محــاولة للخروج

مش دموع
دول شوية مشاعر رهيّفين
مستحملوش الغنا
وارد طبعاً ..
وقت أما يغويك الفرح
شمسك تغيب
وتغرّبك
وكإنها الدنيا ..
حلّت ضفاير شعرها الليل التقيل
علي غنوتك
وإنت ف محاوله للخروج
من بوابات حزنك العاصي ..
عليك ..
إنك تعيد تشكيل طفل الوجود الملتهب جوّاك ..
ورد صابح / صبح وارد ..
يندهك
وبالحلم اللي بين شطين أحاسيسك
عبي ف قلمك
وإنزف .. إنزف ..
لحد أما ينشق ضهر الوجع ف عنيك
ويروح ..
ومايبقاش والغنا حد غيرك
وشوية مشاعر رهيّفين
وارد طبعاً

الشاعر الجميل / مراد ناجح عزيز

جميلة فصيدتك

كعادتك جميل الفكر والتعبير
مودتي
ماجد

مش دموع
دول شوية مشاعر رهيّفين
مستحملوش الغنا
وارد طبعاً ..
وقت أما يغويك الفرح
شمسك تغيب
وتغرّبك
وكإنها الدنيا ..

الاخ الشاعر الجميل

مراد ناجح عزيز

على فكره . انت لمست حاجه مهمه جداّ

فى المشاعر الانسانيه . وهى الدموع ..

متى وماهو الشيء الذى يسحبها من المقل ؟؟؟؟؟

الحزن .. الفرح .. وهما ضدان فسبحان الله عندما يفرح

الانسان يبكى وعندما يحزن كذلك . بل فى قولك { رهيّفين }

ورغم رهافة المشاعر إلا انها سحبت الدموع .

الموضوع جميل جداّ وانت شاعر يبهجنى حرفه .

مودتى وتحيتى ...