيه يعمل الواحد
مع الكومى
واللص بيسرق
عرق
وليه نموت ب
الغرق
بصرة بالاتنين
ينسون يا
حسين
يآل البيت
مدد
كوباية مية
زبد
إرمى البنت خليها
تعوم
والمية ف العالى
وأنا المحروم
دا عند ولاد
خالى
بيقولوا إشتراها
الخواجة
مخالى
وحنيلى كعب
خلخالى
تموت الزرعة
والجيب
خالى
إالعب ياعم
حالك وحالى
مشنوق بحبل
الرجا
لما الولد
يصبح شايب
وطن
والريحة هواها
عفن
خسارة فينا
قماش
الكفن

الشاعر المتألق أستاذ حمدى البابلى

حقيقى مش عارفه أقول ايه

على هذا التفاعل الجميل

مع العمل الذى شرفتنى به

يالها من روح طيبه

فى شخصك النبيل

الذى طرح هذا الإبداع الرقى بيننا

لك منى كل التقدير

على كلماتك المتميزة

تحياتى للروعة

إالعب ياعم
حالك وحالى
مشنوق بحبل
الرجا
لما الولد
يصبح شايب
وطن
والريحة هواها
عفن
خسارة فينا
قماش
الكفن
اللة اللة تعبير باهر