عارفة ليه؟

عارفة ليه؟
عارفة ليه انا لما ببعد
عن عيونك بختفى وسط
الســـــــــــــــــــــــــكوت
عارفة ليه؟
انا لما بحلم انى عايش
وسط قلبك يندفن حلمى
يمــــــــــــــــــــــــــــوت
عارفة ليه اصلا بعيش ؟
عارفة انى بحبك انتى
والا لسة متعرفيــــــش؟
عارفة ان الكون بيرسم
من سكوتى الف صوت
عارفة لما قلتلك بحلم اموت
عارفة لما قمت وصحيت م
التابـــــــــــــــــــــــــــــوت
عارفة ايه؟
عارفة ايه يا حبيبتى عنى؟
عارفة انك كنتى منى؟؟!!
عارفة لما بخاف بغنى....!
اصلى عاشق
اصلى عاشق حلم صعب
يكون عشانــــــــــــــــــــى
بس بحلم من مكانـــــــــــى
ألقى نفسى بين اديكى ......
حتى لو هكدب عليكى.....
حتى لو هقطع لسانى ......
صعب انى اقول بحبك..!
صعب انى اقولها تانى....
مش عشان مبحبكيش
لا بــــــحـــــبـــــــــــــك
بس خايف انى اموت من غير
ما اعيــــــــــــــــــــــــش
يبقى افضل انك انتى متعرفيش
بس عارفة..
نفسى اقولها حتى لو وسط الكلام
وان لاحظتى
ابقى اقولك اى حاجة والسلام
ابقى اقولك حد غيرك كان فى بالى
فجأة طيفه جه ف خيالى
قمت قايل ف الكلام
كلمة بــــــحــــــبـــــــــــك
واعذرينى لو جرحتك....!!!
اصل صعب عليا اصارحك بالحقيقة
صعب حلم العمر يتهد ف دقيقة
صعب اشوف الدمع ف عنيكى البريئة
اه بحبك بس هسكت ... غصب عنى
رغم انى بنشر الاحزان ف قلبى كل يوم
والمصيبة انى ببدأ يومى دايما بالهموم
هم انى اقول بحبك
هم انى اكون معاكى
وابقى جمبـــــــــــك
هم انى اشيل دموعك من عنيكى
وابكى ليكى وابقى بيكى
طير يرفرف فوق سماكى
طير بيفرح بس باكى.....
جوة قلبه حزن ساكن من زمان
بس عارفة الطير هيضحك تانى امتى؟
لو لمح صورة ملاكى...!!!!!
وان لقيتى الطير بيبكى
أسأليه...؟؟؟
باكى ليه؟؟؟
مش هينطق طيرى خالص
عارفة ليه؟؟؟
اصلو يائس.....!!!

شاعرنا المتألق إبراهيم حسن

بسم الله ماشاء الله

إبداع راقى جداً

عافى فى الحرفيه بين رمزك الواعى

الخادم لمضمون القصيدة

قصيدة ملئية بالشجن

بين أرقى الكلمات

فى تعبيرك الرائع

وخاتمتك المتفردة

أدام الله عليك الإبداع

الشاعر الرائع ابراهيم حسن رائع ما ابدعت رومانسية عالية الامتاع والابداع تقبل مرورى

إبداع
دام تألق موهبتك

الشاعر المُبدع...ابراهيم حسن..
كلماتك واحساسك أكبر من كل تعليق ....
لا أملك الا أن أنحنى أمام قلمك احتراما وتقديراً..
دمت مبدعا ياسيدي الشاعر..